Find the Truth

In the Pāli Suttas and Vinaya

settings

{{table.suttaCol}} {{table.readCol}} {{table.titleCol}} {{table.wordsCol}} {{table.countCol}} {{table.mrCol}} {{table.linksCol}} {{table.typeCol}} {{table.quoteCol}}
{{table.wordCol}} {{table.textsCol}} {{table.matchesCol}} {{table.linksCol}}

{{results.variantsForLabel}}

Variants 1/2 columns Dictionary Multi-select Compass Help

Note:Translations, dictionaries and commentaries were not made by the Blessed One.Cross-check with Pali in 4 main nikayas.

  • Paṭisambhidāmagga
  • 1 Mahāvagga

1.0 Mātikā

Namo tassa Bhagavato Arahato Sammāsambuddhassa.

Sotāvadhāne paññā sutamaye ñāṇaṁ.

Sutvāna saṁvare paññā sīlamaye ñāṇaṁ.

Saṁvaritvā samādahane paññā samādhibhāvanāmaye ñāṇaṁ.
saṁvaritvā → saṁvare ṭhatvā) (sya-all note)

Paccayapariggahe paññā dhammaṭṭhitiñāṇaṁ.

Atītānāgatapaccuppannānaṁ dhammānaṁ saṅkhipitvā vavatthāne paññā sammasane ñāṇaṁ.

Paccuppannānaṁ dhammānaṁ vipariṇāmānupassane paññā udayabbayānupassane ñāṇaṁ.
vipariṇāmānupassane → viparināmānupassane (bj)

Ārammaṇaṁ paṭisaṅkhā bhaṅgānupassane paññā vipassane ñāṇaṁ.

Bhayatupaṭṭhāne paññā ādīnave ñāṇaṁ.

Muñcitukamyatāpaṭisaṅkhāsantiṭṭhanā paññā saṅkhārupekkhāsu ñāṇaṁ.
saṁkhārupekkhāsu → saṁkhārupekkhesu (sya-all note)

Bahiddhā vuṭṭhānavivaṭṭane paññā gotrabhuñāṇaṁ.
gotrabhuñāṇaṁ → gotrabhū ñāṇaṁ (bj)

Dubhato vuṭṭhānavivaṭṭane paññā magge ñāṇaṁ.

Payogappaṭippassaddhi paññā phale ñāṇaṁ.

Chinnavaṭumānupassane paññā vimuttiñāṇaṁ.
Chinnavaṭumānupassane → chinnavaṭṭamanupassane (bj); chinnamanupassane (sya-all, pts-vp-pli1) | chinnavaṭumānupassane → chinnavaṭṭamanupassane (bj); chinnamanupassane (sya-all, pts) | chinnavaṭṭamanupassane → chinnavaṭumānupassane (bj: machasaṁ); chinnamanupassane (bj: syā, PTS) | Chinnavaṭumānupassane → chinnamanupassane (cck: syā.); chinnavaṭṭamanupassane (cck: sī. aṭṭha.)

Tadā samudāgate dhamme passane paññā paccavekkhaṇe ñāṇaṁ.
samudāgate → samupāgate (sya-all) | paccavekkhaṇe → paccavekkhane (bj) | passane → vipassane (pts) | samudāgate → samupāgate (bj: syā) | passane → vipassane (bj: PTS) | samudāgate → samupāgate (cck: syā.) | samupāgate → samudāgate (sya-all note)

Ajjhattavavatthāne paññā vatthunānatte ñāṇaṁ.

Bahiddhāvavatthāne paññā gocaranānatte ñāṇaṁ.

Cariyāvavatthāne paññā cariyānānatte ñāṇaṁ.
cariyāvavatthāne → cariyavavatthāne (bj: a.pu)

Catudhammavavatthāne paññā bhūminānatte ñāṇaṁ.

Navadhammavavatthāne paññā dhammanānatte ñāṇaṁ.

Abhiññāpaññā ñātaṭṭhe ñāṇaṁ.

Pariññāpaññā tīraṇaṭṭhe ñāṇaṁ.
tīraṇaṭṭhe → tīranaṭṭhe (pts)

Pahāne paññā pariccāgaṭṭhe ñāṇaṁ.
pahāne paññā → pahānapaññā (pts)

Bhāvanāpaññā ekarasaṭṭhe ñāṇaṁ.

Sacchikiriyāpaññā phassanaṭṭhe ñāṇaṁ.
phassanaṭṭhe → phusanaṭṭhe (pts-vp-pli1, mr) | phassanaṭṭhe → phusanaṭṭhe (bj, pts) | phusanaṭṭhe → phassanaṭṭhe (bj: machasaṁ, syā) | phassanaṭṭhe → phusanaṭṭhe (cck: ka.)

Atthanānatte paññā atthapaṭisambhide ñāṇaṁ.

Dhammanānatte paññā dhammapaṭisambhide ñāṇaṁ.

Niruttinānatte paññā niruttipaṭisambhide ñāṇaṁ.

Paṭibhānanānatte paññā paṭibhānapaṭisambhide ñāṇaṁ.
Paṭibhānanānatte → paṭibhāṇanānatte (sya-all) | paṭibhānanānatte → paṭibhāṇanānatte (sya-all) | paṭibhānapaṭisambhide → paṭibhāṇapaṭisambhide (sya-all) | paṭibhāna → paṭibhāṇa (bj: syā) | paññā → paṭibhāṇanānatte (cck: syā.)

Vihāranānatte paññā vihāraṭṭhe ñāṇaṁ.

Samāpattinānatte paññā samāpattaṭṭhe ñāṇaṁ.

Vihārasamāpattinānatte paññā vihārasamāpattaṭṭhe ñāṇaṁ.
vihārasamāpattinānatte → vihārasamāttinānatte (bj)

Avikkhepaparisuddhattā āsavasamucchede paññā ānantarikasamādhimhi ñāṇaṁ.
ānantarikasamādhimhi → ānantarikasamādhismiṁ (bj, sya-all, pts) | ānantarikasamādhismiṁ → samādhimhi (bj: machasaṁ, syā)

Dassanādhipateyyaṁ santo ca vihārādhigamo paṇītādhimuttatā paññā araṇavihāre ñāṇaṁ.

Dvīhi balehi samannāgatattā tayo ca saṅkhārānaṁ paṭippassaddhiyā soḷasahi ñāṇacariyāhi navahi samādhicariyāhi vasibhāvatā paññā nirodhasamāpattiyā ñāṇaṁ.
vasibhāvatā → vasībhāvatā (sya-all, pts-vp-pli1) | vasibhāvatā paññā → vasībhāvatāpaññā (sya-all, pts) | vasibhāvatā → vasībhāvatā (bj: a.pu) | balehi → phalehi (sya-all note)

Sampajānassa pavattapariyādāne paññā parinibbāne ñāṇaṁ.

Sabbadhammānaṁ sammā samucchede nirodhe ca anupaṭṭhānatā paññā samasīsaṭṭhe ñāṇaṁ.

Puthunānattatejapariyādāne paññā sallekhaṭṭhe ñāṇaṁ.
puthunānattatejapariyādāne → puthunānattatejapariyodāne (bj); puthunānattekattatejapariyādāne (pts) | sallekhaṭṭhe → sallekaṭṭhe (pts) | puthunānattatejapariyodāne → nānattepariyādāṇe (bj: sī.mopa); nānattejapariyādāne (bj: sī.pāsi)

Asallīnattapahitattapaggahaṭṭhe paññā vīriyārambhe ñāṇaṁ.

Nānādhammappakāsanatā paññā atthasandassane ñāṇaṁ.
nānādhammappakāsanatā → nānādhammapakāsantā (bj) | nānādhammapakāsantā → dhammappakāsanatā (bj: syā, machasaṁ)

Sabbadhammānaṁ ekasaṅgahatānānattekattapaṭivedhe paññā dassanavisuddhiñāṇaṁ.

Viditattā paññā khantiñāṇaṁ.

Phuṭṭhattā paññā pariyogāhaṇe ñāṇaṁ.
pariyogāhaṇe → pariyogāhane (bj, sya-all, pts-vp-pli1) | pariyogāhane → pariyogāhaṇe (bj: machasaṁ) | pariyogāhaṇe → pariyogāhane (cck: syā.)

Samodahane paññā padesavihāre ñāṇaṁ.
samodahane → samodhāne (bj: a.pu)

Adhipatattā paññā saññāvivaṭṭe ñāṇaṁ.

Nānatte paññā cetovivaṭṭe ñāṇaṁ.

Adhiṭṭhāne paññā cittavivaṭṭe ñāṇaṁ.

Suññate paññā ñāṇavivaṭṭe ñāṇaṁ.

Vosagge paññā vimokkhavivaṭṭe ñāṇaṁ.
Vosagge → vossagge (bahūsu) | Vosagge → vossagge (cck: bahūsu)

Tathaṭṭhe paññā saccavivaṭṭe ñāṇaṁ.

Kāyampi cittampi ekavavatthānatā sukhasaññañca lahusaññañca adhiṭṭhānavasena ijjhanaṭṭhe paññā iddhividhe ñāṇaṁ.

Vitakkavipphāravasena nānattekattasaddanimittānaṁ pariyogāhaṇe paññā sotadhātuvisuddhiñāṇaṁ.
nānattekattasaddanimittānaṁ pariyogāhaṇe → nānattekatta saddanimittānaṁ pariyogāhane (bj) | pariyogāhaṇe → pariyogāhane (sya-all, pts) | pariyogāhane → pariyogāhaṇe (bj: machasaṁ)

Tiṇṇannaṁ cittānaṁ vipphārattā indriyānaṁ pasādavasena nānattekattaviññāṇacariyā pariyogāhaṇe paññā cetopariyañāṇaṁ.
tiṇṇannaṁ → tiṇṇaṁ (bj, sya-all, pts) | nānattekattaviññāṇacariyā pariyogāhaṇe → nānattekattaviññāṇacariyāpariyogāhane (bj) | pariyogāhaṇe → pariyogāhane (sya-all) | tiṇṇaṁ → tiṇṇannaṁ (bj: machasaṁ)

Paccayappavattānaṁ dhammānaṁ nānattekattakammavipphāravasena pariyogāhaṇe paññā pubbenivāsānussatiñāṇaṁ.
pariyogāhaṇe → pariyogāhane (bj, sya-all, pts) | pariyogāhane → pariyogāhaṇe (bj: machasaṁ)

Obhāsavasena nānattekattarūpanimittānaṁ dassanaṭṭhe paññā dibbacakkhuñāṇaṁ.

Catusaṭṭhiyā ākārehi tiṇṇannaṁ indriyānaṁ vasibhāvatā paññā āsavānaṁ khaye ñāṇaṁ.
tiṇṇannaṁ → tiṇṇaṁ (bj, sya-all, pts) | vasibhāvatā → vasībhāvatā (cck, pts) | vasibhāvatā paññā → vasībhāvatāpaññā (sya-all)

Pariññaṭṭhe paññā dukkhe ñāṇaṁ.

Pahānaṭṭhe paññā samudaye ñāṇaṁ.
paññā → pañña (pts)

Sacchikiriyaṭṭhe paññā nirodhe ñāṇaṁ.

Bhāvanaṭṭhe paññā magge ñāṇaṁ.

Dukkhe ñāṇaṁ.

Dukkhasamudaye ñāṇaṁ.

Dukkhanirodhe ñāṇaṁ.

Dukkhanirodhagāminiyā paṭipadāya ñāṇaṁ.

Atthapaṭisambhide ñāṇaṁ.

Dhammapaṭisambhide ñāṇaṁ.

Niruttipaṭisambhide ñāṇaṁ.

Paṭibhānapaṭisambhide ñāṇaṁ.
paṭibhānapaṭisambhide → paṭibhāṇapaṭisambhide (sya-all)

Indriyaparopariyattañāṇaṁ.
Indriyaparopariyattañāṇaṁ → … pariyatte ñāṇaṁ (sya-all, pts-vp-pli1, csp1ed) | indriyaparopariyattañāṇaṁ → indriyaparopariyatte ñāṇaṁ (cck, sya-all, pts) | indriyaparopariyattañāṇaṁ → indriyavarovariyattañāṇaṁ (bj: a.pu); indriyaparopariyanteñāṇaṁ (bj: a.pu, machasaṁ, syā, PTS, sī.mopa, sī.pāsi, sī.pævi)

Sattānaṁ āsayānusaye ñāṇaṁ.

Yamakapāṭihīre ñāṇaṁ.
yamakapāṭihīre → yamakapāṭihire (sya-all)

Mahākaruṇāsamāpattiyā ñāṇaṁ.

Sabbaññutaññāṇaṁ.
sabbaññutaññāṇaṁ → sabbaññutañāṇaṁ (bj, cck, sya-all, pts)

Anāvaraṇañāṇaṁ.

Imāni tesattati ñāṇāni. Imesaṁ tesattatiyā ñāṇānaṁ sattasaṭṭhi ñāṇāni sāvakasādhāraṇāni;
sattasaṭṭhi → sattasaṭṭhī (sya-all); sattasatthī (pts) | tesattatiyā → tesattatīnaṁ (pts) | tesattatiyā → tesattatīnaṁ (bj: PTS)
cha ñāṇāni asādhāraṇāni sāvakehi.
sāvakehi → sāvekehi (bj); sāvakehīti (sya-all, pts) | sāvekehi → sāvakehīti (bj: syā)

Mātikā niṭṭhitā.

Principles · Rationale · Glossary · 6 Pali editions