1. Lābulataṅgapañha
“Bhante nāgasena, ‘lābulatāya ekaṁ aṅgaṁ gahetabban’ti yaṁ vadesi, katamaṁ taṁ ekaṁ aṅgaṁ gahetabban”ti?
lābulatāya → lāpulatāya (bj, pts-vp-pli1); lāvulatāya (maku)
“Yathā, mahārāja, lābulatā tiṇe vā kaṭṭhe vā latāya vā soṇḍikāhi ālambitvā tassūpari vaḍḍhati;
lābulatā → lāpulatā (pts)
evameva kho, mahārāja, yoginā yogāvacarena arahatte abhivaḍḍhitukāmena manasā ārammaṇaṁ ālambitvā arahatte abhivaḍḍhitabbaṁ.
Idaṁ, mahārāja, lābulatāya ekaṁ aṅgaṁ gahetabbaṁ.
lābulatāya → lāpulatāya (pts)
Bhāsitampetaṁ, mahārāja, therena sāriputtena dhammasenāpatinā—
‘Yathā lābulatā nāma, tiṇe kaṭṭhe latāya vā;
lābulatā → lāpulatā (pts) Ālambitvā soṇḍikāhi, tato vaḍḍhati uppari.Tatheva buddhaputtena, arahattaphalakāminā; Ārammaṇaṁ ālambitvā, vaḍḍhitabbaṁ asekkhaphale’”ti.
asekkhaphaleti lābulataṅgapañho paṭhamo → asekhaphale ti (pts)
Lābulataṅgapañho paṭhamo.
Lābulataṅgapañho → lāpulataṅgapañho (bj)