Find the Truth

In the Pāli Suttas and Vinaya

settings

{{table.suttaCol}} {{table.readCol}} {{table.titleCol}} {{table.wordsCol}} {{table.countCol}} {{table.mrCol}} {{table.linksCol}} {{table.typeCol}} {{table.quoteCol}}
{{table.wordCol}} {{table.textsCol}} {{table.matchesCol}} {{table.linksCol}}

{{results.variantsForLabel}}

Variants 1/2 columns Dictionary Multi-select Compass Help

Note:Translations, dictionaries and commentaries were not made by the Blessed One.Cross-check with Pali in 4 main nikayas.

  • Milindapañha
  • Opammakathāpañha
  • Pathavīvagga

3. Tejaṅgapañha

“Bhante nāgasena, ‘tejassa pañca aṅgāni gahetabbānī’ti yaṁ vadesi, katamāni tāni pañca aṅgāni gahetabbānī”ti? “Yathā, mahārāja, tejo tiṇakaṭṭhasākhāpalāsaṁ ḍahati; evameva kho, mahārāja, yoginā yogāvacarena ye te abbhantarā vā bāhirā vā kilesā iṭṭhāniṭṭhārammaṇānubhavanā, sabbe te ñāṇagginā ḍahitabbā. Idaṁ, mahārāja, tejassa paṭhamaṁ aṅgaṁ gahetabbaṁ.

Puna caparaṁ, mahārāja, tejo niddayo akāruṇiko; evameva kho, mahārāja, yoginā yogāvacarena sabbakilesesu kāruññānuddayā na kātabbā.
kāruññānuddayā → kāruñña manuddayā (pts)
Idaṁ, mahārāja, tejassa dutiyaṁ aṅgaṁ gahetabbaṁ.

Puna caparaṁ, mahārāja, tejo sītaṁ paṭihanati;
paṭihanati → paṭihanti (pts)
evameva kho, mahārāja, yoginā yogāvacarena vīriyasantāpatejaṁ abhijanetvā kilesā paṭihantabbā. Idaṁ, mahārāja, tejassa tatiyaṁ aṅgaṁ gahetabbaṁ.

Puna caparaṁ, mahārāja, tejo anunayappaṭighavippamutto uṇhamabhijaneti; evameva kho, mahārāja, yoginā yogāvacarena anunayappaṭighavippamuttena tejosamena cetasā viharitabbaṁ. Idaṁ, mahārāja, tejassa catutthaṁ aṅgaṁ gahetabbaṁ.

Puna caparaṁ, mahārāja, tejo andhakāraṁ vidhamitvā ālokaṁ dassayati;
vidhamitvā → vidhamati (bj, maku, pts-vp-pli1, mr) | vidhamitvā → vidhamati (cck: sī. pī. ka.)
evameva kho, mahārāja, yoginā yogāvacarena avijjandhakāraṁ vidhamitvā ñāṇālokaṁ dassayitabbaṁ. Idaṁ, mahārāja, tejassa pañcamaṁ aṅgaṁ gahetabbaṁ. Bhāsitampetaṁ, mahārāja, bhagavatā devātidevena sakaṁ puttaṁ rāhulaṁ ovadantena—
sakaṁ puttaṁ → sakaputtaṁ (pts)

‘Tejosamaṁ, rāhula, bhāvanaṁ bhāvehi.
Tejosamaṁ → ni. 2.119 (cck: ma.)
Tejosamaṁ hi te, rāhula, bhāvanaṁ bhāvayato uppannā manāpāmanāpā phassā cittaṁ na pariyādāya ṭhassantī’”ti.
manāpāmanāpā phassā → ca akusalā dhammā (pts)

Tejaṅgapañho tatiyo.

Principles · Rationale · Glossary · 6 Pali editions