Find the Truth

In the Pāli Suttas and Vinaya

settings

{{table.suttaCol}} {{table.readCol}} {{table.titleCol}} {{table.wordsCol}} {{table.countCol}} {{table.mrCol}} {{table.linksCol}} {{table.typeCol}} {{table.quoteCol}}
{{table.wordCol}} {{table.textsCol}} {{table.matchesCol}} {{table.linksCol}}

{{results.variantsForLabel}}

Variants 1/2 columns Dictionary Multi-select Compass Help

Note:Translations, dictionaries and commentaries were not made by the Blessed One.Cross-check with Pali in 4 main nikayas.

  • Paṭisambhidāmagga
  • 3 Paññāvagga

3.8. Satipaṭṭhānakathā

Sāvatthinidānaṁ.
sāvatthinidānaṁ → sāvatthiparipuṇṇanidānaṁ (sya-all) | sāvatthinidānaṁ cattārome → (pts)
“Cattārome, bhikkhave, satipaṭṭhānā. Katame cattāro? Idha, bhikkhave, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṁ.
ātāpī → ātāpi (bj) | vineyya → viññeyya (pts)
Vedanāsu … citte … dhammesu dhammānupassī viharati ātāpī sampajāno satimā, vineyya loke abhijjhādomanassaṁ.
ātāpī → ātāpi (bj) | vineyya → viññeyya (pts)
Ime kho, bhikkhave, cattāro satipaṭṭhānā”ti.

Kathaṁ kāye kāyānupassī viharati?
kāyānupassī → kaṁyānupassī (bj)
Idhekacco pathavīkāyaṁ aniccato anupassati, no niccato;
pathavīkāyaṁ → paṭhavīkāyaṁ (bj, sya-all) | idhekacco pathavīkāyaṁ → idh ekacco paṭhavīkāyaṁ (pts)
dukkhato anupassati, no sukhato; anattato anupassati, no attato; nibbindati, no nandati; virajjati, no rajjati; nirodheti, no samudeti, paṭinissajjati, no ādiyati. Aniccato anupassanto niccasaññaṁ pajahati, dukkhato anupassanto sukhasaññaṁ pajahati, anattato anupassanto attasaññaṁ pajahati, nibbindanto nandiṁ pajahati, virajjanto rāgaṁ pajahati, nirodhento samudayaṁ pajahati, paṭinissajjanto ādānaṁ pajahati. Imehi sattahi ākārehi kāyaṁ anupassati.
sattahi ākārehi → sattahākārehi (sya-all)
Kāyo upaṭṭhānaṁ, no sati. Sati upaṭṭhānañceva sati ca. Tāya satiyā tena ñāṇena taṁ kāyaṁ anupassati.
anupassati → anupassatīti (sya-all, pts)
Tena vuccati— “kāye kāyānupassanāsatipaṭṭhānā”.
kāyānupassanāsatipaṭṭhānā → kāyānupassanā satipaṭṭhānabhāvanā (sya-all) | kāyānupassanāsatipaṭṭhānā bhāvanāti → kāyānupassanā satipaṭṭhānabhāvanā bhāvanā ti (pts)

Bhāvanāti catasso bhāvanā— tattha jātānaṁ dhammānaṁ anativattanaṭṭhena bhāvanā, indriyānaṁ ekarasaṭṭhena bhāvanā, tadupagavīriyavāhanaṭṭhena bhāvanā, āsevanaṭṭhena bhāvanā.
āsevanaṭṭhena → āsevananaṭṭhena (bj)

Idhekacco āpokāyaṁ …pe…
āpokāyaṁ → (bj)
tejokāyaṁ … vāyokāyaṁ … kesakāyaṁ … lomakāyaṁ … chavikāyaṁ … cammakāyaṁ … maṁsakāyaṁ … rudhirakāyaṁ …
rudhirakāyaṁ nhārukāyaṁ → nahārukāyaṁ (sya-all); rudhirakāyam nahārukāyaṁ (pts) | rudhirakāyam → K. omits rudhirakāyam. (pts note)
nhārukāyaṁ …
nhārukāyaṁ → nahārukāyaṁ (bj, sya-all, pts-vp-pli1) | nāhārukāyaṁ → nhārukāyaṁ (bj: machasaṁ) | nhārukāyaṁ → nahārukāyaṁ (cck: syā.)
aṭṭhikāyaṁ … aṭṭhimiñjakāyaṁ aniccato anupassati, no niccato; dukkhato anupassati, no sukhato; anattato anupassati, no attato; nibbindati, no nandati; virajjati, no rajjati, nirodheti, no samudeti; paṭinissajjati, no ādiyati. Aniccato anupassanto niccasaññaṁ pajahati, dukkhato anupassanto sukhasaññaṁ pajahati, anattato anupassanto attasaññaṁ pajahati, nibbindanto nandiṁ pajahati, virajjanto rāgaṁ pajahati, nirodhento samudayaṁ pajahati, paṭinissajjanto ādānaṁ pajahati. Imehi sattahi ākārehi kāyaṁ anupassati. Kāyo upaṭṭhānaṁ, no sati. Sati upaṭṭhānañceva sati ca.
sati upaṭṭhānañceva → upaṭṭhānañce va (bj)
Tāya satiyā tena ñāṇena taṁ kāyaṁ anupassati.
anupassati → anupassatīti (sya-all, pts)
Tena vuccati— “kāye kāyānupassanāsatipaṭṭhānā”.
kāyānupassanāsatipaṭṭhānā → kāyānupassanā satipaṭṭhānabhāvanā (sya-all) | kāyānupassanāsatipaṭṭhānā bhāvanāti → kāyānupassanā satipaṭṭhānabhāvanā bhāvanā ti (pts)

Bhāvanāti catasso bhāvanā— tattha jātānaṁ dhammānaṁ anativattanaṭṭhena bhāvanā, indriyānaṁ ekarasaṭṭhena bhāvanā, tadupagavīriyavāhanaṭṭhena bhāvanā, āsevanaṭṭhena bhāvanā.
āsevanaṭṭhena → asevanaṭṭhena (bj)
Evaṁ kāye kāyānupassī viharati.

Kathaṁ vedanāsu vedanānupassī viharati? Idhekacco sukhaṁ vedanaṁ aniccato anupassati, no niccato …pe… paṭinissajjati, no ādiyati. Aniccato anupassanto niccasaññaṁ pajahati …pe… paṭinissajjanto ādānaṁ pajahati. Imehi sattahi ākārehi vedanaṁ anupassati.
sattahi ākārehi → sattahākārehi (sya-all)
Vedanā upaṭṭhānaṁ, no sati. Sati upaṭṭhānañceva sati ca. Tāya satiyā tena ñāṇena taṁ vedanaṁ anupassati.
anupassati → anupassatīti (sya-all, pts)
Tena vuccati— “vedanāsu vedanānupassanāsatipaṭṭhānā”.
vedanānupassanāsatipaṭṭhānā → vedanānupassanā satipaṭṭhānabhāvanā (sya-all) | vedanānupassanāsatipaṭṭhānā bhāvanāti → vedanānupassanā satipaṭṭhānabhāvanā bhāvanā ti (pts)

Bhāvanāti catasso bhāvanā …pe… āsevanaṭṭhena bhāvanā …pe…
āsevanaṭṭhena → āsevaṭṭhena (bj)
idhekacco dukkhaṁ vedanaṁ …pe… adukkhamasukhaṁ vedanaṁ … sāmisaṁ sukhaṁ vedanaṁ … nirāmisaṁ sukhaṁ vedanaṁ … sāmisaṁ dukkhaṁ vedanaṁ … nirāmisaṁ dukkhaṁ vedanaṁ … sāmisaṁ adukkhamasukhaṁ vedanaṁ … nirāmisaṁ adukkhamasukhaṁ vedanaṁ … cakkhusamphassajaṁ vedanaṁ … sotasamphassajaṁ vedanaṁ … ghānasamphassajaṁ vedanaṁ … jivhāsamphassajaṁ vedanaṁ … kāyasamphassajaṁ vedanaṁ … manosamphassajaṁ vedanaṁ aniccato anupassati, no niccato …pe… paṭinissajjati, no ādiyati. Aniccato anupassanto niccasaññaṁ pajahati …pe… paṭinissajjanto ādānaṁ pajahati. Imehi sattahi ākārehi vedanaṁ anupassati.
sattahi ākārehi → sattahākārehi (sya-all)
Vedanā upaṭṭhānaṁ, no sati. Sati upaṭṭhānañceva sati ca. Tāya satiyā tena ñāṇena taṁ vedanaṁ anupassati.
anupassati → anupassatīti (sya-all, pts)
Tena vuccati— “vedanāsu vedanānupassanāsatipaṭṭhānā”.
vedanānupassanāsatipaṭṭhānā → vedanānupassanā satipaṭṭhānabhāvanā (sya-all) | vedanānupassanāsatipaṭṭhānā bhāvanāti → vedanānupassanā satipaṭṭhānabhāvanā bhāvanā ti (pts)

Bhāvanāti catasso bhāvanā …pe… evaṁ vedanāsu vedanānupassī viharati.

Kathaṁ citte cittānupassī viharati? Idhekacco sarāgaṁ cittaṁ aniccato anupassati, no niccato …pe… paṭinissajjati, no ādiyati. Aniccato anupassanto niccasaññaṁ pajahati …pe… paṭinissajjanto ādānaṁ pajahati. Imehi sattahi ākārehi cittaṁ anupassati.
sattahi ākārehi → sattahākārehi (sya-all)
Cittaṁ upaṭṭhānaṁ, no sati. Sati upaṭṭhānañceva sati ca. Tāya satiyā tena ñāṇena taṁ cittaṁ anupassati.
anupassati → anupassatīti (sya-all, pts)
Tena vuccati— “citte cittānupassanāsatipaṭṭhānā”.
cittānupassanāsatipaṭṭhānā → cittānupassanā satipaṭṭhānabhāvanā (sya-all) | cittānupassanāsatipaṭṭhānā bhāvanāti → cittānupassanā satipaṭṭhānabhāvanā bhāvanā ti (pts)

Bhāvanāti catasso bhāvanā …pe… āsevanaṭṭhena bhāvanā.
āsevanaṭṭhena → asevanaṭṭhena (bj)

Idhekacco vītarāgaṁ cittaṁ …pe… sadosaṁ cittaṁ … vītadosaṁ cittaṁ … samohaṁ cittaṁ … vītamohaṁ cittaṁ … saṅkhittaṁ cittaṁ … vikkhittaṁ cittaṁ … mahaggataṁ cittaṁ … amahaggataṁ cittaṁ … sauttaraṁ cittaṁ … anuttaraṁ cittaṁ … samāhitaṁ cittaṁ … asamāhitaṁ cittaṁ … vimuttaṁ cittaṁ … avimuttaṁ cittaṁ … cakkhuviññāṇaṁ … sotaviññāṇaṁ … ghānaviññāṇaṁ … jivhāviññāṇaṁ … kāyaviññāṇaṁ … manoviññāṇaṁ aniccato anupassati, no niccato …pe…
anupassati → anupassatita (sya-all)
paṭinissajjati, no ādiyati. Aniccato anupassanto niccasaññaṁ pajahati …pe… paṭinissajjanto ādānaṁ pajahati. Imehi sattahi ākārehi cittaṁ anupassati.
sattahi ākārehi → sattahākārehi (sya-all)
Cittaṁ upaṭṭhānaṁ, no sati. Sati upaṭṭhānañceva sati ca. Tāya satiyā tena ñāṇena taṁ cittaṁ anupassati.
anupassati → anupassatīti (sya-all, pts)
Tena vuccati— “citte cittānupassanāsatipaṭṭhānā”.
cittānupassanāsatipaṭṭhānā → cittānupassanā satipaṭṭhānabhāvanā (sya-all) | cittānupassanāsatipaṭṭhānā bhāvanāti → cittānupassanā satipaṭṭhānabhāvanā bhāvanā ti (pts)

Bhāvanāti catasso bhāvanā …pe… āsevanaṭṭhena bhāvanā.
āsevanaṭṭhena → asevanaṭṭhena (bj)
Evaṁ citte cittānupassī viharati.

Kathaṁ dhammesu dhammānupassī viharati? Idhekacco ṭhapetvā kāyaṁ ṭhapetvā vedanaṁ ṭhapetvā cittaṁ tadavasese dhamme aniccato anupassati, no niccato;
kāyaṁ → S. S2. M. omit ṭhapetvā kāyaṁ. (pts note)
dukkhato anupassati, no sukhato; anattato anupassati, no attato; nibbindati, no nandati; virajjati, no rajjati; nirodheti, no samudeti;
no → (bj)
paṭinissajjati, no ādiyati. Aniccato anupassanto niccasaññaṁ pajahati, dukkhato anupassanto sukhasaññaṁ pajahati, anattato anupassanto attasaññaṁ pajahati, nibbindanto nandiṁ pajahati, virajjanto rāgaṁ pajahati, nirodhento samudayaṁ pajahati, paṭinissajjanto ādānaṁ pajahati. Imehi sattahi ākārehi te dhamme anupassati.
sattahi ākārehi te → sattahākārehi (sya-all) | te → (pts)
Dhammā upaṭṭhānaṁ, no sati. Sati upaṭṭhānañceva sati ca. Tāya satiyā tena ñāṇena te dhamme anupassati.
te → taṁ (bj) | anupassati → anupassatīti (sya-all, pts)
Tena vuccati— “dhammesu dhammānupassanāsatipaṭṭhānā”.
dhammānupassanāsatipaṭṭhānā → dhammānupassanā satipaṭṭhānabhāvanā (sya-all) | dhammānupassanāsatipaṭṭhānā bhāvanāti → dhammānupassanā satipaṭṭhānabhāvanā bhāvanā ti (pts)

Bhāvanāti catasso bhāvanā— tattha jātānaṁ dhammānaṁ anativattanaṭṭhena bhāvanā, indriyānaṁ ekarasaṭṭhena bhāvanā, tadupagavīriyavāhanaṭṭhena bhāvanā, āsevanaṭṭhena bhāvanā.
āsevanaṭṭhena → asevanaṭṭhena (bj)
Evaṁ dhammesu dhammānupassī viharatīti.

Satipaṭṭhānakathā niṭṭhitā.

Principles · Rationale · Glossary · 6 Pali editions