3. Kalandakaṅgapañha
“Bhante nāgasena, ‘kalandakassa ekaṁ aṅgaṁ gahetabban’ti yaṁ vadesi, katamaṁ taṁ ekaṁ aṅgaṁ gahetabban”ti?
aṅgaṁ gahetabbanti → angaṁ gahetban ti (pts)
“Yathā, mahārāja, kalandako paṭisattumhi opatante naṅguṭṭhaṁ papphoṭetvā mahantaṁ katvā teneva naṅguṭṭhalaguḷena paṭisattuṁ paṭibāhati;
teneva naṅguṭṭhalaguḷena → ten eva nanguṭṭhalakuṭena (pts)
evameva kho, mahārāja, yoginā yogāvacarena kilesasattumhi opatante satipaṭṭhānalaguḷaṁ papphoṭetvā mahantaṁ katvā teneva satipaṭṭhānalaguḷena sabbakilesā paṭibāhitabbā.
satipaṭṭhānalaguḷaṁ → satipaṭṭhānalakuṭaṁ (pts)
Idaṁ, mahārāja, kalandakassa ekaṁ aṅgaṁ gahetabbaṁ.
Bhāsitampetaṁ, mahārāja, therena cūḷapanthakena—
cūḷapanthakena → cullapanthakena (pts)
‘Yadā kilesā opatanti, sāmaññaguṇadhaṁsanā; Satipaṭṭhānalaguḷena, hantabbā te punappunan’”ti.
satipaṭṭhānalaguḷena → satipaṭṭhānalakuṭena (pts) punappunanti kalandakaṅgapañho tatiyo → punappunan ti (pts)