3. Cittakadharakummaṅgapañha
“Bhante nāgasena, ‘cittakadharakummassa ekaṁ aṅgaṁ gahetabban’ti yaṁ vadesi, katamaṁ taṁ ekaṁ aṅgaṁ gahetabban”ti?
aṅgaṁ → nagaṁ (pts) | cittakadharakummassa → cittakathalakummassa (cck: sī. pī.)
“Yathā, mahārāja, cittakadharakummo udakabhayā udakaṁ parivajjetvā vicarati, tāya ca pana udakaṁ parivajjanāya āyunā na parihāyati;
parivajjetvā → pariyajjetvā (pts)
evameva kho, mahārāja, yoginā yogāvacarena pamāde bhayadassāvinā bhavitabbaṁ, appamāde guṇavisesadassāvinā.
Tāya ca pana bhayadassāvitāya na parihāyati sāmaññā, nibbānassa santike upeti.
santike upeti → santikamupeti (maku); santike ṭhapeti (mr) | upeti → ṭhapeti (cck: ka.)
Idaṁ, mahārāja, cittakadharakummassa ekaṁ aṅgaṁ gahetabbaṁ.
Bhāsitampetaṁ, mahārāja, bhagavatā devātidevena dhammapade—
‘Appamādarato bhikkhu, pamāde bhayadassi vā; Abhabbo parihānāya, nibbānasseva santike’”ti.
nibbānasseva santiketi cittakadharakummaṅgapañho catuttho → nibbānass eva santike ti (pts)
Cittakadharakummaṅgapañho catuttho.
Cittakadharakummaṅgapañho → kummaṅgapañho (bj)