Find the Truth

In the Pāli Suttas and Vinaya

settings

{{table.suttaCol}} {{table.readCol}} {{table.titleCol}} {{table.wordsCol}} {{table.countCol}} {{table.mrCol}} {{table.linksCol}} {{table.typeCol}} {{table.quoteCol}}
{{table.wordCol}} {{table.textsCol}} {{table.matchesCol}} {{table.linksCol}}

{{results.variantsForLabel}}

Variants 1/2 columns Dictionary Multi-select Compass Help

Note:Translations, dictionaries and commentaries were not made by the Blessed One.Cross-check with Pali in 4 main nikayas.

  • Milindapañha
  • Opammakathāpañha
  • Pathavīvagga

1. Pathavīaṅgapañha

“Bhante nāgasena, ‘pathaviyā pañca aṅgāni gahetabbānī’ti yaṁ vadesi, katamāni tāni pañca aṅgāni gahetabbānī”ti?
pathaviyā → paṭhaviyā (pts)
“Yathā, mahārāja, pathavī iṭṭhāniṭṭhāni kappūrāgarutagaracandanakuṅkumādīni ākirantepi pittasemhapubbaruhirasedamedakheḷasiṅghāṇikalasikamuttakarīsādīni ākirantepi tādisāyeva;
pathavī → paṭhavī (pts)
evameva kho, mahārāja, yoginā yogāvacarena iṭṭhāniṭṭhe lābhālābhe yasāyase nindāpasaṁsāya sukhadukkhe sabbattha tādināyeva bhavitabbaṁ.
sukhadukkhe → sukhe dukkhe (pts)
Idaṁ, mahārāja, pathaviyā paṭhamaṁ aṅgaṁ gahetabbaṁ.
pathaviyā → paṭhaviyā (pts)

Puna caparaṁ, mahārāja, pathavī maṇḍanavibhūsanāpagatā sakagandhaparibhāvitā;
pathavī maṇḍanavibhūsanāpagatā → paṭhavī manḍaṇavibhūsanāpagatā (pts)
evameva kho, mahārāja, yoginā yogāvacarena vibhūsanāpagatena sakasīlagandhaparibhāvitena bhavitabbaṁ. Idaṁ, mahārāja, pathaviyā dutiyaṁ aṅgaṁ gahetabbaṁ.
pathaviyā → paṭhaviyā (pts)

Puna caparaṁ, mahārāja, pathavī nirantarā akhaṇḍacchiddā asusirā bahalā ghanā vitthiṇṇā;
pathavī → paṭhavī (pts) | akhaṇḍacchiddā → acchiddā (pts)
evameva kho, mahārāja, yoginā yogāvacarena nirantaramakhaṇḍacchiddamasusirabahalaghanavitthiṇṇasīlena bhavitabbaṁ.
nirantaramakhaṇḍacchiddamasusirabahalaghanavitthiṇṇasīlena → nirantaramakhaṇḍācchiddamasusirabahalaghanavitthiṇṇa sīlena (pts)
Idaṁ, mahārāja, pathaviyā tatiyaṁ aṅgaṁ gahetabbaṁ.
pathaviyā → paṭhaviyā (pts)

Puna caparaṁ, mahārāja, pathavī gāmanigamanagarajanapadarukkhapabbatanadītaḷākapokkharaṇīmigapakkhimanujanaranārigaṇaṁ dhārentīpi akilāsu hoti;
pathavī gāmanigamanagarajanapadarukkhapabbatanadītaḷākapokkharaṇīmigapakkhimanujanaranārigaṇaṁ dhārentīpi → paṭhavī gāmanigamanagarajanapadarukkhapabbatanadītaḷākapokkharaṇimigapakkhimanujanaranārīgaṇaṁ dhārentī pi (pts)
evameva kho, mahārāja, yoginā yogāvacarena ovadantenapi anusāsantenapi viññāpentenapi sandassentenapi samādapentenapi samuttejentenapi sampahaṁsentenapi dhammadesanāsu akilāsunā bhavitabbaṁ. Idaṁ, mahārāja, pathaviyā catutthaṁ aṅgaṁ gahetabbaṁ.
pathaviyā → paṭhaviyā (pts)

Puna caparaṁ, mahārāja, pathavī anunayappaṭighavippamuttā;
pathavī anunayappaṭighavippamuttā → paṭhavī anunayapaṭighavippamuttā (pts)
evameva kho, mahārāja, yoginā yogāvacarena anunayappaṭighavippamuttena pathavisamena cetasā viharitabbaṁ.
anunayappaṭighavippamuttena pathavisamena → anunayapaṭighavippamuttena paṭhavīsamena (pts)
Idaṁ, mahārāja, pathaviyā pañcamaṁ aṅgaṁ gahetabbaṁ.
pathaviyā → paṭhaviyā (pts)
Bhāsitampetaṁ, mahārāja, upāsikāya cūḷasubhaddāya sakasamaṇe parikittayamānāya—
cūḷasubhaddāya → cullasubhaddāya (pts)

‘Ekañce bāhaṁ vāsiyā, tacche kupitamānasā;
ekañce bāhaṁ → ekañc evāhaṁ (pts) kupitamānasā → kampitamānasā (maku); kupitamānaso (mr) | tacche → taccheyya (pts) | kupitamānasā → kupitamānaso (cck: ka.)
Ekañce bāhaṁ gandhena, ālimpeyya pamoditā.
ekañce bāhaṁ → ekañc evāhaṁ (pts) pamoditā → pamodito (mr) | pamoditā → pamodito (cck: ka.)

Amusmiṁ paṭigho natthi, rāgo asmiṁ na vijjati; Pathavīsamacittā te, tādisā samaṇā mamā’”ti.
pathavīsamacittā → paṭhavīsamacittā (pts)

Pathavīaṅgapañho paṭhamo.
Pathavīaṅgapañho → paṭhavyaṅgapañho (bj)

Principles · Rationale · Glossary · 6 Pali editions