Find the Truth

In the Pāli Suttas and Vinaya

settings

{{table.suttaCol}} {{table.readCol}} {{table.titleCol}} {{table.wordsCol}} {{table.countCol}} {{table.mrCol}} {{table.linksCol}} {{table.typeCol}} {{table.quoteCol}}
{{table.wordCol}} {{table.textsCol}} {{table.matchesCol}} {{table.linksCol}}

{{results.variantsForLabel}}

Variants 1/2 columns Dictionary Multi-select Compass Help

Note:Translations, dictionaries and commentaries were not made by the Blessed One.Cross-check with Pali in 4 main nikayas.

  • Paṭisambhidāmagga
  • 3 Paññāvagga

3.6. Pāṭihāriyakathā

“Tīṇimāni, bhikkhave, pāṭihāriyāni.
tīṇimāni → (pts) | bhikkhave → a. ni. 3.61 passitabbā (cck note)
Katamāni tīṇi? Iddhipāṭihāriyaṁ, ādesanāpāṭihāriyaṁ, anusāsanīpāṭihāriyaṁ.
anusāsanīpāṭihāriyaṁ → anusāsanā-, S.; anusāsana-, S2. (pts note)

Katamañca, bhikkhave, iddhipāṭihāriyaṁ? Idha, bhikkhave, ekacco anekavihitaṁ iddhividhaṁ paccanubhoti—
anekavihitaṁ → anekaviditaṁ (pts)
ekopi hutvā bahudhā hoti, bahudhāpi hutvā eko hoti; āvibhāvaṁ tirobhāvaṁ …pe…
āvibhāvaṁ → āvībhāvaṁ (bj)
yāva brahmalokāpi kāyena vasaṁ vatteti. Idaṁ vuccati, bhikkhave, iddhipāṭihāriyaṁ.

Katamañca, bhikkhave, ādesanāpāṭihāriyaṁ? Idha, bhikkhave, ekacco nimittena ādisati—
ādisati → ādissati, S. M. (pts note)
‘evampi te mano, itthampi te mano, itipi te cittan’ti. So bahuñcepi ādisati, tatheva taṁ hoti, no aññathā.
bahuñcepi → bahuṁ ceva (bj)
Idha pana, bhikkhave, ekacco na heva kho nimittena ādisati, api ca kho manussānaṁ vā amanussānaṁ vā devatānaṁ vā saddaṁ sutvā ādisati—
devatānaṁ → devānaṁ (sya-all, pts) | eva → na so ca kho, S. S2. (pts note)
‘evampi te mano, itthampi te mano, itipi te cittan’ti. So bahuñcepi ādisati, tatheva taṁ hoti, no aññathā. Idha pana, bhikkhave, ekacco na heva kho nimittena ādisati, napi manussānaṁ vā amanussānaṁ vā devatānaṁ vā saddaṁ sutvā ādisati, api ca kho vitakkayato vicārayato vitakkavipphārasaddaṁ sutvā ādisati—
devatānaṁ → devānaṁ (sya-all, pts) | vitakkavipphārasaddaṁ → vitakkavicārasaddaṁ (sya-all, pts) | vitakkavipphārasaddaṁ → vitakkavicārasaddaṁ (bj: PTS, syā) | vitakkavicārasaddaṁ → vitakkavippāra-, M.; vitakkavitthāra-, S.; vitakkavipphāra-, S2. (pts note)
‘evampi te mano, itthampi te mano, itipi te cittan’ti. So bahuñcepi ādisati, tatheva taṁ hoti, no aññathā. Idha pana, bhikkhave, ekacco na heva kho nimittena ādisati, napi manussānaṁ vā amanussānaṁ vā devatānaṁ vā saddaṁ sutvā ādisati, napi vitakkayato vicārayato vitakkavipphārasaddaṁ sutvā ādisati, api ca kho avitakkaṁ avicāraṁ samādhiṁ samāpannassa cetasā ceto paricca pajānāti—
devatānaṁ → devānaṁ (sya-all, pts) | vitakkavipphārasaddaṁ → vitakkavicārasaddaṁ (sya-all, pts) | vitakkavicārasaddaṁ → vitakkavipphāra-, M.; vitakkavicāra-, S. S2. (pts note)
‘yathā imassa bhoto manosaṅkhārā paṇihitā imassa cittassa anantarā amukaṁ nāma vitakkaṁ vitakkayissatī’ti.
paṇihitā imassa → tathā imassa (sya-all, pts-vp-pli1); yathā imassa (mr) | vitakkayissatī’ti → vitakkessatīti (sya-all, pts-vp-pli1) | vitakkayissatīti → vitakkayisastiti (bj); vitakkessatīti (sya-all, pts) | paṇihitā → paṇihitā tathā (sya-all, pts) | amukaṁ nāma → amunnāma (sya-all) | imassa → yathā imassa (bj: syā, PTS) | vitakkayisasti’ti → vitakkesassatīti (bj: syā, PTS) | imassa → tathā imassa (syā.), yathā imassa (ka.) a. ni. 3.61 passitabbā (cck note) | vitakkayissatī’ti → vitakkessatīti (syā.) a. ni. 3.61 (cck note) | tathā → yathā, M. S2.; yasathā. S. (pts note) | nāma → amunnāma, K. (pts note) | vitakessatīti → vitakkayissatīti, M. S. S2. (pts note)
So bahuñcepi ādisati, tatheva taṁ hoti, no aññathā. Idaṁ vuccati, bhikkhave, ādesanāpāṭihāriyaṁ.

Katamañca, bhikkhave, anusāsanīpāṭihāriyaṁ? Idha, bhikkhave, ekacco evamanusāsati—
idha → idha pana (sya-all, pts)
‘evaṁ vitakketha, mā evaṁ vitakkayittha. Evaṁ manasi karotha, mā evaṁ manasākattha.
manasākattha → manasākarittha (sya-all, pts-vp-pli1); manasi karittha (csp1ed) | manasākattha → manasi karittha (cck); manasā karittha (pts) | manasākattha → manasikarittha (bj: machasaṁ) | karittha → manasākattha, M.; manasikārotaṁ, S. S2. (pts note)
Idaṁ pajahatha, idaṁ upasampajja viharathā’ti. Idaṁ vuccati, bhikkhave, anusāsanīpāṭihāriyaṁ. Imāni kho, bhikkhave, tīṇi pāṭihāriyāni”.
pāṭihāriyāni → pāṭihāriyānia (bj)

Nekkhammaṁ ijjhatīti—iddhi. Kāmacchandaṁ paṭiharatīti—pāṭihāriyaṁ. Ye tena nekkhammena samannāgatā, sabbe te visuddhacittā anāvilasaṅkappāti—
visuddhacittā → visuddhicittā (sya-all) | visuddhacittā anāvilasaṅkappāti → visuddhicittā anāvilasaṅkappā ti (pts)
ādesanāpāṭihāriyaṁ. “Taṁ kho pana nekkhammaṁ evaṁ āsevitabbaṁ, evaṁ bhāvetabbaṁ, evaṁ bahulīkātabbaṁ, evaṁ tadanudhammatā sati upaṭṭhāpetabbā”ti— anusāsanīpāṭihāriyaṁ.

Abyāpādo ijjhatīti—iddhi. Byāpādaṁ paṭiharatīti—pāṭihāriyaṁ. Ye tena abyāpādena samannāgatā, sabbe te visuddhacittā anāvilasaṅkappāti—
visuddhacittā → visuddhicittā (sya-all) | visuddhacittā anāvilasaṅkappāti → visuddhicittā anāvilasaṅkappā ti (pts)
ādesanāpāṭihāriyaṁ. “So kho pana abyāpādo evaṁ āsevitabbo, evaṁ bhāvetabbo, evaṁ bahulīkātabbo, evaṁ tadanudhammatā sati upaṭṭhāpetabbā”ti— anusāsanīpāṭihāriyaṁ.

Ālokasaññā ijjhatīti—iddhi. Thinamiddhaṁ paṭiharatīti—pāṭihāriyaṁ.
thinamiddhaṁ → thīnamiddhaṁ (sya-all, pts)
Ye tāya ālokasaññāya samannāgatā, sabbe te visuddhacittā anāvilasaṅkappāti—
visuddhacittā → visuddhicittā (sya-all) | visuddhacittā anāvilasaṅkappāti → visuddhicittā anāvilasaṅkappā ti (pts)
ādesanāpāṭihāriyaṁ. “Sā kho pana ālokasaññā evaṁ āsevitabbā, evaṁ bhāvetabbā, evaṁ bahulīkātabbā, evaṁ tadanudhammatā sati upaṭṭhāpetabbā”ti—
āsevitabbā → āsevitabbaṁ (bj) | bhāvetabbā → bhāvetabbaṁ (bj) | bahulīkātabbā → bahulīkātabbaṁ (bj)
anusāsanīpāṭihāriyaṁ.

Avikkhepo ijjhatīti—iddhi. Uddhaccaṁ paṭiharatīti—pāṭihāriyaṁ. Ye tena avikkhepena samannāgatā, sabbe te visuddhacittā anāvilasaṅkappāti—
visuddhacittā → visuddhicittā (sya-all) | visuddhacittā anāvilasaṅkappāti → visuddhicittā anāvilasaṅkappā ti (pts)
ādesanāpāṭihāriyaṁ. “So kho pana avikkhepo evaṁ āsevitabbo, evaṁ bhāvetabbo, evaṁ bahulīkātabbo, evaṁ tadanudhammatā sati upaṭṭhāpetabbā”ti— anusāsanīpāṭihāriyaṁ.

Dhammavavatthānaṁ ijjhatīti—iddhi. Vicikicchaṁ paṭiharatīti—pāṭihāriyaṁ. Ye tena dhammavavatthānena samannāgatā, sabbe te visuddhacittā anāvilasaṅkappāti— ādesanāpāṭihāriyaṁ. “Taṁ kho pana dhammavavatthānaṁ evaṁ āsevitabbaṁ, evaṁ bhāvetabbaṁ, evaṁ bahulīkātabbaṁ, evaṁ tadanudhammatā, sati upaṭṭhāpetabbā”ti— anusāsanīpāṭihāriyaṁ.

Ñāṇaṁ ijjhatīti—iddhi. Avijjaṁ paṭiharatīti—pāṭihāriyaṁ. Ye tena ñāṇena samannāgatā, sabbe te visuddhacittā anāvilasaṅkappāti— ādesanāpāṭihāriyaṁ. “Taṁ kho pana ñāṇaṁ evaṁ āsevitabbaṁ, evaṁ bhāvetabbaṁ, evaṁ bahulīkātabbaṁ, evaṁ tadanudhammatā sati upaṭṭhāpetabbā”ti— anusāsanīpāṭihāriyaṁ.

Pāmojjaṁ ijjhatīti—iddhi. Aratiṁ paṭiharatīti—pāṭihāriyaṁ. Ye tena pāmojjena samannāgatā, sabbe te visuddhacittā anāvilasaṅkappāti— ādesanāpāṭihāriyaṁ. “Taṁ kho pana pāmojjaṁ evaṁ āsevitabbaṁ, evaṁ bhāvetabbaṁ, evaṁ bahulīkātabbaṁ, evaṁ tadanudhammatā sati upaṭṭhāpetabbā”ti— anusāsanīpāṭihāriyaṁ …pe….

Paṭhamaṁ jhānaṁ ijjhatīti—iddhi. Nīvaraṇe paṭiharatīti—pāṭihāriyaṁ. Ye tena paṭhamena jhānena samannāgatā, sabbe te visuddhacittā anāvilasaṅkappāti— ādesanāpāṭihāriyaṁ. “Taṁ kho pana paṭhamaṁ jhānaṁ evaṁ āsevitabbaṁ, evaṁ bhāvetabbaṁ, evaṁ bahulīkātabbaṁ, evaṁ tadanudhammatā sati upaṭṭhāpetabbā”ti— anusāsanīpāṭihāriyaṁ …pe….

Arahattamaggo ijjhatīti—iddhi. Sabbakilese paṭiharatīti—pāṭihāriyaṁ. Ye tena arahattamaggena samannāgatā, sabbe te visuddhacittā anāvilasaṅkappāti—
visuddhacittā → visuddhicittā (sya-all) | samannāgatā → samannāgata (pts) | visuddhacittā anāvilasaṅkappāti → visuddhicittā anāvilasaṅkappā ti (pts)
ādesanāpāṭihāriyaṁ. “So kho pana arahattamaggo evaṁ āsevitabbo, evaṁ bhāvetabbo, evaṁ bahulīkātabbo, evaṁ tadanudhammatā sati upaṭṭhāpetabbā”ti—
āsevitabbo → āsevitabbaṁ (bj)
anusāsanīpāṭihāriyaṁ.

Nekkhammaṁ ijjhatīti—iddhi. Kāmacchandaṁ paṭiharatīti—pāṭihāriyaṁ. Yā ca iddhi yañca pāṭihāriyaṁ, idaṁ vuccati iddhipāṭihāriyaṁ. Abyāpādo ijjhatīti—iddhi. Byāpādaṁ paṭiharatīti—pāṭihāriyaṁ. Yā ca iddhi yañca pāṭihāriyaṁ, idaṁ vuccati iddhipāṭihāriyaṁ. Ālokasaññā ijjhatīti—iddhi.
ālokasaññā → alokasaññā (bj)
Thinamiddhaṁ paṭiharatīti—pāṭihāriyaṁ …pe…
thinamiddhaṁ → thīnamiddhaṁ (sya-all, pts)
arahattamaggo ijjhatīti—iddhi. Sabbakilese paṭiharatīti—pāṭihāriyaṁ.
sabbakilese → sabbe kilese (sya-all)
Yā ca iddhi yañca pāṭihāriyaṁ, idaṁ vuccati iddhipāṭihāriyanti.

Pāṭihāriyakathā niṭṭhitā.

Principles · Rationale · Glossary · 6 Pali editions