6. Jarasiṅgālaṅgapañha
“Bhante nāgasena, ‘jarasiṅgālassa dve aṅgāni gahetabbānī’ti yaṁ vadesi, katamāni tāni dve aṅgāni gahetabbānī”ti?
jarasiṅgālassa → jarasigālassa (bj, pts-vp-pli1)
“Yathā, mahārāja, jarasiṅgālo bhojanaṁ paṭilabhitvā ajigucchamāno yāvadatthaṁ āharayati;
jarasiṅgālo → jarasigālo (pts)
evameva kho, mahārāja, yoginā yogāvacarena bhojanaṁ paṭilabhitvā ajigucchamānena sarīrayāpanamattameva paribhuñjitabbaṁ.
Idaṁ, mahārāja, jarasiṅgālassa paṭhamaṁ aṅgaṁ gahetabbaṁ.
jarasiṅgālassa → jarasigālassa (pts)
Bhāsitampetaṁ, mahārāja, therena mahākassapena—
‘Senāsanamhā oruyha, gāmaṁ piṇḍāya pāvisiṁ; Bhuñjantaṁ purisaṁ kuṭṭhiṁ, sakkacca naṁ upaṭṭhahiṁ.
So me pakkena hatthena, ālopaṁ upanāmayi; Ālopaṁ pakkhipantassa, aṅgulipettha chijjatha.
aṅgulipettha → angulimp ettha (pts)Kuṭṭamūlañca nissāya, ālopaṁ taṁ abhuñjisaṁ;
kuṭṭamūlañca nissāya → kuḍḍamūlañca niāya (pts) taṁ abhuñjisaṁ → paribhuñjisaṁ (pts) Bhuñjamāne vā bhutte vā, jegucchaṁ me na vijjatī’ti.
vā → va (pts)
Puna caparaṁ, mahārāja, jarasiṅgālo bhojanaṁ paṭilabhitvā na vicināti lūkhaṁ vā paṇītaṁ vāti;
jarasiṅgālo → jarasigālo (pts)
evameva kho, mahārāja, yoginā yogāvacarena bhojanaṁ paṭilabhitvā na vicinitabbaṁ ‘lūkhaṁ vā paṇītaṁ vā sampannaṁ vā asampannaṁ vā’ti, yathāladdhena santussitabbaṁ.
Idaṁ, mahārāja, jarasiṅgālassa dutiyaṁ aṅgaṁ gahetabbaṁ.
jarasiṅgālassa → jarasigālassa (pts)
Bhāsitampetaṁ, mahārāja, therena upasenena vaṅgantaputtena—
‘Lūkhenapi ca santusse, nāññaṁ patthe rasaṁ bahuṁ;
Lūkhenapi ca → lūkhenapi vā (thag10.6:4 [Vaṅgantaputtaupasenattheragāthā]) Rasesu anugiddhassa, jhāne na ramate mano;
ramate → ramatī (bj, maku, pts-vp-pli1) | ramate → ramatī (cck: sī. pī.) Itarītarena santuṭṭho, sāmaññaṁ paripūratī’”ti.
santuṭṭho → santuṭṭhe (bj, pts-vp-pli1); santuṭṭhī (maku) | santuṭṭho → santuṭṭhe (cck: sī. pī.)
Jarasiṅgālaṅgapañho chaṭṭho.
Jarasiṅgālaṅgapañho → jarasigālaṅgapañho (bj)