Find the Truth

In the Pāli Suttas and Vinaya

settings

{{table.suttaCol}} {{table.readCol}} {{table.titleCol}} {{table.wordsCol}} {{table.countCol}} {{table.mrCol}} {{table.linksCol}} {{table.typeCol}} {{table.quoteCol}}
{{table.wordCol}} {{table.textsCol}} {{table.matchesCol}} {{table.linksCol}}

{{results.variantsForLabel}}

Variants 1/2 columns Dictionary Multi-select Compass Help

Note:Translations, dictionaries and commentaries were not made by the Blessed One.Cross-check with Pali in 4 main nikayas.

  • Milindapañha
  • Anumānapañha
  • Nippapañcavagga

9. Sūriyatapanapañha

“Bhante nāgasena, ayaṁ sūriyo sabbakālaṁ kaṭhinaṁ tapati, udāhu kiñcikālaṁ mandaṁ tapatī”ti?
sūriyo → suriyo (pts) | kiñcikālaṁ → kañci kālaṁ (pts)
“Sabbakālaṁ, mahārāja, sūriyo kaṭhinaṁ tapati, na kiñcikālaṁ mandaṁ tapatī”ti.
sūriyo → suriyo (pts) | kiñcikālaṁ → kañci kālaṁ (pts)
“Yadi, bhante nāgasena, sūriyo sabbakālaṁ kaṭhinaṁ tapati, kissa pana appekadā sūriyo kaṭhinaṁ tapati, appekadā mandaṁ tapatī”ti?
sūriyo → suriyo (pts)
“Cattārome, mahārāja, sūriyassa rogā, yesaṁ aññatarena rogena paṭipīḷito sūriyo mandaṁ tapati.
sūriyassa → suriyassa (pts) | paṭipīḷito sūriyo → patīpīḷito suriyo (pts)
Katame cattāro? Abbhaṁ, mahārāja, sūriyassa rogo, tena rogena paṭipīḷito sūriyo mandaṁ tapati.
sūriyassa → suriyassa (pts) | paṭipīḷito sūriyo → patipīḷito suriyo (pts)
Mahikā, mahārāja, sūriyassa rogo, tena rogena paṭipīḷito sūriyo mandaṁ tapati.
sūriyassa → suriyassa (pts) | paṭipīḷito sūriyo → patipīḷito suriyo (pts)
Megho, mahārāja, sūriyassa rogo, tena rogena paṭipīḷito sūriyo mandaṁ tapati.
sūriyassa → suriyassa (pts) | paṭipīḷito sūriyo → patipīḷito suriyo (pts)
Rāhu, mahārāja, sūriyassa rogo, tena rogena paṭipīḷito sūriyo mandaṁ tapati.
sūriyassa → suriyassa (pts) | paṭipīḷito sūriyo → patipīḷito suriyo (pts)
Ime kho, mahārāja, cattāro sūriyassa rogā, yesaṁ aññatarena rogena paṭipīḷito sūriyo mandaṁ tapatī”ti.
sūriyassa rogā yesaṁ → suriyassarogā tesaṁ (pts) | rogena paṭipīḷito sūriyo → patipīḷito suriyo (pts)
“Acchariyaṁ, bhante nāgasena, abbhutaṁ, bhante nāgasena, sūriyassapi tāva tejosampannassa rogo uppajjissati, kimaṅgaṁ pana aññesaṁ sattānaṁ, natthi, bhante, esā vibhatti aññassa aññatra tavādisena buddhimatā”ti.
sūriyassapi → suriyassa pi (pts) | kimaṅgaṁ → kimanga (pts) | buddhimatāti sūriyatapanapañho navamo → buddhimatā ti (pts)

Sūriyatapanapañho navamo.
Sūriyatapanapañho → suriyatāpapañho (bj); suriyarogabhāvapañho (maku)

Principles · Rationale · Glossary · 6 Pali editions