Find the Truth

In the Pāli Suttas and Vinaya

settings

{{table.suttaCol}} {{table.readCol}} {{table.titleCol}} {{table.wordsCol}} {{table.countCol}} {{table.mrCol}} {{table.linksCol}} {{table.typeCol}} {{table.quoteCol}}
{{table.wordCol}} {{table.textsCol}} {{table.matchesCol}} {{table.linksCol}}

{{results.variantsForLabel}}

Variants 1/2 columns Dictionary Multi-select Compass Help

Note:Translations, dictionaries and commentaries were not made by the Blessed One.Cross-check with Pali in 4 main nikayas.

  • Milindapañha
  • Opammakathāpañha
  • Samuddavagga

10. Samuddaṅgapañha

“Bhante nāgasena, ‘samuddassa pañca aṅgāni gahetabbānī’ti yaṁ vadesi, katamāni tāni pañca aṅgāni gahetabbānī”ti? “Yathā, mahārāja, mahāsamuddo matena kuṇapena saddhiṁ na saṁvasati;
mahārāja → pahārāda (bj); pahārādha (maku) | kuṇapena → kunapena (pts)
evameva kho, mahārāja, yoginā yogāvacarena rāgadosamohamānadiṭṭhimakkhapaḷāsaissāmacchariyamāyāsāṭheyyakuṭilavisamaduccaritakilesamalehi saddhiṁ na saṁvasitabbaṁ.
rāgadosamohamānadiṭṭhimakkhapaḷāsaissāmacchariyamāyāsāṭheyyakuṭilavisamaduccaritakilesamalehi → rāgadosamohamānadiṭṭhimakkhapaḷāsaissāmacchariyamāyāsaṭhakuṭilavisamaduccaritakilesa malehi (pts)
Idaṁ, mahārāja, samuddassa paṭhamaṁ aṅgaṁ gahetabbaṁ.

Puna caparaṁ, mahārāja, mahāsamuddo muttāmaṇiveḷuriyasaṅkhasilāpavāḷaphalikamaṇivividharatananicayaṁ dhārento pidahati, na bahi vikirati;
mahāsamuddo muttāmaṇiveḷuriyasaṅkhasilāpavāḷaphalikamaṇivividharatananicayaṁ → samuddo muttāmaṇiveḷuriyasankhasilāpavāḷaphaḷikamaṇivivharatananicayaṁ (pts)
evameva kho, mahārāja, yoginā yogāvacarena maggaphalajhānavimokkhasamādhisamāpattivipassanābhiññāvividhaguṇaratanāni adhigantvā pidahitabbāni, na bahi nīharitabbāni.
maggaphalajhānavimokkhasamādhisamāpattivipassanābhiññāvividhaguṇaratanāni → maggaphalajhānavimokhasamādhisamāpattivipassanābhiññāvividhaguṇaratanān (pts)
Idaṁ, mahārāja, samuddassa dutiyaṁ aṅgaṁ gahetabbaṁ.

Puna caparaṁ, mahārāja, mahāsamuddo mahantehi mahābhūtehi saddhiṁ saṁvasati;
mahāsamuddo mahantehi mahābhūtehi → samuddo mahatimahābhūtehi (pts)
evameva kho, mahārāja, yoginā yogāvacarena appicchaṁ santuṭṭhaṁ dhutavādaṁ sallekhavuttiṁ ācārasampannaṁ lajjiṁ pesalaṁ garuṁ bhāvanīyaṁ vattāraṁ vacanakkhamaṁ codakaṁ pāpagarahiṁ ovādakaṁ anusāsakaṁ viññāpakaṁ sandassakaṁ samādapakaṁ samuttejakaṁ sampahaṁsakaṁ kalyāṇamittaṁ sabrahmacāriṁ nissāya vasitabbaṁ.
yogāvacarena → yogāvacarenā (pts) | nissāya → upanissāya (pts)
Idaṁ, mahārāja, mahāsamuddassa tatiyaṁ aṅgaṁ gahetabbaṁ.
mahāsamuddassa → samuddassa (pts)

Puna caparaṁ, mahārāja, mahāsamuddo navasalilasampuṇṇāhi gaṅgāyamunāaciravatīsarabhūmahīādīhi nadīsatasahassehi antalikkhe saliladhārāhi ca pūritopi sakaṁ velaṁ nātivattati;
mahāsamuddo navasalilasampuṇṇāhi gaṅgāyamunāaciravatīsarabhūmahīādīhi → samuddo navasalilasampuṇṇagangāyamunāaciravatīsarabhūmahīādīhi (pts)
evameva kho, mahārāja, yoginā yogāvacarena lābhasakkārasilokavandanamānanapūjanakāraṇā jīvitahetupi sañcicca sikkhāpadavītikkamo na karaṇīyo. Idaṁ, mahārāja, mahāsamuddassa catutthaṁ aṅgaṁ gahetabbaṁ.
mahāsamuddassa → samuddassa (pts)
Bhāsitampetaṁ, mahārāja, bhagavatā devātidevena—

‘Seyyathāpi, mahārāja, mahāsamuddo ṭhitadhammo velaṁ nātikkamati;
mahārāja → pahārādha (cck: sī. pī.)
evameva kho, mahārāja, yaṁ mayā sāvakānaṁ sikkhāpadaṁ paññattaṁ, taṁ mama sāvakā jīvitahetupi nātikkamantī’ti.
mayā → mahā (cck)

Puna caparaṁ, mahārāja, mahāsamuddo sabbasavantīhi gaṅgāyamunāaciravatīsarabhūmahīhi antalikkhe udakadhārāhipi na paripūrati;
mahāsamuddo → samuddo (pts)
evameva kho, mahārāja, yoginā yogāvacarena uddesaparipucchāsavanadhāraṇavinicchayaabhidhammavinayagāḷhasuttantaviggahapadanikkhepapadasandhi padavibhattinavaṅgajinasāsanavaraṁ suṇantenāpi na tappitabbaṁ. Idaṁ, mahārāja, mahāsamuddassa pañcamaṁ aṅgaṁ gahetabbaṁ.
mahāsamuddassa → samuddassa (pts)
Bhāsitampetaṁ, mahārāja, bhagavatā devātidevena sutasomajātake—

‘Aggi yathā tiṇakaṭṭhaṁ dahanto, na tappati sāgaro vā nadīhi;
dahanto → ḍahanto (pts)
Evampi ce paṇḍitā rājaseṭṭha, sutvā na tappanti subhāsitenā’”ti.
Evampi ce → evaṁ hi me (bj, pts-vp-pli1, mr); evaṁpi ve (maku) | ce → evampi ve (syā.), evaṁ hi me (ka.) jā. 1 asītinipāte (cck note)

Samuddaṅgapañho dasamo.

Samuddavaggo dutiyo.

Tassuddānaṁ

Lābulatā ca padumaṁ, bījaṁ sālakalyāṇikā; Nāvā ca nāvālagganaṁ, kūpo niyāmako tathā;
nāvālagganaṁ → nāvālakanaṁ (pts)
Kammakāro samuddo ca, vaggo tena pavuccatīti.
kammakāro → kammakaro (pts)

Principles · Rationale · Glossary · 6 Pali editions