Find the Truth

In the Pāli Suttas and Vinaya

settings

{{table.suttaCol}} {{table.readCol}} {{table.titleCol}} {{table.wordsCol}} {{table.countCol}} {{table.mrCol}} {{table.linksCol}} {{table.typeCol}} {{table.quoteCol}}
{{table.wordCol}} {{table.textsCol}} {{table.matchesCol}} {{table.linksCol}}

{{results.variantsForLabel}}

Variants 1/2 columns Dictionary Multi-select Compass Help

Note:Translations, dictionaries and commentaries were not made by the Blessed One.Cross-check with Pali in 4 main nikayas.

  • Milindapañha
  • Opammakathāpañha
  • Pathavīvagga

5. Pabbataṅgapañha

“Bhante nāgasena, ‘pabbatassa pañca aṅgāni gahetabbānī’ti yaṁ vadesi, katamāni tāni pañca aṅgāni gahetabbānī”ti? “Yathā, mahārāja, pabbato acalo akampito asampavedhī;
akampito → akampiyo (bj, pts-vp-pli1) | akampito → akampiyo (cck: sī. pī.)
evameva kho, mahārāja, yoginā yogāvacarena sammānane vimānane sakkāre asakkāre garukāre agarukāre yase ayase nindāya pasaṁsāya sukhe dukkhe iṭṭhāniṭṭhesu sabbattha rūpasaddagandharasaphoṭṭhabbadhammesu rajanīyesu na rajjitabbaṁ, dussanīyesu na dussitabbaṁ, muyhanīyesu na muyhitabbaṁ, na kampitabbaṁ na calitabbaṁ, pabbatena viya acalena bhavitabbaṁ. Idaṁ, mahārāja, pabbatassa paṭhamaṁ aṅgaṁ gahetabbaṁ. Bhāsitampetaṁ, mahārāja, bhagavatā devātidevena—

‘Selo yathā ekaghano, vātena na samīrati;
ekaghano → ekagghano (mr) | ekaghano → ekagghano (ka.) dha. pa. 81 dhammapade (cck note)
Evaṁ nindāpasaṁsāsu, na samiñjanti paṇḍitā’ti.

Puna caparaṁ, mahārāja, pabbato thaddho na kenaci saṁsaṭṭho; evameva kho, mahārāja, yoginā yogāvacarena thaddhena asaṁsaṭṭhena bhavitabbaṁ, na kenaci saṁsaggo karaṇīyo. Idaṁ, mahārāja, pabbatassa dutiyaṁ aṅgaṁ gahetabbaṁ. Bhāsitampetaṁ, mahārāja, bhagavatā devātidevena—

‘Asaṁsaṭṭhaṁ gahaṭṭhehi, anāgārehi cūbhayaṁ; Anokasārimappicchaṁ, tamahaṁ brūmi brāhmaṇan’ti.

Puna caparaṁ, mahārāja, pabbate bījaṁ na virūhati; evameva kho, mahārāja, yoginā yogāvacarena sakamānase kilesā na virūhāpetabbā. Idaṁ, mahārāja, pabbatassa tatiyaṁ aṅgaṁ gahetabbaṁ. Bhāsitampetaṁ, mahārāja, therena subhūtinā—

‘Rāgūpasaṁhitaṁ cittaṁ, yadā uppajjate mama; Sayaṁva paccavekkhāmi, ekaggo taṁ damemahaṁ.
paccavekkhāmi → paccavekkhitvā (bj, maku, pts-vp-pli1) | sayaṁva paccavekkhāmi ekaggo → sayameva paccavekkhitvā ekako (pts) | paccavekkhāmi → paccavekkhitvā (cck: sabbattha) ekaggo → ekako (bj, maku, pts-vp-pli1) | ekaggo → ekako (cck: sabbattha)

Rajjase rajanīye ca, dussanīye ca dussase;
Rajjase → rajjasi (bj, maku, pts-vp-pli1) | Rajjase → rajjasi (cck: sī.); rañjasi (cck: pī.)
Muyhase mohanīye ca, nikkhamassu vanā tuvaṁ.
Muyhase → muyhasi (bj) | mohanīye ca → mohanīyesu (pts) | Muyhase → muyhasi (cck: sī.)

Visuddhānaṁ ayaṁ vāso, nimmalānaṁ tapassinaṁ; Mā kho visuddhaṁ dūsesi, nikkhamassu vanā tuvan’ti.

Puna caparaṁ, mahārāja, pabbato accuggato; evameva kho, mahārāja, yoginā yogāvacarena ñāṇaccuggatena bhavitabbaṁ. Idaṁ, mahārāja, pabbatassa catutthaṁ aṅgaṁ gahetabbaṁ. Bhāsitampetaṁ, mahārāja, bhagavatā devātidevena—

‘Pamādaṁ appamādena, yadā nudati paṇḍito; Paññāpāsādamāruyha, asoko sokiniṁ pajaṁ;
sokiniṁ pajaṁ pabbataṭṭhova bhūmaṭṭhe → sokinimpajaṁ pabbataṭṭho va bhummaṭṭhe (pts)
Pabbataṭṭhova bhūmaṭṭhe, dhīro bāle avekkhatī’ti.
bhūmaṭṭhe → bhummaṭṭhe (bj, maku, pts-vp-pli1) | bhūmaṭṭhe → bhummaṭṭhe (cck: sī. pī.)

Puna caparaṁ, mahārāja, pabbato anunnato anonato;
anonato → anoṇato (pts)
evameva kho, mahārāja, yoginā yogāvacarena unnatāvanati na karaṇīyā. Idaṁ, mahārāja, pabbatassa pañcamaṁ aṅgaṁ gahetabbaṁ. Bhāsitampetaṁ, mahārāja, upāsikāya cūḷasubhaddāya sakasamaṇe parikittayamānāya—
cūḷasubhaddāya → cullasubhaddāya (pts)

‘Lābhena unnato loko, alābhena ca onato;
onato → oṇato (pts)
Lābhālābhena ekaṭṭhā, tādisā samaṇā mamā’”ti.
ekaṭṭhā → ekatthā (csp1ed) 18Dh.2.304/1 (292 piṭṭhe) | ekaṭṭhā → ekatthā (cck) | ekatthā → ekaṭṭhā (cck: sī. pī.)

Pabbataṅgapañho pañcamo.

Principles · Rationale · Glossary · 6 Pali editions