3. Chattaṅgapañha
“Bhante nāgasena, ‘chattassa tīṇi aṅgāni gahetabbānī’ti yaṁ vadesi, katamāni tāni tīṇi aṅgāni gahetabbānī”ti? “Yathā, mahārāja, chattaṁ upari muddhani carati; evameva kho, mahārāja, yoginā yogāvacarena kilesānaṁ upari muddhani carena bhavitabbaṁ. Idaṁ, mahārāja, chattassa paṭhamaṁ aṅgaṁ gahetabbaṁ.
Puna caparaṁ, mahārāja, chattaṁ muddhanupatthambhaṁ hoti; evameva kho, mahārāja, yoginā yogāvacarena yoniso manasikārupatthambhena bhavitabbaṁ. Idaṁ, mahārāja, chattassa dutiyaṁ aṅgaṁ gahetabbaṁ.
Puna caparaṁ, mahārāja, chattaṁ vātātapameghavuṭṭhiyo paṭihanati;
paṭihanati → paṭihanti (pts)
evameva kho, mahārāja, yoginā yogāvacarena nānāvidhadiṭṭhiputhusamaṇabrāhmaṇānaṁ matavāta-tividhaggisantāpakilesavuṭṭhiyo paṭihantabbā.
tividhaggisantāpakilesavuṭṭhiyo → mahāvāta … (bj, mr); maggavāta … (maku) | nānāvidhadiṭṭhiputhusamaṇabrāhmaṇānaṁ → mahāvāta (cck: ka.)
Idaṁ, mahārāja, chattassa tatiyaṁ aṅgaṁ gahetabbaṁ.
Bhāsitampetaṁ, mahārāja, therena sāriputtena dhammasenāpatinā—
‘Yathāpi chattaṁ vipulaṁ, acchiddaṁ thirasaṁhitaṁ;
thirasaṁhitaṁ → thirasaṁhataṁ (pts) Vātātapaṁ nivāreti, mahatī meghavuṭṭhiyo.Tatheva buddhaputtopi, sīlachattadharo suci; Kilesavuṭṭhiṁ vāreti, santāpatividhaggayo’”ti.
santāpatividhaggayoti chattaṅgapañho tatiyo → santāpatividhaggayo ti (pts)