10. Makkaṭaṅgapañha
“Bhante nāgasena, ‘makkaṭassa dve aṅgāni gahetabbānī’ti yaṁ vadesi, katamāni tāni dve aṅgāni gahetabbānī”ti?
“Yathā, mahārāja, makkaṭo vāsamupagacchanto tathārūpe okāse mahatimahārukkhe pavivitte sabbaṭṭhakasākhe bhīruttāṇe vāsamupagacchati;
sabbaṭṭhakasākhe → sabbattha pasākhe (bj); sabbatthakasākhe (maku); sabbaṭṭhasākhe (mr) | sabbaṭṭhakasākhe → sabbatthakasākhe (cck: syā.); sabbaṭṭhasākhe (cck: ka.)
evameva kho, mahārāja, yoginā yogāvacarena lajjiṁ pesalaṁ sīlavantaṁ kalyāṇadhammaṁ bahussutaṁ dhammadharaṁ vinayadharaṁ piyaṁ garubhāvanīyaṁ vattāraṁ vacanakkhamaṁ ovādakaṁ viññāpakaṁ sandassakaṁ samādapakaṁ samuttejakaṁ sampahaṁsakaṁ evarūpaṁ kalyāṇamittaṁ ācariyaṁ nissāya viharitabbaṁ.
vinayadharaṁ → (pts) | garubhāvanīyaṁ → garuṁ bhāvaniyaṁ (pts) | nissāya → upanissāya (pts)
Idaṁ, mahārāja, makkaṭassa paṭhamaṁ aṅgaṁ gahetabbaṁ.
Puna caparaṁ, mahārāja, makkaṭo rukkheyeva carati tiṭṭhati nisīdati, yadi niddaṁ okkamati, tattheva rattiṁ vāsamanubhavati;
niddaṁ → middhaṁ (pts)
evameva kho, mahārāja, yoginā yogāvacarena pavanābhimukhena bhavitabbaṁ, pavaneyeva ṭhānacaṅkamanisajjāsayanaṁ niddaṁ okkamitabbaṁ, tattheva satipaṭṭhānamanubhavitabbaṁ.
pavaneyeva ṭhānacaṅkamanisajjāsayanaṁ → pavane yeva ṭhānacankamanisajjasayanaṁ (pts)
Idaṁ, mahārāja, makkaṭassa dutiyaṁ aṅgaṁ gahetabbaṁ.
Bhāsitampetaṁ, mahārāja, therena sāriputtena dhammasenāpatinā—
‘Caṅkamantopi tiṭṭhanto, nisajjāsayanena vā;
nisajjāsayanena → nisajjasayanena (pts) Pavane sobhate bhikkhu, pavanantaṁva vaṇṇitan’”ti.
Gadrabho ceva kukkuṭo, kalando dīpini dīpiko;
Gadrabho ceva → ghorassaro ca (bj, pts-vp-pli1); ghorasaro ca (maku) | ceva → ghorassaro ca (cck: sī. syā. pī.) Kummo vaṁso ca cāpo ca, vāyaso atha makkaṭoti.