4. Sālakalyāṇikaṅgapañha
“Bhante nāgasena, ‘sālakalyāṇikāya ekaṁ aṅgaṁ gahetabban’ti yaṁ vadesi, katamaṁ taṁ ekaṁ aṅgaṁ gahetabban”ti?
“Yathā, mahārāja, sālakalyāṇikā nāma antopathaviyaṁyeva abhivaḍḍhati hatthasatampi bhiyyopi;
nāma antopathaviyaṁyeva → antopaṭhaviyaṁ yeva (pts)
evameva kho, mahārāja, yoginā yogāvacarena cattāri sāmaññaphalāni catasso paṭisambhidā chaḷabhiññāyo kevalañca samaṇadhammaṁ suññāgāreyeva paripūrayitabbaṁ.
Idaṁ, mahārāja, sālakalyāṇikāya ekaṁ aṅgaṁ gahetabbaṁ.
Bhāsitampetaṁ, mahārāja, therena rāhulena—
‘Sālakalyāṇikā nāma, pādapo dharaṇīruho; Antopathaviyaṁyeva, satahatthopi vaḍḍhati.
antopathaviyaṁyeva satahatthopi → antopaṭhaviyaṁ yeva satahattho pi (pts)Yathā kālamhi sampatte, paripākena so dumo; Uggañchitvāna ekāhaṁ, satahatthopi vaḍḍhati.
Evamevāhaṁ mahāvīra, sālakalyāṇikā viya; Abbhantare suññāgāre, dhammato abhivaḍḍhayin’”ti.
abhivaḍḍhayinti sālakalyāṇikaṅgapañho catuttho → abhivaḍḍhayin ti (pts)