6. Nāvālagganakaṅgapañha
“Bhante nāgasena, ‘nāvālagganakassa dve aṅgāni gahetabbānī’ti yaṁ vadesi, katamāni tāni dve aṅgāni gahetabbānī”ti?
nāvālagganakassa → nāvālakanakassa (pts)
“Yathā, mahārāja, nāvālagganakaṁ bahuūmijālākulavikkhobhitasalilatale mahatimahāsamudde nāvaṁ laggeti ṭhapeti, na deti disāvidisaṁ harituṁ;
nāvālagganakaṁ → nāvālakanakaṁ (pts) | laggeti → laketi (pts)
evameva kho, mahārāja, yoginā yogāvacarena rāgadosamohūmijāle mahatimahāvitakkasampahāre cittaṁ laggetabbaṁ, na dātabbaṁ disāvidisaṁ harituṁ.
rāgadosamohūmijāle → rāgadosamohummijāle (pts) | laggetabbaṁ → laketabbaṁ (pts)
Idaṁ, mahārāja, nāvālagganakassa paṭhamaṁ aṅgaṁ gahetabbaṁ.
nāvālagganakassa → nāvālakanakassa (pts)
Puna caparaṁ, mahārāja, nāvālagganakaṁ na plavati visīdati, hatthasatepi udake nāvaṁ laggeti ṭhānamupaneti;
na plavati → na pilavati (bj, pts-vp-pli1); na palavati (maku) | nāvālagganakaṁ → nāvālakanakaṁ (pts) | laggeti ṭhānamupaneti evameva → laketi ṭhānaṁupaneti evam eva (pts) | plavati → na pilavati (cck: sī. pī.)
evameva kho, mahārāja, yoginā yogāvacarena lābhayasasakkāramānanavandanapūjanaapacitīsu lābhaggayasaggepi na plavitabbaṁ, sarīrayāpanamattake yeva cittaṁ ṭhapetabbaṁ.
lābhayasasakkāramānanavandanapūjanaapacitīsu lābhaggayasaggepi → lābhayasasakkāramānanavandanapūjanaapacitisu lābhaggayasagge pi (pts) | plavitabbaṁ → pilavitabbaṁ (pts)
Idaṁ, mahārāja, nāvālagganakassa dutiyaṁ aṅgaṁ gahetabbaṁ.
nāvālagganakassa → nāvālakanakassa (pts)
Bhāsitampetaṁ, mahārāja, therena sāriputtena dhammasenāpatinā—
‘Yathā samudde lagganakaṁ, na plavati visīdati;
lagganakaṁ → lakanaṁ (pts) Tatheva lābhasakkāre, mā plavatha visīdathā’”ti.
Nāvālagganakaṅgapañho chaṭṭho.
Nāvālagganakaṅgapañho → nāvālakanakaṅgapañho (bj)