8. Sūriyaṅgapañha
“Bhante nāgasena, ‘sūriyassa satta aṅgāni gahetabbānī’ti yaṁ vadesi, katamāni tāni satta aṅgāni gahetabbānī”ti?
sūriyassa → suriyassa (bj, maku, pts-vp-pli1) | sūriyassa → suriyassa (cck: sī. syā. pī.)
“Yathā, mahārāja, sūriyo sabbaṁ udakaṁ parisoseti;
sūriyo → suriyo (pts)
evameva kho, mahārāja, yoginā yogāvacarena sabbakilesā anavasesaṁ parisosetabbā.
sabbakilesā → sabbe kilesā (pts)
Idaṁ, mahārāja, sūriyassa paṭhamaṁ aṅgaṁ gahetabbaṁ.
sūriyassa → suriyassa (pts)
Puna caparaṁ, mahārāja, sūriyo tamandhakāraṁ vidhamati;
sūriyo → suriyo (pts)
evameva kho, mahārāja, yoginā yogāvacarena sabbaṁ rāgatamaṁ dosatamaṁ mohatamaṁ mānatamaṁ diṭṭhitamaṁ kilesatamaṁ sabbaṁ duccaritatamaṁ vidhamayitabbaṁ.
Idaṁ, mahārāja, sūriyassa dutiyaṁ aṅgaṁ gahetabbaṁ.
sūriyassa → suriyassa (pts)
Puna caparaṁ, mahārāja, sūriyo abhikkhaṇaṁ carati;
sūriyo → suriyo (pts)
evameva kho, mahārāja, yoginā yogāvacarena abhikkhaṇaṁ yoniso manasikāro kātabbo.
Idaṁ, mahārāja, sūriyassa tatiyaṁ aṅgaṁ gahetabbaṁ.
sūriyassa → suriyassa (pts)
Puna caparaṁ, mahārāja, sūriyo raṁsimālī;
sūriyo → suriyo (pts)
evameva kho, mahārāja, yoginā yogāvacarena ārammaṇamālinā bhavitabbaṁ.
Idaṁ, mahārāja, sūriyassa catutthaṁ aṅgaṁ gahetabbaṁ.
sūriyassa → suriyassa (pts)
Puna caparaṁ, mahārāja, sūriyo mahājanakāyaṁ santāpento carati;
sūriyo → suriyo (pts)
evameva kho, mahārāja, yoginā yogāvacarena ācārasīlaguṇavattappaṭipattiyā jhānavimokkhasamādhisamāpattiindriyabalabojjhaṅgasatipaṭṭhānasammappadhānaiddhipādehi sadevako loko santāpayitabbo.
Idaṁ, mahārāja, sūriyassa pañcamaṁ aṅgaṁ gahetabbaṁ.
sūriyassa → suriyassa (pts)
Puna caparaṁ, mahārāja, sūriyo rāhubhayā bhīto carati;
sūriyo → suriyo (pts)
evameva kho, mahārāja, yoginā yogāvacarena duccaritaduggativisamakantāravipākavinipātakilesajālajaṭite diṭṭhisaṅghāṭapaṭimukke kupathapakkhande kummaggapaṭipanne satte disvā mahatā saṁvegabhayena mānasaṁ saṁvejetabbaṁ.
kummaggapaṭipanne → kumaggapaṭipanne (maku, mr) | diṭṭhisaṅghāṭapaṭimukke kupathapakkhande → diṭṭhisanghāṭapaṭimukke kupathapakkhanne (pts) | kummaggapaṭipanne → kumaggapaṭipanne (cck: syā. ka.)
Idaṁ, mahārāja, sūriyassa chaṭṭhaṁ aṅgaṁ gahetabbaṁ.
sūriyassa → suriyassa (pts)
Puna caparaṁ, mahārāja, sūriyo kalyāṇapāpake dasseti;
sūriyo → suriyo (pts)
evameva kho, mahārāja, yoginā yogāvacarena indriyabalabojjhaṅgasatipaṭṭhānasammappadhānaiddhipādalokiyalokuttaradhammā dassetabbā.
Idaṁ, mahārāja, sūriyassa sattamaṁ aṅgaṁ gahetabbaṁ.
sūriyassa → suriyassa (pts)
Bhāsitampetaṁ, mahārāja, therena vaṅgīsena—
vaṅgīsena yathāpi sūriyo → vangīsena yathā pi suriyo (pts)
‘Yathāpi sūriyo udayanto, rūpaṁ dasseti pāṇinaṁ; Suciñca asuciñcāpi, kalyāṇañcāpi pāpakaṁ.
Tathā bhikkhu dhammadharo, avijjāpihitaṁ janaṁ; Pathaṁ dasseti vividhaṁ, ādiccovudayaṁ yathā’”ti.