Find the Truth

In the Pāli Suttas and Vinaya

settings

{{table.suttaCol}} {{table.readCol}} {{table.titleCol}} {{table.wordsCol}} {{table.countCol}} {{table.mrCol}} {{table.linksCol}} {{table.typeCol}} {{table.quoteCol}}
{{table.wordCol}} {{table.textsCol}} {{table.matchesCol}} {{table.linksCol}}

{{results.variantsForLabel}}

Variants 1/2 columns Dictionary Multi-select Compass Help

Note:Translations, dictionaries and commentaries were not made by the Blessed One.Cross-check with Pali in 4 main nikayas.

  • Paṭisambhidāmagga
  • 2 Yuganaddhavagga

2.10. Suññakathā

Evaṁ me sutaṁ— ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.
ārāme → arāme (bj) | anāthapiṇḍikassa ārāme → anāthapiṇḍikassārāme (sya-all)
Atha kho āyasmā ānando yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā ānando bhagavantaṁ etadavoca—
nisinno → nisineno (bj) | etadavoca → ekadavoca (bj)

“‘Suñño loko, suñño loko’ti, bhante, vuccati. Kittāvatā nu kho, bhante, ‘suñño loko’ti vuccatī”ti?
vuccatīti → vuccati (bj)
“Yasmā kho, ānanda, suññaṁ attena vā attaniyena vā, tasmā ‘suñño loko’ti vuccati. Kiñcānanda, suññaṁ attena vā attaniyena vā?
Kiñcānanda → kiñca ānanda (pts-vp-pli1) | Kiñcānanda → kiñca ānanda saṁ. ni. 4.85 (cck note)
Cakkhu kho, ānanda, suññaṁ attena vā attaniyena vā.
cakkhu → cakkhuṁ (bj, sya-all, pts) | kho → cakkhuṁ kho (bj: machasaṁ)
Rūpā suññā attena vā attaniyena vā. Cakkhuviññāṇaṁ suññaṁ attena vā attaniyena vā. Cakkhusamphasso suñño attena vā attaniyena vā. Yampidaṁ cakkhusamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā, tampi suññaṁ attena vā attaniyena vā.
Yampidaṁ → yadidaṁ (mr) | Yampidaṁ → yadidaṁ (ka.) saṁ. ni. 4.85 passitabbā (cck note)

Sotaṁ suññaṁ …pe… saddā suññā … ghānaṁ suññaṁ … gandhā suññā … jivhā suññā … rasā suññā … kāyo suñño … phoṭṭhabbā suññā … mano suñño attena vā attaniyena vā. Dhammā suññā attena vā attaniyena vā. Manoviññāṇaṁ suññaṁ attena vā attaniyena vā. Manosamphasso suñño attena vā attaniyena vā. Yampidaṁ manosamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā, tampi suññaṁ attena vā attaniyena vā. Yasmā kho, ānanda, suññaṁ attena vā attaniyena vā tasmā ‘suñño loko’ti vuccatī”ti.
vuccatīti → vuccatiti (bj) | vuccati’ti → empty in book (bj note)

10.1. Mātikā

Suññasuññaṁ, saṅkhārasuññaṁ, vipariṇāmasuññaṁ, aggasuññaṁ, lakkhaṇasuññaṁ, vikkhambhanasuññaṁ, tadaṅgasuññaṁ, samucchedasuññaṁ, paṭippassaddhisuññaṁ, nissaraṇasuññaṁ, ajjhattasuññaṁ, bahiddhāsuññaṁ, dubhatosuññaṁ, sabhāgasuññaṁ, visabhāgasuññaṁ, esanāsuññaṁ, pariggahasuññaṁ, paṭilābhasuññaṁ, paṭivedhasuññaṁ, ekattasuññaṁ, nānattasuññaṁ, khantisuññaṁ, adhiṭṭhānasuññaṁ, pariyogāhaṇasuññaṁ, sampajānassa pavattapariyādānaṁ sabbasuññatānaṁ paramatthasuññaṁ. [25]
Suññasuññaṁ → suññaṁ suññaṁ (sya-all) | pariyogāhaṇasuññaṁ → pariyogāhanasuññaṁ (bj, sya-all, pts-vp-pli1) | vipariṇāmasuññaṁ → viparināmasuññaṁ (bj) | sabhāgasuññaṁ → sabhāgasasuññaṁ (bj) | suññasuññaṁ → suññaṁ suññaṁ (sya-all) | paramatthasuññaṁ → paramaṭṭhasuññaṁ (sya-all) | suññasuññaṁ → suññaṁ suññaṁ (bj: syā) | pariyogāhanasuññaṁ → pariyogahanasuññāṁ (bj: a.pu) | Suññasuññaṁ → suññaṁ suññaṁ (cck: syā.) | pariyogāhaṇasuññaṁ → pariyogāhanasuññaṁ (cck: syā.) | Suññasuññaṁ → aneñjābhisaṅkhāro K.; ānañjābhisankhāro S. S2. (pts note)

10.2. Niddesa

Katamaṁ suññasuññaṁ?
suññasuññaṁ cakkhu → suñña suññaṁ cakkhuṁ (bj); suññaṁ suññaṁ cakkhuṁ (sya-all)
Cakkhu suññaṁ attena vā attaniyena vā niccena vā dhuvena vā sassatena vā avipariṇāmadhammena vā.
avipariṇāmadhammena → aviparināmadhammena (bj) | cakkhu → cakkhuṁ (pts) | cakkhuṁ → cakkhu suññaṁ (bj: machasaṁ)
Sotaṁ suññaṁ …pe…
suññaṁ → (bj)
ghānaṁ suññaṁ … jivhā suññā … kāyo suñño … mano suñño attena vā attaniyena vā niccena vā dhuvena vā sassatena vā avipariṇāmadhammena vā. Idaṁ suññasuññaṁ.
suññasuññaṁ → suññaṁ suññaṁ (sya-all)

Katamaṁ saṅkhārasuññaṁ? Tayo saṅkhārā— puññābhisaṅkhāro, apuññābhisaṅkhāro, āneñjābhisaṅkhāro.
āneñjābhisaṅkhāro → aneñjābhisaṁkhāro (sya-all) | āneñjābhisaṅkhāro → viseṭṭham. M.; visiddhaṁ K. (pts note)
Puññābhisaṅkhāro apuññābhisaṅkhārena ca āneñjābhisaṅkhārena ca suñño.
āneñjābhisaṅkhārena → aneñjābhisaṁkhārena (sya-all)
Apuññābhisaṅkhāro puññābhisaṅkhārena ca āneñjābhisaṅkhārena ca suñño.
āneñjābhisaṅkhārena → aneñjābhisaṁkhārena (sya-all)
Āneñjābhisaṅkhāro puññābhisaṅkhārena ca apuññābhisaṅkhārena ca suñño.
āneñjābhisaṅkhāro → aneñjābhisaṁkhāro (sya-all)
Ime tayo saṅkhārā.

Aparepi tayo saṅkhārā—
aparepi → aparā pi (pts)
kāyasaṅkhāro, vacīsaṅkhāro, cittasaṅkhāro. Kāyasaṅkhāro vacīsaṅkhārena ca cittasaṅkhārena ca suñño.
vacīsaṅkhārena → vacīsaṅkhāro (bj)
Vacīsaṅkhāro kāyasaṅkhārena ca cittasaṅkhārena ca suñño. Cittasaṅkhāro kāyasaṅkhārena ca vacīsaṅkhārena ca suñño.
ca → (bj)
Ime tayo saṅkhārā.

Aparepi tayo saṅkhārā—
aparepi → aparā pi (pts)
atītā saṅkhārā, anāgatā saṅkhārā, paccuppannā saṅkhārā. Atītā saṅkhārā anāgatehi ca paccuppannehi ca saṅkhārehi suññā. Anāgatā saṅkhārā atītehi ca paccuppannehi ca saṅkhārehi suññā paccuppannā saṅkhārā atītehi ca anāgatehi ca saṅkhārehi suññā. Ime tayo saṅkhārā; idaṁ saṅkhārasuññaṁ.

Katamaṁ vipariṇāmasuññaṁ?
vipariṇāmasuññaṁ → viparināmasuññaṁ (bj)
Jātaṁ rūpaṁ sabhāvena suññaṁ. Vigataṁ rūpaṁ vipariṇatañceva suññañca.
vipariṇatañceva → viparinatañceva (bj)
Jātā vedanā sabhāvena suññā. Vigatā vedanā vipariṇatā ceva suññā ca …pe… jātā saññā … jātā saṅkhārā … jātaṁ viññāṇaṁ … jātaṁ cakkhu …pe…
cakkhu → cakkhuṁ (bj, sya-all, pts)
jāto bhavo sabhāvena suñño. Vigato bhavo vipariṇato ceva suñño ca.
vipariṇato → viparinato (bj)
Idaṁ vipariṇāmasuññaṁ.
vipariṇāmasuññaṁ → viparināmasuññaṁ (bj)

Katamaṁ aggasuññaṁ? Aggametaṁ padaṁ seṭṭhametaṁ padaṁ visiṭṭhametaṁ padaṁ yadidaṁ sabbasaṅkhārasamatho sabbūpadhipaṭinissaggo taṇhakkhayo virāgo nirodho nibbānaṁ.
visiṭṭhametaṁ → viseṭṭhametaṁ (mr) | visiṭṭhametaṁ → visiddhametaṁ (sya-all) | visiṭṭhametaṁ → viseṭṭhametaṁ (cck: ka.)
Idaṁ aggasuññaṁ.

Katamaṁ lakkhaṇasuññaṁ? Dve lakkhaṇāni— bālalakkhaṇañca paṇḍitalakkhaṇañca. Bālalakkhaṇaṁ paṇḍitalakkhaṇena suññaṁ. Paṇḍitalakkhaṇaṁ bālalakkhaṇena suññaṁ. Tīṇi lakkhaṇāni— uppādalakkhaṇaṁ, vayalakkhaṇaṁ, ṭhitaññathattalakkhaṇaṁ. Uppādalakkhaṇaṁ vayalakkhaṇena ca ṭhitaññathattalakkhaṇena ca suññaṁ. Vayalakkhaṇaṁ uppādalakkhaṇena ca ṭhitaññathattalakkhaṇena ca suññaṁ, ṭhitaññathattalakkhaṇaṁ uppādalakkhaṇena ca vayalakkhaṇena ca suññaṁ.

Rūpassa uppādalakkhaṇaṁ vayalakkhaṇena ca ṭhitaññathattalakkhaṇena ca suññaṁ. Rūpassa vayalakkhaṇaṁ uppādalakkhaṇena ca ṭhitaññathattalakkhaṇena ca suññaṁ. Rūpassa ṭhitaññathattalakkhaṇaṁ uppādalakkhaṇena ca vayalakkhaṇena ca suññaṁ. Vedanāya …pe… saññāya … saṅkhārānaṁ … viññāṇassa … cakkhussa … jarāmaraṇassa uppādalakkhaṇaṁ vayalakkhaṇena ca ṭhitaññathattalakkhaṇena ca suññaṁ. Jarāmaraṇassa vayalakkhaṇaṁ uppādalakkhaṇena ca ṭhitaññathattalakkhaṇena ca suññaṁ. Jarāmaraṇassa ṭhitaññathattalakkhaṇaṁ uppādalakkhaṇena ca vayalakkhaṇena ca suññaṁ. Idaṁ lakkhaṇasuññaṁ.

Katamaṁ vikkhambhanasuññaṁ? Nekkhammena kāmacchando vikkhambhito ceva suñño ca. Abyāpādena byāpādo vikkhambhito ceva suñño ca. Ālokasaññāya thinamiddhaṁ vikkhambhitañceva suññañca.
thinamiddhaṁ → thīnamiddhaṁ (sya-all)
Avikkhepena uddhaccaṁ vikkhambhitañceva suññañca. Dhammavavatthānena vicikicchā vikkhambhitā ceva suññā ca. Ñāṇena avijjā vikkhambhitā ceva suññā ca.
vikkhambhitā → vikakhambhitā (sya-all)
Pāmojjena arati vikkhambhitā ceva suññā ca.
pāmojjena → pāmujjena (sya-all)
Paṭhamena jhānena nīvaraṇā vikkhambhitā ceva suññā ca …pe…
paṭhamena jhānena → paṭhamajjhānena (sya-all, pts)
arahattamaggena sabbakilesā vikkhambhitā ceva suññā ca. Idaṁ vikkhambhanasuññaṁ.

Katamaṁ tadaṅgasuññaṁ? Nekkhammena kāmacchando tadaṅgasuñño. Abyāpādena byāpādo tadaṅgasuñño. Ālokasaññāya thinamiddhaṁ tadaṅgasuññaṁ.
thinamiddhaṁ → thīnamiddhaṁ (sya-all, pts)
Avikkhepena uddhaccaṁ tadaṅgasuññaṁ. Dhammavavatthānena vicikicchā tadaṅgasuññā. Ñāṇena avijjā tadaṅgasuññā. Pāmojjena arati tadaṅgasuññā.
pāmojjena → pāmujjena (sya-all)
Paṭhamena jhānena nīvaraṇā tadaṅgasuññā …pe…
paṭhamena jhānena → paṭhamajjhānena (sya-all, pts)
vivaṭṭanānupassanāya saññogābhiniveso tadaṅgasuñño.
vivaṭṭanānupassanāya → vivaṭṭānupassanāya (bj)
Idaṁ tadaṅgasuññaṁ.

Katamaṁ samucchedasuññaṁ? Nekkhammena kāmacchando samucchinno ceva suñño ca. Abyāpādena byāpādo samucchinno ceva suñño ca. Ālokasaññāya thinamiddhaṁ samucchinnañceva suññañca.
thinamiddhaṁ → thīnamiddhaṁ (sya-all)
Avikkhepena uddhaccaṁ samucchinnañceva suññañca.
samucchinnañceva → samucchannañceva (bj)
Dhammavavatthānena vicikicchā samucchinnā ceva suññā ca. Ñāṇena avijjā samucchinnā ceva suññā ca. Pāmojjena arati samucchinnā ceva suññā ca.
pāmojjena → pāmujjena (sya-all)
Paṭhamena jhānena nīvaraṇā samucchinnā ceva suññā ca …pe…
paṭhamena jhānena → paṭhamajjhānena (sya-all, pts)
arahattamaggena sabbakilesā samucchinnā ceva suññā ca. Idaṁ samucchedasuññaṁ.
idaṁ → (bj)

Katamaṁ paṭippassaddhisuññaṁ? Nekkhammena kāmacchando paṭippassaddho ceva suñño ca. Abyāpādena byāpādo paṭippassaddho ceva suñño ca.
paṭippassaddho → paṭippassadedhā (bj)
Ālokasaññāya thinamiddhaṁ paṭippassaddhañceva suññañca.
thinamiddhaṁ → thīnamiddhaṁ (sya-all)
Avikkhepena uddhaccaṁ paṭippassaddhañceva suññañca. Dhammavavatthānena vicikicchā paṭippassaddhā ceva suññā ca.
paṭippassaddhā → paṭippassaddho (bj)
Ñāṇena avijjā paṭippassaddhā ceva suññā ca. Pāmojjena arati paṭippassaddhā ceva suññā ca.
pāmojjena → pāmujjena (sya-all)
Paṭhamena jhānena nīvaraṇā paṭippassaddhā ceva suññā ca …pe…
paṭhamena jhānena → paṭhamajjhānena (sya-all, pts)
arahattamaggena sabbakilesā paṭippassaddhā ceva suññā ca. Idaṁ paṭippassaddhisuññaṁ.
idaṁ → (bj)

Katamaṁ nissaraṇasuññaṁ? Nekkhammena kāmacchando nissaṭo ceva suñño ca. Abyāpādena byāpādo nissaṭo ceva suñño ca. Ālokasaññāya thinamiddhaṁ nissaṭañceva suññañca.
thinamiddhaṁ → thīnamiddhaṁ (sya-all)
Avikkhepena uddhaccaṁ nissaṭañceva suññañca.
nissaṭañceva suññañca → nissaṭaṁ ceva (bj)
Dhammavavatthānena vicikicchā nissaṭā ceva suññā ca. Ñāṇena avijjā nissaṭā ceva suññā ca. Pāmojjena arati nissaṭā ceva suññā ca.
pāmojjena → pāmujjena (sya-all)
Paṭhamena jhānena nīvaraṇā nissaṭā ceva suññā ca …pe…
paṭhamena jhānena → paṭhamajjhānena (sya-all, pts)
arahattamaggena sabbakilesā nissaṭā ceva suññā ca. Idaṁ nissaraṇasuññaṁ.

Katamaṁ ajjhattasuññaṁ? Ajjhattaṁ cakkhuṁ suññaṁ attena vā attaniyena vā niccena vā dhuvena vā sassatena vā avipariṇāmadhammena vā.
avipariṇāmadhammena → aviparināmadhammena (bj)
Ajjhattaṁ sotaṁ suññaṁ … ajjhattaṁ ghānaṁ suññaṁ …
ghānaṁ → ghāṇaṁ (pts)
ajjhattaṁ jivhā suññā … ajjhattaṁ kāyo suñño … ajjhattaṁ mano suñño attena vā attaniyena vā niccena vā dhuvena vā sassatena vā avipariṇāmadhammena vā.
avipariṇāmadhammena → aviparināmadhammena (bj)
Idaṁ ajjhattasuññaṁ.

Katamaṁ bahiddhāsuññaṁ? Bahiddhā rūpā suññā …pe… bahiddhā dhammā suññā attena vā attaniyena vā niccena vā dhuvena vā sassatena vā avipariṇāmadhammena vā. Idaṁ bahiddhāsuññaṁ.

Katamaṁ dubhatosuññaṁ? Yañca ajjhattaṁ cakkhu ye ca bahiddhā rūpā ubhayametaṁ suññaṁ attena vā attaniyena vā niccena vā dhuvena vā sassatena vā avipariṇāmadhammena vā.
ubhayametaṁ suññaṁ → ubhayato taṁ suññā (sya-all) | cakkhu → sotaṁ (bj); cakkhuṁ (sya-all, pts) | avipariṇāmadhammena → aviparināmadhammena (bj) | ubhayametaṁ → ubhayato taṁ (bj: syā) | suññaṁ → ubhayato taṁ suññā (cck: syā.) | taṁ → ubhayametaṁ (sya-all note)
Yañca ajjhattaṁ sotaṁ ye ca bahiddhā saddā …pe… yañca ajjhattaṁ ghānaṁ ye ca bahiddhā gandhā … yā ca ajjhattaṁ jivhā ye ca bahiddhā rasā …
ajjhattaṁ → ajjhattā (bj)
yo ca ajjhattaṁ kāyo ye ca bahiddhā phoṭṭhabbā …
ye → yo (bj)
yo ca ajjhattaṁ mano ye ca bahiddhā dhammā ubhayametaṁ suññaṁ attena vā attaniyena vā niccena vā dhuvena vā sassatena vā avipariṇāmadhammena vā.
ubhayametaṁ → ubhayato taṁ (sya-all) | taṁ → ubhayametaṁ (sya-all note)
Idaṁ dubhatosuññaṁ.
dubhatosuññaṁ katamaṁ → dubhato suññaṁ katamā (bj)

Katamaṁ sabhāgasuññaṁ? Cha ajjhattikāni āyatanāni sabhāgāni ceva suññāni ca. Cha bāhirāni āyatanāni sabhāgāni ceva suññāni ca. Cha viññāṇakāyā sabhāgā ceva suññā ca. Cha phassakāyā sabhāgā ceva suññā ca. Cha vedanākāyā sabhāgā ceva suññā ca. Cha saññākāyā sabhāgā ceva suññā ca. Cha cetanākāyā sabhāgā ceva suññā ca. Idaṁ sabhāgasuññaṁ.

Katamaṁ visabhāgasuññaṁ? Cha ajjhattikāni āyatanāni chahi bāhirehi āyatanehi visabhāgāni ceva suññāni ca.
bāhirehi āyatanehi → bāhirāyatanehi (sya-all)
Cha bāhirāni āyatanāni chahi viññāṇakāyehi visabhāgāni ceva suññāni ca.
bāhirāni āyatanāni → bāhirāyatanāni (sya-all)
Cha viññāṇakāyā chahi phassakāyehi visabhāgā ceva suññā ca.
phassakāyehi → phassāyatanehi (bj)
Cha phassakāyā chahi vedanākāyehi visabhāgā ceva suññā ca. Cha vedanākāyā chahi saññākāyehi visabhāgā ceva suññā ca. Cha saññākāyā chahi cetanākāyehi visabhāgā ceva suññā ca.
cha → (bj)
Idaṁ visabhāgasuññaṁ.

Katamaṁ esanāsuññaṁ? Nekkhammesanā kāmacchandena suññā. Abyāpādesanā byāpādena suññā. Ālokasaññesanā thinamiddhena suññā.
thinamiddhena → thīnamiddhena (sya-all, pts)
Avikkhepesanā uddhaccena suññā. Dhammavavatthānesanā vicikicchāya suññā. Ñāṇesanā avijjāya suññā. Pāmojjesanā aratiyā suññā.
pāmojjesanā → pāmujjesanā (sya-all)
Paṭhamajjhānesanā nīvaraṇehi suññā …pe… arahattamaggesanā sabbakilesehi suññā. Idaṁ esanāsuññaṁ.

Katamaṁ pariggahasuññaṁ? Nekkhammapariggaho kāmacchandena suñño. Abyāpādapariggaho byāpādena suñño. Ālokasaññāpariggaho thinamiddhena suñño.
ālokasaññāpariggaho → ālokasaññopariggaho (bj) | suñño avikkhepapariggaho uddhaccena → (bj) | thinamiddhena → thīnamiddhena (sya-all, pts)
Avikkhepapariggaho uddhaccena suñño. Dhammavavatthānapariggaho vicikicchāya suñño. Ñāṇapariggaho avijjāya suñño. Pāmojjapariggaho aratiyā suñño.
pāmojjapariggaho → pāmujjapariggaho (sya-all)
Paṭhamajjhānapariggaho nīvaraṇehi suñño …pe… arahattamaggapariggaho sabbakilesehi suñño. Idaṁ pariggahasuññaṁ.

Katamaṁ paṭilābhasuññaṁ? Nekkhammapaṭilābho kāmacchandena suñño. Abyāpādapaṭilābho byāpādena suñño. Ālokasaññāpaṭilābho thinamiddhena suñño.
thinamiddhena → thīnamiddhena (sya-all, pts)
Avikkhepapaṭilābho uddhaccena suñño. Dhammavavatthānapaṭilābho vicikicchāya suñño.
dhammavavatthānapaṭilābho → dhammavatthānapaṭilābho (bj)
Ñāṇapaṭilābho avijjāya suñño. Pāmojjapaṭilābho aratiyā suñño.
pāmojjapaṭilābho → pāmujjapaṭilābho (sya-all)
Paṭhamajjhānapaṭilābho nīvaraṇehi suñño …pe… arahattamaggapaṭilābho sabbakilesehi suñño. Idaṁ paṭilābhasuññaṁ.

Katamaṁ paṭivedhasuññaṁ? Nekkhammappaṭivedho kāmacchandena suñño. Abyāpādappaṭivedho byāpādena suñño.
abyāpādappaṭivedho byāpādena → abyāpādapaṭivedho byāpedana (bj)
Ālokasaññāppaṭivedho thinamiddhena suñño.
ālokasaññāppaṭivedho thinamiddhena → ālokasaññāpaṭivedho thīnamiddhena (sya-all, pts)
Avikkhepappaṭivedho uddhaccena suñño.
avikkhepappaṭivedho → avikkhepaṭivedho (bj)
Dhammavavatthānappaṭivedho vicikicchāya suñño. Ñāṇappaṭivedho avijjāya suñño. Pāmojjappaṭivedho aratiyā suñño.
pāmojjappaṭivedho → pāmujjapaṭivedho (sya-all)
Paṭhamajjhānappaṭivedho nīvaraṇehi suñño …pe… arahattamaggappaṭivedho sabbakilesehi suñño. Idaṁ paṭivedhasuññaṁ.

Katamaṁ ekattasuññaṁ, nānattasuññaṁ? Kāmacchando nānattaṁ, nekkhammaṁ ekattaṁ. Nekkhammekattaṁ cetayato kāmacchandena suññaṁ. Byāpādo nānattaṁ, abyāpādo ekattaṁ. Abyāpādekattaṁ cetayato byāpādena suññaṁ. Thinamiddhaṁ nānattaṁ, ālokasaññā ekattaṁ.
thinamiddhaṁ → thīnamiddhaṁ (bj, sya-all, pts)
Ālokasaññekattaṁ cetayato thinamiddhena suññaṁ.
thinamiddhena → thīnamiddhena (sya-all, pts)
Uddhaccaṁ nānattaṁ, avikkhepo ekattaṁ. Avikkhepekattaṁ cetayato uddhaccena suññaṁ. Vicikicchā nānattaṁ, dhammavavatthānaṁ ekattaṁ. Dhammavavatthānekattaṁ cetayato vicikicchāya suññaṁ. Avijjā nānattaṁ, ñāṇaṁ ekattaṁ. Ñāṇekattaṁ cetayato avijjāya suññaṁ. Arati nānattaṁ, pāmojjaṁ ekattaṁ. Pāmojjekattaṁ cetayato aratiyā suññaṁ. Nīvaraṇā nānattaṁ, paṭhamajjhānaṁ ekattaṁ. Paṭhamajjhānekattaṁ cetayato nīvaraṇehi suññaṁ …pe… sabbakilesā nānattaṁ, arahattamaggo ekattaṁ.
nānattaṁ → nānattā (sya-all)
Arahattamaggekattaṁ cetayato sabbakilesehi suññaṁ. Idaṁ ekattasuññaṁ nānattasuññaṁ.

Katamaṁ khantisuññaṁ? Nekkhammakhanti kāmacchandena suññā. Abyāpādakhanti byāpādena suññā. Ālokasaññākhanti thinamiddhena suññā.
thinamiddhena → thīnamiddhena (sya-all, pts)
Avikkhepakhanti uddhaccena suññā. Dhammavavatthānakhanti vicikicchāya suññā. Ñāṇakhanti avijjāya suññā. Pāmojjakhanti aratiyā suññā.
pāmojjakhanti → pāmujjakhanti (sya-all)
Paṭhamajjhānakhanti nīvaraṇehi suññā …pe… arahattamaggakhanti sabbakilesehi suññā. Idaṁ khantisuññaṁ.

Katamaṁ adhiṭṭhānasuññaṁ? Nekkhammādhiṭṭhānaṁ kāmacchandena suññaṁ. Abyāpādādhiṭṭhānaṁ byāpādena suññaṁ. Ālokasaññādhiṭṭhānaṁ thinamiddhena suññaṁ.
thinamiddhena → thīnamiddhena (sya-all, pts)
Avikkhepādhiṭṭhānaṁ uddhaccena suññaṁ. Dhammavavatthānādhiṭṭhānaṁ vicikicchāya suññaṁ.
dhammavavatthānādhiṭṭhānaṁ → dhammavavatthānādiṭṭhānaṁ (bj)
Ñāṇādhiṭṭhānaṁ avijjāya suññaṁ. Pāmojjādhiṭṭhānaṁ aratiyā suññaṁ.
pāmojjādhiṭṭhānaṁ → pāmujjādhiṭṭhānaṁ (sya-all)
Paṭhamajjhānādhiṭṭhānaṁ nīvaraṇehi suññaṁ …pe… arahattamaggādhiṭṭhānaṁ sabbakilesehi suññaṁ.
sabbakilesehi → sabbakilosehi (bj)
Idaṁ adhiṭṭhānasuññaṁ.

Katamaṁ pariyogāhaṇasuññaṁ?
pariyogāhaṇasuññaṁ nekkhammapariyogāhaṇaṁ → pariyogāhanasuññaṁ nekkhammapariyogāhanaṁ (bj, sya-all, pts)
Nekkhammapariyogāhaṇaṁ kāmacchandena suññaṁ. Abyāpādapariyogāhaṇaṁ byāpādena suññaṁ.
abyāpādapariyogāhaṇaṁ → abyāpadapariyogāhanaṁ (bj); abyāpādapariyogāhanaṁ (sya-all, pts)
Ālokasaññāpariyogāhaṇaṁ thinamiddhena suññaṁ.
ālokasaññāpariyogāhaṇaṁ → ālokasaññāpariyogāhanaṁ (bj) | ālokasaññāpariyogāhaṇaṁ thinamiddhena → ālokasaññāpariyogāhanaṁ thīnamiddhena (sya-all, pts)
Avikkhepapariyogāhaṇaṁ uddhaccena suññaṁ.
avikkhepapariyogāhaṇaṁ → avikkhepapariyogāhanaṁ (bj, sya-all, pts)
Dhammavavatthānapariyogāhaṇaṁ vicikicchāya suññaṁ.
dhammavavatthānapariyogāhaṇaṁ → dhammavavatthānapariyogāhanaṁ (bj, sya-all, pts) | suññaṁ ñāṇapariyogāhaṇaṁ → suññāṁ ñāṇapariyogāhanaṁ (bj)
Ñāṇapariyogāhaṇaṁ avijjāya suññaṁ.
ñāṇapariyogāhaṇaṁ → ñāṇapariyogāhanaṁ (sya-all, pts)
Pāmojjapariyogāhaṇaṁ aratiyā suññaṁ.
pāmojjapariyogāhaṇaṁ → pāmojjapariyogāhanaṁ (bj, pts); pāmujjapariyogāhanaṁ (sya-all)
Paṭhamajjhānapariyogāhaṇaṁ nīvaraṇehi suññaṁ …pe…
paṭhamajjhānapariyogāhaṇaṁ → paṭhamajjhānapariyogāhanaṁ (bj, sya-all, pts)
arahattamaggapariyogāhaṇaṁ sabbakilesehi suññaṁ.
arahattamaggapariyogāhaṇaṁ → arahattamaggapariyogāhanaṁ (bj, sya-all, pts)
Idaṁ pariyogāhaṇasuññaṁ.
pariyogāhaṇasuññaṁ → pariyogāhanasuññaṁ (bj, sya-all)

Katamaṁ sampajānassa pavattapariyādānaṁ sabbasuññatānaṁ paramatthasuññaṁ?
paramatthasuññaṁ idha → paramaṭṭhasuññaṁ (sya-all) | paramatthasuññaṁ → paramaṭṭhasuññaṁ (pts)
Idha sampajāno nekkhammena kāmacchandassa pavattaṁ pariyādiyati, abyāpādena byāpādassa pavattaṁ pariyādiyati, ālokasaññāya thinamiddhassa pavattaṁ pariyādiyati, avikkhepena uddhaccassa pavattaṁ pariyādiyati, dhammavavatthānena vicikicchāya pavattaṁ pariyādiyati, ñāṇena avijjāya pavattaṁ pariyādiyati, pāmojjena aratiyā pavattaṁ pariyādiyati, paṭhamena jhānena nīvaraṇānaṁ pavattaṁ pariyādiyati …pe…
thinamiddhassa → thīnamiddhassa (sya-all, pts) | pāmojjena → pāmujjena (sya-all) | paṭhamena jhānena → paṭhamajjhānena (sya-all, pts) | Idha → Idaṁ, S. S2.; K. omits. (pts note)
arahattamaggena sabbakilesānaṁ pavattaṁ pariyādiyati. Atha vā pana sampajānassa anupādisesāya nibbānadhātuyā parinibbāyantassa idaṁ ceva cakkhupavattaṁ pariyādiyati, aññañca cakkhupavattaṁ na uppajjati.
eva → idaṁ c'etaṁ, M.; idaṁ te ca, S.; idaṁ te va, S2. (pts note)
Idañceva sotapavattaṁ …pe… ghānapavattaṁ …
ghānapavattaṁ → jhānapavattaṁ (pts)
jivhāpavattaṁ … kāyapavattaṁ … manopavattaṁ pariyādiyati, aññañca manopavattaṁ na uppajjati. Idaṁ sampajānassa pavattapariyādānaṁ sabbasuññatānaṁ paramatthasuññanti.
paramatthasuññanti → paramaṭṭhasuññanti (sya-all, pts)

Suññakathā niṭṭhitā.

Yuganaddhavaggo dutiyo.

Tassuddānaṁ
tassuddānaṁ yuganaddhā → tassudānaṁ yuganaddho (bj) | tassuddānaṁ → tassa vaggassa uddānaṁ bhavati (sya-all)

Yuganaddhā saccabojjhaṅgā, mettā virāgapañcamā;
Yuganandhā → yuganandhasacca-, M. (pts note) | saccabojjhaṅgā → satta bojjhaṅgā, S. S2. (pts note) virāgapañcamā → virāgapañcamaṁ (sya-all, pts) | virāgapañcamaṁ → -pañcamā, M. (pts note)
Paṭisambhidā dhammacakkaṁ, lokuttarabalasuññāti.
lokuttarabalasuññāti → lokuttarabalā suññā te dasāti (sya-all, pts) | dasāti → lokuttarabalasuññatā ti, M.; suññatena dasāti, S. S2. (pts note)

Esa nikāyadharehi ṭhapito, asamo dutiyo pavaro varavaggoti.
nikāyadharehi → nikāyavaro (sya-all, pts) | varavaggoti → varamaggoti (sya-all) | nikāyavaro → nikāyadharehi, M.; nikāyavare, S. S2. (pts note) | pavaro → pavare, M.; pajare, S.; pare, S2. (pts note) | pavaravaggo → pavaggo ti, S. S2.; varamaggo ti, K. (pts note)

Principles · Rationale · Glossary · 6 Pali editions