2.6. Paṭisambhidākathā
2.6.1. Dhammacakkapavattanavāra
Evaṁ me sutaṁ—
ekaṁ samayaṁ bhagavā bārāṇasiyaṁ viharati isipatane migadāye.
Isipatane → S. omits. (pts note)
Tatra kho bhagavā pañcavaggiye bhikkhū āmantesi—
kho → ete te (bj, sya-all, pts-vp-pli1) | bhikkhū → bhikkhu (bj)
“Dveme, bhikkhave, antā pabbajitena na sevitabbā.
Katame dve?
Yo cāyaṁ kāmesu kāmasukhallikānuyogo hīno gammo pothujjaniko anariyo anatthasaṁhito;
yo cāyaṁ attakilamathānuyogo dukkho anariyo anatthasaṁhito.
cāyaṁ → vāyaṁ (bj)
Ete kho, bhikkhave, ubho ante anupagamma majjhimā paṭipadā tathāgatena abhisambuddhā cakkhukaraṇī ñāṇakaraṇī upasamāya abhiññāya sambodhāya nibbānāya saṁvattati.
kho → te (bj, sya-all, pts) | te → ete kho (bj: machasaṁ) | kho → ete te (syā. ka. sī. aṭṭha.) saṁ. ni. 5.1081; mahāva. 13 passitabbā (cck note)
Katamā ca sā, bhikkhave, majjhimā paṭipadā tathāgatena abhisambuddhā cakkhukaraṇī ñāṇakaraṇī upasamāya abhiññāya sambodhāya nibbānāya saṁvattati?
Ayameva ariyo aṭṭhaṅgiko maggo, seyyathidaṁ—
aṭṭhaṅgiko → atthaṅgiko (pts)
sammādiṭṭhi …pe… sammāsamādhi.
Ayaṁ kho sā, bhikkhave, majjhimā paṭipadā tathāgatena abhisambuddhā cakkhukaraṇī ñāṇakaraṇī upasamāya abhiññāya sambodhāya nibbānāya saṁvattati.
Idaṁ kho pana, bhikkhave, dukkhaṁ ariyasaccaṁ.
Jātipi dukkhā, jarāpi dukkhā, byādhipi dukkho, maraṇampi dukkhaṁ, appiyehi sampayogo dukkho, piyehi vippayogo dukkho, yampicchaṁ na labhati tampi dukkhaṁ;
saṅkhittena pañcupādānakkhandhā dukkhā.
pañcupādānakkhandhā → pañc upādānakkhandhā pi (pts)
Idaṁ kho pana, bhikkhave, dukkhasamudayaṁ ariyasaccaṁ—
dukkhasamudayaṁ → dukkhasamudayo (bj, sya-all) | dukkhasamudayo → dukkhasamudayaṁ (bj: sī, machasaṁ, PTS, a.paṭi) | dukkhasamudayo → idha ceva upari ca dukkhasamudayanti porāṇapāṭho (sya-all note)
yāyaṁ taṇhā ponobhavikā nandirāgasahagatā tatratatrābhinandinī, seyyathidaṁ—
kāmataṇhā, bhavataṇhā, vibhavataṇhā.
Idaṁ kho pana, bhikkhave, dukkhanirodhaṁ ariyasaccaṁ—
dukkhanirodhaṁ → dukkhanirodho (bj, sya-all) | dukkhanirodho → dukkhanirodhaṁ (bj: sī, machasaṁ, PTS, a.paṭi) | dukkhanirodho → idha ceva upari ca dukkhanirodhanti porāṇapāṭho (sya-all note)
yo tassāyeva taṇhāya asesavirāganirodho cāgo paṭinissaggo mutti anālayo.
paṭinissaggo → paṭinissaggā (bj)
Idaṁ kho pana, bhikkhave, dukkhanirodhagāminī paṭipadā ariyasaccaṁ—
ayameva ariyo aṭṭhaṅgiko maggo, seyyathidaṁ—
aṭṭhaṅgiko → atthaṅgiko (pts)
sammādiṭṭhi …pe… sammāsamādhi.
‘Idaṁ dukkhaṁ ariyasaccan’ti me, bhikkhave, pubbe ananussutesu dhammesu cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi.
udapādi → udapādī (bj)
‘Taṁ kho panidaṁ dukkhaṁ ariyasaccaṁ pariññeyyan’ti me, bhikkhave …pe…
pariññātanti me, bhikkhave, pubbe ananussutesu dhammesu cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi.
udapādi → udapādī (bj)
‘Idaṁ dukkhasamudayaṁ ariyasaccan’ti me, bhikkhave, pubbe ananussutesu dhammesu cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi.
dukkhasamudayaṁ → dukkhasamudayo (bj, sya-all) | udapādi → udapādī (bj) | dukkhasamudayo → dukkhasamudayaṁ (bj: sī, machasaṁ, PTS, a.paṭi)
‘Taṁ kho panidaṁ dukkhasamudayaṁ ariyasaccaṁ pahātabban’ti me, bhikkhave …pe…
dukkhasamudayaṁ → dukkhasamudayo (bj, sya-all)
pahīnanti me, bhikkhave, pubbe ananussutesu dhammesu cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi.
udapādi → udapādī (bj)
‘Idaṁ dukkhanirodhaṁ ariyasaccan’ti me, bhikkhave, pubbe ananussutesu dhammesu cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi.
dukkhanirodhaṁ → dukkhanirodho (bj, sya-all) | udapādi → udapādī (bj) | dukkhanirodho → dukkhanirodhaṁ (bj: sī, machasaṁ, PTS, a.paṭi)
‘Taṁ kho panidaṁ dukkhanirodhaṁ ariyasaccaṁ sacchikātabban’ti me, bhikkhave …pe…
dukkhanirodhaṁ → dukkhanirodho (bj, sya-all)
sacchikatanti me, bhikkhave, pubbe ananussutesu dhammesu cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi.
udapādi → udapādī (bj)
‘Idaṁ dukkhanirodhagāminī paṭipadā ariyasaccan’ti me, bhikkhave, pubbe ananussutesu dhammesu cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi.
udapādi → udapādī (bj)
‘Taṁ kho panidaṁ dukkhanirodhagāminī paṭipadā ariyasaccaṁ bhāvetabban’ti me, bhikkhave …pe…
panidaṁ → panidaṁ dukkhaṁ (bj)
bhāvitanti me, bhikkhave, pubbe ananussutesu dhammesu cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi.
udapādi → udapādī (bj)
Yāvakīvañca me, bhikkhave, imesu catūsu ariyasaccesu evaṁ tiparivaṭṭaṁ dvādasākāraṁ yathābhūtaṁ ñāṇadassanaṁ na suvisuddhaṁ ahosi, neva tāvāhaṁ, bhikkhave, sadevake loke samārake sabrahmake sassamaṇabrāhmaṇiyā pajāya sadevamanussāya ‘anuttaraṁ sammāsambodhiṁ abhisambuddho’ti paccaññāsiṁ.
catūsu → catusu (bj) | na → naṁ (bj) | yāvakīvañca → yāvakiṁvañca (sya-all)
Yato ca kho me, bhikkhave, imesu catūsu ariyasaccesu evaṁ tiparivaṭṭaṁ dvādasākāraṁ yathābhūtaṁ ñāṇadassanaṁ suvisuddhaṁ ahosi, athāhaṁ, bhikkhave, sadevake loke samārake sabrahmake sassamaṇabrāhmaṇiyā pajāya sadevamanussāya ‘anuttaraṁ sammāsambodhiṁ abhisambuddho’ti paccaññāsiṁ.
Ñāṇañca pana me dassanaṁ udapādi—
udapādi → udapādī (bj)
‘akuppā me vimutti, ayamantimā jāti, natthi dāni punabbhavo’”ti.
vimutti → cetovimutti (sya-all) | vimutti ayamantimā → cetovimutti ayam antimā (pts) | vimutti → cetovimutti (bj: syā, PTS) | cetovimutti → katthaci potthake akuppā me vimuttīti likhitaṁ (sya-all note)
Idamavoca bhagavā.
Attamanā pañcavaggiyā bhikkhū bhagavato bhāsitaṁ abhinandunti.
bhikkhū → bhikkhu (bj)
Imasmiñca pana veyyākaraṇasmiṁ bhaññamāne āyasmato koṇḍaññassa virajaṁ vītamalaṁ dhammacakkhuṁ udapādi—
udapādi → udapādī (bj)
“yaṁ kiñci samudayadhammaṁ, sabbaṁ taṁ nirodhadhamman”ti.
Pavattite ca pana bhagavatā dhammacakke bhummā devā saddamanussāvesuṁ—
bhummā → bhūmā (mr) | pana → (sya-all) | bhummā → bhūmā (cck: ka.)
“etaṁ bhagavatā bārāṇasiyaṁ isipatane migadāye anuttaraṁ dhammacakkaṁ pavattitaṁ appaṭivattiyaṁ samaṇena vā brāhmaṇena vā devena vā mārena vā brahmunā vā kenaci vā lokasmin”ti.
appaṭivattiyaṁ → appativattiyaṁ (bj) | vā → va (bj) | appativattiyaṁ → appaṭivattiyaṁ (bj: machasaṁ, syā, PTS)
Bhummānaṁ devānaṁ saddaṁ sutvā cātumahārājikā devā saddamanussāvesuṁ …
cātumahārājikā → cātummahārājikā (sya-all) | cātumahārājikā devā → cātummahārājikā dvo (bj) | cātummahārājikā → cātumhārājikā (bj: machasaṁ) | cātumahārājikā → cātummahārājikā (cck: syā.)
cātumahārājikānaṁ devānaṁ saddaṁ sutvā tāvatiṁsā devā …pe…
yāmā devā …pe…
tusitā devā …pe…
nimmānaratī devā …pe…
paranimmitavasavattī devā …pe…
paranimmitavasavattī → paranimmitavasavatti (bj)
brahmakāyikā devā saddamanussāvesuṁ—
“etaṁ bhagavatā bārāṇasiyaṁ isipatane migadāye anuttaraṁ dhammacakkaṁ pavattitaṁ appaṭivattiyaṁ samaṇena vā brāhmaṇena vā devena vā mārena vā brahmunā vā kenaci vā lokasmin”ti.
appaṭivattiyaṁ → appativattiyaṁ (bj) | vā → va (bj)
Itiha tena khaṇena tena layena tena muhuttena yāva brahmalokā saddo abbhuggacchi.
layena tena → (bj) | abbhuggacchi → abbhuggañchi (bj) | muhuttena → mūhuttena (pts) | khaṇena → tena layenāti (bj: machasaṁ potthakaṁ adhikaṁ.) | abbhuggañchi → abbhuggacchi (bj: machasaṁ, syā, PTS)
Ayañca dasasahassī lokadhātu saṅkampi sampakampi sampavedhi, appamāṇo ca uḷāro obhāso loke pāturahosi atikkamma devānaṁ devānubhāvanti.
atikkamma → atikamma (bj); atikkammeva (sya-all, pts-vp-pli1, mr) | uḷāro → uḷāre (bj); oḷāro (sya-all) | pāturahosi atikkamma → pātur ahosi attikkamm eva (pts) | atikamma → atikkammeva (bj: syā, PTS) | atikkamma → atikkammeva (syā. ka.) saṁ. ni. 5.1081 passitabbā (cck note) | devānaṁ → katthaci atikkamma devānanti likhitaṁ (sya-all note)
Atha kho bhagavā imaṁ udānaṁ udānesi—
imaṁ → (sya-all, pts)
“aññāsi vata bho koṇḍañño;
aññāsi vata bho koṇḍañño”ti.
koṇḍaññoti iti hidaṁ → koṇḍaññāti itihidaṁ (bj)
Iti hidaṁ āyasmato koṇḍaññassa “aññāsikoṇḍañño”tveva nāmaṁ ahosi.
aññāsikoṇḍañño”tveva → aññākoṇḍaññotveva (bj, sya-all); aññāta-koṇḍañño\tveva | aññāsikoṇḍaññotveva → aññākoṇḍañño tveva (bj, sya-all); aññātakoṇḍañño tveva (pts) | tveva → aññāsikoṇḍañño (bj: machasaṁ); aññātakoṇḍañño (bj: PTS) | ahosi → saccasaṁyutta > dhammacakkapavattanavagga (bj note) | tveva → aññākoṇḍaññotveva (cck: syā.)
“‘Idaṁ dukkhaṁ ariyasaccan’ti pubbe ananussutesu dhammesu cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi”.
Cakkhuṁ udapādīti—
kenaṭṭhena?
kenaṭṭhena → kenatthena (sya-all)
Ñāṇaṁ udapādīti—
kenaṭṭhena?
kenaṭṭhena → kenatthena (sya-all)
Paññā udapādīti—
paññā → paññāya (bj)
kenaṭṭhena?
kenaṭṭhena → kenatthena (sya-all)
Vijjā udapādīti—
kenaṭṭhena?
kenaṭṭhena → kenatthena (sya-all)
Āloko udapādīti—
kenaṭṭhena?
kenaṭṭhena → kenatthena (sya-all)
Cakkhuṁ udapādīti—
dassanaṭṭhena.
Ñāṇaṁ udapādīti—
ñātaṭṭhena.
Paññā udapādīti—
pajānanaṭṭhena.
Vijjā udapādīti—
paṭivedhaṭṭhena.
Āloko udapādīti—
obhāsaṭṭhena.
Cakkhuṁ dhammo, ñāṇaṁ dhammo, paññā dhammo, vijjā dhammo, āloko dhammo. Ime pañca dhammā dhammapaṭisambhidāya ārammaṇā ceva honti gocarā ca. Ye tassā ārammaṇā te tassā gocarā. Ye tassā gocarā te tassā ārammaṇā. Tena vuccati— “dhammesu ñāṇaṁ dhammapaṭisambhidā”.
Dassanaṭṭho attho, ñātaṭṭho attho, pajānanaṭṭho attho, paṭivedhaṭṭho attho, obhāsaṭṭho attho. Ime pañca atthā atthapaṭisambhidāya ārammaṇā ceva honti gocarā ca. Ye tassā ārammaṇā te tassā gocarā. Ye tassā gocarā te tassā ārammaṇā. Tena vuccati— “atthesu ñāṇaṁ atthapaṭisambhidā”.
Pañca dhamme sandassetuṁ byañjananiruttābhilāpā, pañca atthe sandassetuṁ byañjananiruttābhilāpā.
Imā dasa niruttiyo niruttipaṭisambhidāya ārammaṇā ceva honti gocarā ca.
niruttiyo → niruttiyā (cck)
Ye tassā ārammaṇā te tassā gocarā.
Ye tassā gocarā te tassā ārammaṇā.
Tena vuccati—
“niruttīsu ñāṇaṁ niruttipaṭisambhidā”.
Pañcasu dhammesu ñāṇāni, pañcasu atthesu ñāṇāni, dasasu niruttīsu ñāṇāni.
Imāni vīsati ñāṇāni paṭibhānapaṭisambhidāya ārammaṇā ceva honti gocarā ca.
paṭibhānapaṭisambhidāya → paṭibhāṇapaṭisambhidāya (sya-all)
Ye tassā ārammaṇā te tassā gocarā.
Ye tassā gocarā te tassā ārammaṇā.
Tena vuccati—
“paṭibhānesu ñāṇaṁ paṭibhānapaṭisambhidā”.
paṭibhānesu → paṭibhāṇesu (sya-all) | paṭibhānapaṭisambhidā → paṭibhāṇapaṭisambhidā (sya-all)
“‘Taṁ kho panidaṁ dukkhaṁ ariyasaccaṁ pariññeyyan’ti …pe… pariññātanti pubbe ananussutesu dhammesu cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi”.
Cakkhuṁ udapādīti—
kenaṭṭhena?
kenaṭṭhena → kenatthena (sya-all)
Ñāṇaṁ udapādīti—
kenaṭṭhena?
kenaṭṭhena → kenatthena (sya-all)
Paññā udapādīti—
kenaṭṭhena?
kenaṭṭhena → kenatthena (sya-all)
Vijjā udapādīti—
kenaṭṭhena?
kenaṭṭhena → kenatthena (sya-all)
Āloko udapādīti—
kenaṭṭhena?
kenaṭṭhena → kenatthena (sya-all)
Cakkhuṁ udapādīti—
dassanaṭṭhena.
Ñāṇaṁ udapādīti—
ñātaṭṭhena.
Paññā udapādīti—
pajānanaṭṭhena.
Vijjā udapādīti—
paṭivedhaṭṭhena.
Āloko udapādīti—
obhāsaṭṭhena.
Cakkhuṁ dhammo, ñāṇaṁ dhammo, paññā dhammo, vijjā dhammo, āloko dhammo.
Ime pañca dhammā dhammapaṭisambhidāya ārammaṇā ceva honti gocarā ca.
Ye tassā ārammaṇā te tassā gocarā.
ārammaṇā → ārammaṇa (pts)
Ye tassā gocarā te tassā ārammaṇā.
Tena vuccati—
“dhammesu ñāṇaṁ dhammapaṭisambhidā”.
Dassanaṭṭho attho, ñātaṭṭho attho, pajānanaṭṭho attho, paṭivedhaṭṭho attho, obhāsaṭṭho attho. Ime pañca atthā atthapaṭisambhidāya ārammaṇā ceva honti gocarā ca. Ye tassā ārammaṇā te tassā gocarā. Ye tassā gocarā te tassā ārammaṇā. Tena vuccati— “atthesu ñāṇaṁ atthapaṭisambhidā”.
Pañca dhamme sandassetuṁ byañjananiruttābhilāpā, pañca atthe sandassetuṁ byañjananiruttābhilāpā. Imā dasa niruttiyo niruttipaṭisambhidāya ārammaṇā ceva honti gocarā ca. Ye tassā ārammaṇā te tassā gocarā. Ye tassā gocarā te tassā ārammaṇā. Tena vuccati— “niruttīsu ñāṇaṁ niruttipaṭisambhidā”.
Pañcasu dhammesu ñāṇāni, pañcasu atthesu ñāṇāni, dasasu niruttīsu ñāṇāni.
Imāni vīsati ñāṇāni paṭibhānapaṭisambhidāya ārammaṇā ceva honti gocarā ca.
paṭibhānapaṭisambhidāya → paṭibhāṇapaṭisambhidāya (sya-all)
Ye tassā ārammaṇā te tassā gocarā.
Ye tassā gocarā te tassā ārammaṇā.
Tena vuccati—
“paṭibhānesu ñāṇaṁ paṭibhānapaṭisambhidā”.
paṭibhānesu → paṭibhāṇesu (sya-all) | paṭibhānapaṭisambhidā → paṭibhāṇapaṭisambhidā (sya-all)
Dukkhe ariyasacce pannarasa dhammā, pannarasa atthā, tiṁsa niruttiyo, saṭṭhi ñāṇāni.
pannarasa → paṇṇarasa (sya-all, pts) | saṭṭhi → saṭṭhī (sya-all) | paṇṇarasa → pannarasāti vā pāṭho (sya-all note)
“‘Idaṁ dukkhasamudayaṁ ariyasaccan’ti pubbe ananussutesu dhammesu cakkhuṁ udapādi …pe…
dukkhasamudayaṁ → dukkhasamudayo (sya-all)
āloko udapādi.
‘Taṁ kho panidaṁ dukkhasamudayaṁ ariyasaccaṁ pahātabban’ti …pe…
dukkhasamudayaṁ → dukkhasamudayo (sya-all)
pahīnanti pubbe ananussutesu dhammesu cakkhuṁ udapādi …pe…
āloko udapādi …pe… ”.
Dukkhasamudaye ariyasacce pannarasa dhammā, pannarasa atthā, tiṁsa niruttiyo, saṭṭhi ñāṇāni.
pannarasa → paṇṇarasa (sya-all, pts) | saṭṭhi → saṭṭhī (sya-all)
“‘Idaṁ dukkhanirodhaṁ ariyasaccan’ti pubbe ananussutesu dhammesu cakkhuṁ udapādi …pe…
dukkhanirodhaṁ → dukkhanirodho (sya-all)
āloko udapādi.
‘Taṁ kho panidaṁ dukkhanirodhaṁ ariyasaccaṁ sacchikātabban’ti …pe…
dukkhanirodhaṁ → dukkhanirodho (sya-all)
sacchikatanti pubbe ananussutesu dhammesu cakkhuṁ udapādi …pe…
āloko udapādi …pe… ”.
Dukkhanirodhe ariyasacce pannarasa dhammā, pannarasa atthā, tiṁsa niruttiyo, saṭṭhi ñāṇāni.
pannarasa → paṇṇarasa (sya-all, pts) | saṭṭhi → saṭṭhī (sya-all)
“‘Idaṁ dukkhanirodhagāminī paṭipadā ariyasaccan’ti pubbe ananussutesu dhammesu cakkhuṁ udapādi …pe…
āloko udapādi.
‘Taṁ kho panidaṁ dukkhanirodhagāminī paṭipadā ariyasaccaṁ bhāvetabban’ti …pe…
bhāvetabbanti → bhāvitabban ti (pts)
bhāvitanti pubbe ananussutesu dhammesu cakkhuṁ udapādi …pe…
āloko udapādi …pe… ”.
Dukkhanirodhagāminiyā paṭipadāya ariyasacce pannarasa dhammā, pannarasa atthā, tiṁsa niruttiyo, saṭṭhi ñāṇāni.
pannarasa → paṇṇarasa (sya-all, pts) | saṭṭhi → saṭṭhī (sya-all)
Catūsu ariyasaccesu saṭṭhi dhammā, saṭṭhi atthā, vīsatisataniruttiyo, cattālīsañca dve ca ñāṇasatāni.
saṭṭhi → saṭṭhī (sya-all) | vīsatisataniruttiyo cattālīsañca → vīsasatā niruttiyo cattārīsañca (sya-all) | ca → (sya-all) | vīsaṁsataṁ → vīsatisata (bj: machasaṁ); vīsasatā (bj: syā, PTS) | cattārīsañca → cattālīsañca (bj: machasaṁ) | vīsasatā → vīsatisatā, M. (pts note)
2.6.2. Satipaṭṭhānavāra
“‘Ayaṁ kāye kāyānupassanā’ti me, bhikkhave, pubbe ananussutesu dhammesu cakkhuṁ udapādi …pe… āloko udapādi. Sā kho panāyaṁ kāye kāyānupassanā bhāvetabbāti me, bhikkhave …pe… bhāvitāti me, bhikkhave, pubbe ananussutesu dhammesu cakkhuṁ udapādi …pe… āloko udapādi”.
“Ayaṁ vedanāsu …pe…
ayaṁ citte …pe…
ayaṁ dhammesu dhammānupassanāti me, bhikkhave, pubbe ananussutesu dhammesu cakkhuṁ udapādi …pe…
dhammānupassanāti me bhikkhave → dhammānupassanā ti (pts)
āloko udapādi.
Sā kho panāyaṁ dhammesu dhammānupassanā bhāvetabbāti …pe…
bhāvetabbāti → bhāvetabbāti me bhikkhave (sya-all, pts) | dhammesu → kāye (pts)
bhāvitāti me, bhikkhave, pubbe ananussutesu dhammesu cakkhuṁ udapādi …pe…
āloko udapādi”.
udapādi → satipaṭṭhāna saṁyutta > ananussutavaggā (bj note)
“‘Ayaṁ kāye kāyānupassanā’ti pubbe ananussutesu dhammesu cakkhuṁ udapādi …pe… āloko udapādi …pe… sā kho panāyaṁ kāye kāyānupassanā bhāvetabbāti …pe… bhāvitāti pubbe ananussutesu dhammesu cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi”.
Cakkhuṁ udapādīti—
kenaṭṭhena?
kenaṭṭhena → kenatthena (sya-all)
Ñāṇaṁ udapādīti—
kenaṭṭhena?
kenaṭṭhena → kenatthena (sya-all)
Paññā udapādīti—
udapādīti kenaṭṭhena → upādīti kenatthena (sya-all)
kenaṭṭhena?
Vijjā udapādīti—
kenaṭṭhena?
kenaṭṭhena → kenatthena (sya-all)
Āloko udapādīti—
kenaṭṭhena?
kenaṭṭhena → kenatthena (sya-all)
Cakkhuṁ udapādīti—
dassanaṭṭhena.
Ñāṇaṁ udapādīti—
ñātaṭṭhena.
Paññā udapādīti—
pajānanaṭṭhena.
Vijjā udapādīti—
paṭivedhaṭṭhena.
Āloko udapādīti—
obhāsaṭṭhena.
Cakkhuṁ dhammo, ñāṇaṁ dhammo, paññā dhammo, vijjā dhammo, āloko dhammo. Ime pañca dhammā dhammapaṭisambhidāya ārammaṇā ceva honti gocarā ca. Ye tassā ārammaṇā te tassā gocarā. Ye tassā gocarā te tassā ārammaṇā. Tena vuccati— “dhammesu ñāṇaṁ dhammapaṭisambhidā”.
Dassanaṭṭho attho, ñātaṭṭho attho, pajānanaṭṭho attho, paṭivedhaṭṭho attho, obhāsaṭṭho attho. Ime pañca atthā atthapaṭisambhidāya ārammaṇā ceva honti gocarā ca. Ye tassā ārammaṇā te tassā gocarā. Ye tassā gocarā te tassā ārammaṇā. Tena vuccati— “atthesu ñāṇaṁ atthapaṭisambhidā”.
Pañca dhamme sandassetuṁ byañjananiruttābhilāpā, pañca atthe sandassetuṁ byañjananiruttābhilāpā. Imā dasa niruttiyo niruttipaṭisambhidāya ārammaṇā ceva honti gocarā ca. Ye tassā ārammaṇā te tassā gocarā. Ye tassā gocarā te tassā ārammaṇā. Tena vuccati— “niruttīsu ñāṇaṁ niruttipaṭisambhidā”.
Pañcasu dhammesu ñāṇāni, pañcasu atthesu ñāṇāni, dasasu niruttīsu ñāṇāni.
Imāni vīsati ñāṇāni paṭibhānapaṭisambhidāya ārammaṇā ceva honti gocarā ca.
paṭibhānapaṭisambhidāya → paṭibhāṇapaṭisambhidāya (sya-all)
Ye tassā ārammaṇā te tassā gocarā.
Ye tassā gocarā te tassā ārammaṇā.
Tena vuccati—
“paṭibhānesu ñāṇaṁ paṭibhānapaṭisambhidā”.
paṭibhānesu → paṭibhāṇesu (sya-all) | paṭibhānapaṭisambhidā → paṭibhāṇapaṭisambhidā (sya-all)
Kāye kāyānupassanāsatipaṭṭhāne pannarasa dhammā, pannarasa atthā, tiṁsa niruttiyo, saṭṭhi ñāṇāni.
ñāṇāni → ñāṇāni khagha (cck) | pannarasa → paṇṇarasa (sya-all, pts) | saṭṭhi → saṭṭhī (sya-all)
“Ayaṁ vedanāsu …pe… ayaṁ citte …pe… ayaṁ dhammesu dhammānupassanāti pubbe ananussutesu dhammesu cakkhuṁ udapādi …pe… āloko udapādi …pe… sā kho panāyaṁ dhammesu dhammānupassanā bhāvetabbāti …pe… bhāvitāti pubbe ananussutesu dhammesu cakkhuṁ udapādi …pe… āloko udapādi …pe… ”.
Dhammesu dhammānupassanā satipaṭṭhāne pannarasa dhammā, pannarasa atthā, tiṁsa niruttiyo, saṭṭhi ñāṇāni.
dhammānupassanā satipaṭṭhāne pannarasa → dhammānupassanāsatipaṭṭhāne paṇṇarasa (sya-all) | pannarasa → paṇṇarasa (sya-all, pts) | saṭṭhi → saṭṭhī (sya-all)
Catūsu satipaṭṭhānesu saṭṭhi dhammā, saṭṭhi atthā, vīsatisataniruttiyo, cattālīsañca dve ca ñāṇasatāni.
saṭṭhi → saṭṭhī (sya-all) | vīsatisataniruttiyo cattālīsañca → vīsasatā niruttiyo cattārīsañca (sya-all) | vīsaṁsataṁ → vīsatisata (bj: machasaṁ); vīsasatā (bj: syā, PTS) | cattārīsañca → cattālīsañca (bj: machasaṁ)
2.6.3. Iddhipādavāra
“Ayaṁ chandasamādhipadhānasaṅkhārasamannāgato iddhipādoti me, bhikkhave, pubbe ananussutesu dhammesu cakkhuṁ udapādi …pe… āloko udapādi. So kho panāyaṁ chandasamādhipadhānasaṅkhārasamannāgato iddhipādo bhāvetabboti me, bhikkhave …pe… bhāvitoti me, bhikkhave, pubbe ananussutesu dhammesu cakkhuṁ udapādi …pe… āloko udapādi.
Ayaṁ vīriyasamādhi …pe… ayaṁ cittasamādhi …pe… ayaṁ vīmaṁsāsamādhipadhānasaṅkhārasamannāgato iddhipādoti me, bhikkhave, pubbe ananussutesu dhammesu cakkhuṁ udapādi …pe… āloko udapādi. So kho panāyaṁ vīmaṁsāsamādhipadhānasaṅkhārasamannāgato iddhipādo bhāvetabboti me, bhikkhave, pubbe ananussutesu dhammesu cakkhuṁ udapādi …pe… āloko udapādi”.
“‘Ayaṁ chandasamādhipadhānasaṅkhārasamannāgato iddhipādo’ti pubbe ananussutesu dhammesu cakkhuṁ udapādi …pe…
āloko udapādi …pe…
so kho panāyaṁ chandasamādhipadhānasaṅkhārasamannāgato iddhipādo bhāvetabboti …pe…
bhāvetabboti → bhāvetabbo ti me bhikkhave (pts)
bhāvitoti pubbe ananussutesu dhammesu cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi”.
bhāvitoti → bhāvito ti me bhikkhave (pts)
Cakkhuṁ udapādīti—
kenaṭṭhena?
kenaṭṭhena → kenatthena (sya-all)
Ñāṇaṁ udapādīti—
kenaṭṭhena?
kenaṭṭhena → kenatthena (sya-all)
Paññā udapādīti—
kenaṭṭhena?
kenaṭṭhena → kenatthena (sya-all)
Vijjā udapādīti—
kenaṭṭhena?
kenaṭṭhena → kenatthena (sya-all)
Āloko udapādīti—
kenaṭṭhena?
kenaṭṭhena → kenatthena (sya-all)
Cakkhuṁ udapādīti—
dassanaṭṭhena.
Ñāṇaṁ udapādīti—
ñātaṭṭhena.
Paññā udapādīti—
pajānanaṭṭhena.
Vijjā udapādīti—
paṭivedhaṭṭhena.
Āloko udapādīti—
obhāsaṭṭhena.
Cakkhuṁ dhammo, ñāṇaṁ dhammo, paññā dhammo, vijjā dhammo, āloko dhammo. Ime pañca dhammā dhammapaṭisambhidāya ārammaṇā ceva honti gocarā ca. Ye tassā ārammaṇā te tassā gocarā. Ye tassā gocarā te tassā ārammaṇā. Tena vuccati— “dhammesu ñāṇaṁ dhammapaṭisambhidā”.
Dassanaṭṭho attho, ñātaṭṭho attho, pajānanaṭṭho attho, paṭivedhaṭṭho attho, obhāsaṭṭho attho.
Ime pañca atthā atthapaṭisambhidāya ārammaṇā ceva honti gocarā ca.
honti → honati (sya-all)
Ye tassā ārammaṇā te tassā gocarā.
Ye tassā gocarā te tassā ārammaṇā.
Tena vuccati—
“atthesu ñāṇaṁ atthapaṭisambhidā”.
Pañca dhamme sandassetuṁ byañjananiruttābhilāpā, pañca atthe sandassetuṁ byañjananiruttābhilāpā. Imā dasa niruttiyo niruttipaṭisambhidāya ārammaṇā ceva honti gocarā ca. Ye tassā ārammaṇā te tassā gocarā. Ye tassā gocarā te tassā ārammaṇā. Tena vuccati— “niruttīsu ñāṇaṁ niruttipaṭisambhidā”.
Pañcasu dhammesu ñāṇāni, pañcasu atthesu ñāṇāni, dasasu niruttīsu ñāṇāni.
Imāni vīsati ñāṇāni paṭibhānapaṭisambhidāya ārammaṇā ceva honti gocarā ca.
paṭibhānapaṭisambhidāya → paṭibhāṇapaṭisambhidāya (sya-all)
Ye tassā ārammaṇā te tassā gocarā.
Ye tassā gocarā te tassā ārammaṇā.
Tena vuccati—
“paṭibhānesu ñāṇaṁ paṭibhānapaṭisambhidā”.
paṭibhānesu → paṭibhāṇesu (sya-all) | paṭibhānapaṭisambhidā → paṭibhāṇapaṭisambhidā (sya-all)
Chandasamādhipadhānasaṅkhārasamannāgate iddhipāde pannarasa dhammā, pannarasa atthā, tiṁsa niruttiyo, saṭṭhi ñāṇāni.
niruttiyo → nirupattiyo (bj) | ñāṇāni → ñāṇāni khagha (cck) | pannarasa → paṇṇarasa (sya-all, pts)
“Ayaṁ vīriyasamādhi …pe…
ayaṁ cittasamādhi …pe…
ayaṁ vīmaṁsāsamādhipadhānasaṅkhārasamannāgato iddhipādoti pubbe ananussutesu dhammesu cakkhuṁ udapādi …pe…
āloko udapādi …pe…
so kho panāyaṁ vīmaṁsāsamādhipadhānasaṅkhārasamannāgato iddhipādo bhāvetabboti …pe…
bhāvetabboti → bhāvetabbāti (bj) | panāyaṁ → payāyaṁ (sya-all)
bhāvitoti pubbe ananussutesu dhammesu cakkhuṁ udapādi …pe…
āloko udapādi …pe… ”.
Vīmaṁsāsamādhipadhānasaṅkhārasamannāgate iddhipāde pannarasa dhammā, pannarasa atthā, tiṁsa niruttiyo, saṭṭhi ñāṇāni.
vīmaṁsāsamādhipadhānasaṅkhārasamannāgate → vīmaṁsāsamādhipadhānasaṅkhārasamannāgato (bj) | pannarasa → paṇṇarasa (sya-all, pts) | saṭṭhi → saṭṭhī (sya-all)
Catūsu iddhipādesu saṭṭhi dhammā, saṭṭhi atthā, vīsatisataniruttiyo, cattālīsañca dve ca ñāṇasatāni.
vīsatisataniruttiyo cattālīsañca → vīsaṁsataṁ niruttiyo cattārīsañca (bj); vīsasatā niruttiyo cattārīsañca (sya-all) | iddhipādesu saṭṭhi → idadhipādesu saṭṭhī (sya-all) | saṭṭhi → saṭṭhī (sya-all)
2.6.4. Sattabodhisattavāra
“‘Samudayo samudayo’ti kho, bhikkhave, vipassissa bodhisattassa pubbe ananussutesu dhammesu cakkhuṁ udapādi …pe…
āloko udapādi.
‘Nirodho nirodho’ti kho, bhikkhave, vipassissa bodhisattassa pubbe ananussutesu dhammesu cakkhuṁ udapādi …pe…
āloko udapādi”.
Vipassissa bodhisattassa veyyākaraṇe dasa dhammā, dasa atthā, vīsati niruttiyo, cattālīsaṁ ñāṇāni.
cattālīsaṁ → cattārīsaṁ (pts-vp-pli1); cattālīsa (csp1ed) | cattālīsaṁ → cattārīsaṁ (bj, sya-all) | cattālīsaṁ → cattālīsa (cck: ka.)
“‘Samudayo samudayo’ti kho, bhikkhave, sikhissa bodhisattassa …pe…
vessabhussa bodhisattassa …pe…
kakusandhassa bodhisattassa …pe…
Kakusandhassa → Kakkusandhassa, M. (pts note)
koṇāgamanassa bodhisattassa …pe…
koṇāgamanassa → konāgamanassa (sya-all, pts)
kassapassa bodhisattassa pubbe ananussutesu dhammesu cakkhuṁ udapādi …pe…
āloko udapādi.
‘Nirodho nirodho’ti kho, bhikkhave, kassapassa bodhisattassa pubbe ananussutesu dhammesu cakkhuṁ udapādi …pe…
āloko udapādi”.
Kassapassa bodhisattassa veyyākaraṇe dasa dhammā, dasa atthā, vīsati niruttiyo, cattālīsaṁ ñāṇāni.
cattālīsaṁ → cattārīsaṁ (bj, sya-all); cattārisaṁ (pts)
“‘Samudayo samudayo’ti kho, bhikkhave, gotamassa bodhisattassa pubbe ananussutesu dhammesu cakkhuṁ udapādi …pe…
āloko udapādi.
‘Nirodho nirodho’ti kho, bhikkhave, gotamassa bodhisattassa pubbe ananussutesu dhammesu cakkhuṁ udapādi …pe…
gotamassa bodhisattassa → (sya-all, pts)
āloko udapādi”.
Gotamassa bodhisattassa veyyākaraṇe dasa dhammā, dasa atthā, vīsati niruttiyo, cattālīsaṁ ñāṇāni.
cattālīsaṁ → cattārīsaṁ (bj, sya-all); cattārisaṁ (pts) | cattārīsaṁ → cattālīsa (bj: machasaṁ)
Sattannaṁ bodhisattānaṁ sattasu veyyākaraṇesu sattati dhammā, sattati atthā, cattālīsasataṁ niruttiyo, asīti ca dve ca ñāṇasatāni.
cattālīsasataṁ → cattarīsaṁsataṁ (bj); cattārīsasatā (sya-all, pts-vp-pli1) | sattannaṁ → sattānaṁ (bj) | cattālīsasataṁ → cattārīsaṁsataṁ (bj) | cattārīsaṁsataṁ → cattālīsasataṁ (bj: machasaṁ); cattārīsasatā (bj: syā, PTS) | cattālīsasataṁ → cattārīsasatā (cck: syā.)
2.6.5. Abhiññādivāra
“‘Yāvatā abhiññāya abhiññaṭṭho ñāto diṭṭho vidito sacchikato phassito paññāya.
abhiññaṭṭho → abhiññāṭṭho (bj)
Aphassito paññāya abhiññaṭṭho natthī’ti—
cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi”.
Abhiññāya abhiññaṭṭhe pañcavīsati dhammā, pañcavīsati atthā, paññāsaṁ niruttiyo, sataṁ ñāṇāni.
paññāsaṁ → paññāsa (pts-vp-pli1, csp1ed) | paññāsaṁ → paññāya (bj: machasaṁ, syā, PTS)
“‘Yāvatā pariññāya pariññaṭṭho …pe… yāvatā pahānassa pahānaṭṭho …pe… yāvatā bhāvanāya bhāvanaṭṭho …pe… yāvatā sacchikiriyāya sacchikiriyaṭṭho ñāto diṭṭho vidito sacchikato phassito paññāya. Aphassito paññāya sacchikiriyaṭṭho natthī’ti— cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi”. Sacchikiriyāya sacchikiriyaṭṭhe pañcavīsati dhammā, pañcavīsati atthā, paññāsaṁ niruttiyo, sataṁ ñāṇāni.
Abhiññāya abhiññaṭṭhe, pariññāya pariññaṭṭhe, pahānāya pahānaṭṭhe, bhāvanāya bhāvanaṭṭhe, sacchikiriyāya sacchikiriyaṭṭhe pañcavīsasataṁ dhammā, pañcavīsasataṁ atthā, aḍḍhateyyāni niruttisatāni, pañca ñāṇasatāni.
abhiññaṭṭhe → abhiññāṭṭhe (bj) | pañcavīsasataṁ → pañcavīsaṁsataṁ (bj) | aḍḍhateyyāni niruttisatāni → aḍḍhateyyaniruttisatāni (sya-all, pts)
2.6.6. Khandhādivāra
“‘Yāvatā khandhānaṁ khandhaṭṭho, ñāto diṭṭho vidito sacchikato phassito paññāya.
Aphassito paññāya khandhaṭṭho natthī’ti—
cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi”.
Khandhānaṁ khandhaṭṭhe pañcavīsati dhammā, pañcavīsati atthā, paññāsaṁ niruttiyo, sataṁ ñāṇāni.
paññāsaṁ → paññāsa (bj: machasaṁ)
“‘Yāvatā dhātūnaṁ dhātuṭṭho …pe…
dhātuṭṭho → dhātaṭṭho (sya-all)
yāvatā āyatanānaṁ āyatanaṭṭho …pe…
yāvatā saṅkhatānaṁ saṅkhataṭṭho …pe…
yāvatā asaṅkhatassa asaṅkhataṭṭho ñāto diṭṭho vidito sacchikato phassito paññāya.
Aphassito paññāya asaṅkhataṭṭho natthī’ti—
cakkhuṁ udapādi …pe…
āloko udapādi”.
Asaṅkhatassa asaṅkhataṭṭhe pañcavīsati dhammā, pañcavīsati atthā, paññāsaṁ niruttiyo, sataṁ ñāṇāni.
paññāsaṁ → paññāsa (bj: machasaṁ)
Khandhānaṁ khandhaṭṭhe, dhātūnaṁ dhātuṭṭhe, āyatanānaṁ āyatanaṭṭhe saṅkhatānaṁ saṅkhataṭṭhe, asaṅkhatassa asaṅkhataṭṭhe pañcavīsatisataṁ dhammā, pañcavīsatisataṁ atthā, aḍḍhateyyāni niruttisatāni, pañca ñāṇasatāni.
āyatanaṭṭhe → āyatanaṭṭho (bj) | pañcavīsatisataṁ → pañcavīsaṁsataṁ (bj); pañcavīsasataṁ (sya-all, pts) | dhātuṭṭhe → dhātaṭṭhe (sya-all) | aḍḍhateyyāni niruttisatāni → aḍḍhateyyaniruttisatāni (sya-all, pts) | pañcavīsaṁsataṁ → pañcavīsasataṁ (bj: machasaṁ, syā, PTS) | niruttisatāni → aḍḍhateyyaniruttisatāni (bj: syā, PTS)
2.6.7. Saccavāra
“‘Yāvatā dukkhassa dukkhaṭṭho, ñāto diṭṭho vidito sacchikato phassito paññāya.
sacchikato → sacchikate (bj)
Aphassito paññāya dukkhaṭṭho natthī’ti—
cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi”.
Dukkhassa dukkhaṭṭhe pañcavīsati dhammā, pañcavīsati atthā, paññāsaṁ niruttiyo, sataṁ ñāṇāni.
dukkhaṭṭhe → dukkhaṭṭho (pts)
“‘Yāvatā samudayassa samudayaṭṭho …pe…
yāvatā nirodhassa nirodhaṭṭho …pe…
yāvatā maggassa maggaṭṭho ñāto diṭṭho vidito sacchikato phassito paññāya.
Aphassito paññāya maggaṭṭho natthī’ti—
maggaṭṭho → dukkhaṭṭho (bj)
cakkhuṁ udapādi …pe…
āloko udapādi”.
Maggassa maggaṭṭhe pañcavīsati dhammā, pañcavīsati atthā, paññāsaṁ niruttiyo, sataṁ ñāṇāni.
Catūsu ariyasaccesu sataṁ dhammā, sataṁ atthā, dve niruttisatāni, cattāri ñāṇasatāni.
2.6.8. Paṭisambhidāvāra
“‘Yāvatā atthapaṭisambhidāya atthapaṭisambhidaṭṭho, ñāto diṭṭho vidito sacchikato phassito paññāya. Aphassito paññāya atthapaṭisambhidaṭṭho natthī’ti— cakkhuṁ udapādi …pe… āloko udapādi”. Atthapaṭisambhidāya atthapaṭisambhidaṭṭhe pañcavīsati dhammā, pañcavīsati atthā, paññāsaṁ niruttiyo, sataṁ ñāṇāni.
“‘Yāvatā dhammapaṭisambhidāya dhammapaṭisambhidaṭṭho …pe…
yāvatā niruttipaṭisambhidāya niruttipaṭisambhidaṭṭho …pe…
yāvatā paṭibhānapaṭisambhidāya paṭibhānapaṭisambhidaṭṭho, ñāto diṭṭho vidito sacchikato phassito paññāya.
paṭibhānapaṭisambhidāya paṭibhānapaṭisambhidaṭṭho → paṭibhāṇapaṭisambhidāya paṭibhāṇapaṭisambhidaṭṭho (sya-all)
Aphassito paññāya paṭibhānapaṭisambhidaṭṭho natthī’ti—
paṭibhānapaṭisambhidaṭṭho → paṭibhāṇapaṭisambhidaṭṭho (sya-all)
cakkhuṁ udapādi …pe…
āloko udapādi”.
udapādi → udapādi paṭibhānapaṭisambhidāya (pts)
Paṭibhānapaṭisambhidaṭṭhe pañcavīsati dhammā, pañcavīsati atthā, paññāsaṁ niruttiyo, sataṁ ñāṇāni.
paṭibhānapaṭisambhidaṭṭhe → paṭibhānapaṭisambhidaṭṭho (bj); paṭibhāṇapaṭisambhidāya paṭibhāṇapaṭisambhidaṭṭho (sya-all)
Catūsu paṭisambhidāsu sataṁ dhammā, sataṁ atthā, dve niruttisatāni, cattāri ñāṇasatāni.
catūsu → catusu (bj)
2.6.9. Chabuddhadhammavāra
“‘Yāvatā indriyaparopariyattañāṇaṁ, ñātaṁ diṭṭhaṁ viditaṁ sacchikataṁ phassitaṁ paññāya.
indriyaparopariyattañāṇaṁ → indriyaparopariyatte ñāṇaṁ (bj, sya-all, csp1ed) | diṭṭhaṁ → diṭṭhiṁ (bj) | indriyaparopariyattañāṇaṁ → indriyaparopariyatte ñāṇaṁ (cck, pts)
Aphassitaṁ paññāya indriyaparopariyattañāṇaṁ natthī’ti—
indriyaparopariyattañāṇaṁ → indriyaparopariyatte ñāṇaṁ (bj, cck)
cakkhuṁ udapādi …pe…
āloko udapādi”.
Indriyaparopariyattañāṇe pañcavīsati dhammā, pañcavīsati atthā, paññāsaṁ niruttiyo, sataṁ ñāṇāni.
indriyaparopariyattañāṇe → indriyaparopariyatte ñāṇe (bj, cck, pts)
“‘Yāvatā sattānaṁ āsayānusaye ñāṇaṁ …pe…
yāvatā yamakapāṭihīre ñāṇaṁ …pe…
yamakapāṭihīre → yamakapātihīre (pts)
yāvatā mahākaruṇāsamāpattiyā ñāṇaṁ …pe…
yāvatā sabbaññutaññāṇaṁ …pe…
sabbaññutaññāṇaṁ → sabbaññutañāṇaṁ (bj)
yāvatā anāvaraṇaṁ ñāṇaṁ, ñātaṁ diṭṭhaṁ viditaṁ sacchikataṁ phassitaṁ paññāya.
diṭṭhaṁ → diṭṭhiṁ (bj)
Aphassitaṁ paññāya anāvaraṇaṁ ñāṇaṁ natthī’ti—
anāvaraṇaṁ → indriyaparopariyatte (sya-all)
cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi”.
Anāvaraṇe ñāṇe pañcavīsati dhammā, pañcavīsati atthā, paññāsaṁ niruttiyo, sataṁ ñāṇāni.
Chasu buddhadhammesu diyaḍḍhasataṁ dhammā, diyaḍḍhasataṁ atthā, tīṇi niruttisatāni, cha ñāṇasatāni.
Paṭisambhidādhikaraṇe aḍḍhanavadhammasatāni, aḍḍhanavaatthasatāni, niruttisahassañca satta ca niruttisatāni, tīṇi ca ñāṇasahassāni, cattāri ca ñāṇasatānīti.
Paṭisambhidādhikaraṇe → paṭisambhidāpakaraṇe (sya-all) | aḍḍhanavadhammasatāni → aḍḍhanavamāni dhammasatāni (sya-all, pts-vp-pli1); aḍḍhanavamadhammasatāni (mr) | paṭisambhidādhikaraṇe → paṭisambhidāpakaraṇe (bj: syā) | aḍḍhanavadhammasatāni → aḍḍhanavamāni dhammasatāni (bj: syā, PTS) | Paṭisambhidādhikaraṇe → paṭisambhidāpakaraṇe (cck: syā.) | aḍḍhanavadhammasatāni → aḍḍhanavamāni dhammasatāni (cck: syā.); aḍḍhanavamadhammasatāni (cck: ka.) | Paṭisambhidādhikaraṇe → Paṭibhānapaṭisambhidādhikaraṇe, M.; patibhānapaṭisambhidākaraṇe, S. S2.; paṭisambhidāpakaraṇe, K. (pts note)