8. Gorūpaṅgapañha
“Bhante nāgasena, ‘gorūpassa cattāri aṅgāni gahetabbānī’ti yaṁ vadesi, katamāni tāni cattāri aṅgāni gahetabbānī”ti? “Yathā, mahārāja, gorūpo sakaṁ gehaṁ na vijahati; evameva kho, mahārāja, yoginā yogāvacarena sako kāyo na vijahitabbo ‘aniccucchādanaparimaddanabhedanavikiraṇaviddhaṁsanadhammo ayaṁ kāyo’ti. Idaṁ, mahārāja, gorūpassa paṭhamaṁ aṅgaṁ gahetabbaṁ.
Puna caparaṁ, mahārāja, gorūpo ādinnadhuro sukhadukkhena dhuraṁ vahati;
ādinnadhuro → ādiṇṇadhuro (pts)
evameva kho, mahārāja, yoginā yogāvacarena ādinnabrahmacariyena sukhadukkhena yāva jīvitapariyādānā āpāṇakoṭikaṁ brahmacariyaṁ caritabbaṁ.
ādinnabrahmacariyena → ādiṇṇabrahmacariyena (pts)
Idaṁ, mahārāja, gorūpassa dutiyaṁ aṅgaṁ gahetabbaṁ.
Puna caparaṁ, mahārāja, gorūpo chandena ghāyamāno pānīyaṁ pivati;
evameva kho, mahārāja, yoginā yogāvacarena ācariyupajjhāyānaṁ anusiṭṭhi chandena pemena pasādena ghāyamānena paṭiggahetabbā.
anusiṭṭhi → anusatthi (pts)
Idaṁ, mahārāja, gorūpassa tatiyaṁ aṅgaṁ gahetabbaṁ.
Puna caparaṁ, mahārāja, gorūpo yena kenaci vāhiyamāno vahati; evameva kho, mahārāja, yoginā yogāvacarena theranavamajjhimabhikkhūnampi gihiupāsakassāpi ovādānusāsanī sirasā sampaṭicchitabbā. Idaṁ, mahārāja, gorūpassa catutthaṁ aṅgaṁ gahetabbaṁ. Bhāsitampetaṁ, mahārāja, therena sāriputtena dhammasenāpatinā—
‘Tadahu pabbajito santo, jātiyā sattavassiko; Sopi maṁ anusāseyya, sampaṭicchāmi matthake.
matthake → muddhanā (bj) | matthake → muddhanā (cck: sī.)Tibbaṁ chandañca pemañca, tasmiṁ disvā upaṭṭhape;
pemañca → pamañca (pts) Ṭhapeyyācariyaṭṭhāne, sakkacca naṁ punappunan’”ti.
ṭhapeyyācariyaṭṭhāne → ṭhapeyy ācariye ṭhāne (pts) punappunanti gorūpaṅgapañho aṭṭhamo → punappunan ti (pts)