Find the Truth

In the Pāli Suttas and Vinaya

settings

{{table.suttaCol}} {{table.readCol}} {{table.titleCol}} {{table.wordsCol}} {{table.countCol}} {{table.mrCol}} {{table.linksCol}} {{table.typeCol}} {{table.quoteCol}}
{{table.wordCol}} {{table.textsCol}} {{table.matchesCol}} {{table.linksCol}}

{{results.variantsForLabel}}

Variants 1/2 columns Dictionary Multi-select Compass Help

Note:Translations, dictionaries and commentaries were not made by the Blessed One.Cross-check with Pali in 4 main nikayas.

  • Milindapañha
  • Opammakathāpañha
  • Pathavīvagga

4. Vāyuṅgapañha

“Bhante nāgasena, ‘vāyussa pañca aṅgāni gahetabbānī’ti yaṁ vadesi, katamāni tāni pañca aṅgāni gahetabbānī”ti? “Yathā, mahārāja, vāyu supupphitavanasaṇḍantaraṁ abhivāyati; evameva kho, mahārāja, yoginā yogāvacarena vimuttivarakusumapupphitārammaṇavanantare ramitabbaṁ. Idaṁ, mahārāja, vāyussa paṭhamaṁ aṅgaṁ gahetabbaṁ.

Puna caparaṁ, mahārāja, vāyu dharaṇīruhapādapagaṇe mathayati; evameva kho, mahārāja, yoginā yogāvacarena vanantaragatena saṅkhāre vicinantena kilesā mathayitabbā. Idaṁ, mahārāja, vāyussa dutiyaṁ aṅgaṁ gahetabbaṁ.

Puna caparaṁ, mahārāja, vāyu ākāse carati; evameva kho, mahārāja, yoginā yogāvacarena lokuttaradhammesu mānasaṁ sañcārayitabbaṁ. Idaṁ, mahārāja, vāyussa tatiyaṁ aṅgaṁ gahetabbaṁ.

Puna caparaṁ, mahārāja, vāyu gandhaṁ anubhavati; evameva kho, mahārāja, yoginā yogāvacarena attano sīlavarasurabhigandho anubhavitabbo.
sīlavarasurabhigandho → sīlasurabhigando (bj); sila-surabhigandho (pts-vp-pli1) | sīlavarasurabhigandho → sīlasurabhigandho (pts) | sīlavarasurabhigandho → sīlasurabhigando (cck: sī. pī.)
Idaṁ, mahārāja, vāyussa catutthaṁ aṅgaṁ gahetabbaṁ.

Puna caparaṁ, mahārāja, vāyu nirālayo aniketavāsī; evameva kho, mahārāja, yoginā yogāvacarena nirālayamaniketamasanthavena sabbattha vimuttena bhavitabbaṁ. Idaṁ, mahārāja, vāyussa pañcamaṁ aṅgaṁ gahetabbaṁ. Bhāsitampetaṁ, mahārāja, bhagavatā devātidevena suttanipāte—

‘Santhavāto bhayaṁ jātaṁ, niketā jāyate rajo;
jāyate → jāyatī (pts)
Aniketamasanthavaṁ, etaṁ ve munidassanan’”ti.
munidassananti vāyuṅgapañho catuttho → munidassanan ti (pts)

Vāyuṅgapañho catuttho.

Principles · Rationale · Glossary · 6 Pali editions