Find the Truth

In the Pāli Suttas and Vinaya

settings

{{table.suttaCol}} {{table.readCol}} {{table.titleCol}} {{table.wordsCol}} {{table.countCol}} {{table.mrCol}} {{table.linksCol}} {{table.typeCol}} {{table.quoteCol}}
{{table.wordCol}} {{table.textsCol}} {{table.matchesCol}} {{table.linksCol}}

{{results.variantsForLabel}}

Variants 1/2 columns Dictionary Multi-select Compass Help

Note:Translations, dictionaries and commentaries were not made by the Blessed One.Cross-check with Pali in 4 main nikayas.

  • Paṭisambhidāmagga
  • 2 Yuganaddhavagga

2.1. Yuganaddhakathā

Evaṁ me sutaṁ— ekaṁ samayaṁ āyasmā ānando kosambiyaṁ viharati ghositārāme.
ghositārāme → ghosītārāme (pts)
Tatra kho āyasmā ānando bhikkhū āmantesi—
bhikkhū → bhikkhu (bj)
“āvuso bhikkhavo”ti.
āvuso bhikkhavoti → āvusoti (sya-all) | bhikkhavoti āvusoti → bhikkhave ti āvuso ti (pts) | Bhikkhave → K. omits Bhikkhave. (pts note)
“Āvuso”ti kho te bhikkhū āyasmato ānandassa paccassosuṁ.
bhikkhū → bhikkhu (bj)
Āyasmā ānando etadavoca—

“Yo hi koci, āvuso, bhikkhu vā bhikkhunī vā mama santike arahattappattaṁ byākaroti, sabbaso catūhi maggehi etesaṁ vā aññatarena.
arahattappattaṁ → arahattapattaṁ (bj); arahattaṁ (sya-all); arahattapattiṁ (pts-vp-pli1 15A4.170/1) | sabbaso → sabbo so (bj) | arahattapattaṁ → arahattappattiṁ (bj: ani); arahattapattiṁ arahattaṁ (bj: syā); arahattapattaṁ attānaṁ (bj: a.pu) | so → sabbaso (bj: machasaṁ, syā, PTS) | arahattapattaṁ → arahattaṁ (syā.), arahattapattiṁ a. ni. 4.170 (cck note) | Arahattapattiṁ → arahattapattaṁ, S. M.; arahattapatthaṁ, S2.; arahattaṁ, K. (pts note)
Katamehi catūhi?

Idhāvuso, bhikkhu samathapubbaṅgamaṁ vipassanaṁ bhāveti. Tassa samathapubbaṅgamaṁ vipassanaṁ bhāvayato maggo sañjāyati.
samathapubbaṅgamaṁ vipassanaṁ → samathapubbaṅgaṁ vipassanā (bj)
So taṁ maggaṁ āsevati bhāveti bahulīkaroti.
bahulīkaroti → bahuliṁ karoti (mr) | bahulīkaroti → bahuliṁ karoti (ka.) a. ni. 4.170 passitabbā (cck note)
Tassa taṁ maggaṁ āsevato bhāvayato bahulīkaroto saññojanāni pahīyanti, anusayā byantīhonti.
saññojanāni → saññojanā (bj) | byantīhonti → byantihonti (pts) | saññojanā → saññojanāni (bj: machasaṁ, syā, PTS) | byantīhonti → vyanti honti (bj: ani)

Puna caparaṁ, āvuso, bhikkhu vipassanāpubbaṅgamaṁ samathaṁ bhāveti.
vipassanāpubbaṅgamaṁ → vipasnāpubbaṅgaṁ (bj)
Tassa vipassanāpubbaṅgamaṁ samathaṁ bhāvayato maggo sañjāyati. So taṁ maggaṁ āsevati bhāveti bahulīkaroti. Tassa taṁ maggaṁ āsevato bhāvayato bahulīkaroto saññojanāni pahīyanti, anusayā byantīhonti.
byantīhonti → byantihonti (pts) | saññojanā → saññojanāni (bj: machasaṁ, syā, PTS) | byantihonti → byantīhonti, M. K. (pts note)

Puna caparaṁ, āvuso, bhikkhu samathavipassanaṁ yuganaddhaṁ bhāveti.
yuganaddhaṁ → yuganandhaṁ (si, pts-vp-pli1) | samathavipassanaṁ → samathavippanaṁ (bj) | yuganaddhaṁ → yuganandhaṁ (bj: a.paṭi) | yuganaddhaṁ → yuganandhaṁ (cck: ka. sī. aṭṭha.) | yuganaddhaṁ → yuganandhaṁ (sya-all note) | yuganandhaṁ → yuganaddhaṁ, K., with yuganandhaṁ as vḷ. (pts note)
Tassa samathavipassanaṁ yuganaddhaṁ bhāvayato maggo sañjāyati.
yuganaddhaṁ → yuganandhaṁ (pts)
So taṁ maggaṁ āsevati bhāveti bahulīkaroti. Tassa taṁ maggaṁ āsevato bhāvayato bahulīkaroto saññojanāni pahīyanti, anusayā byantīhonti.
byantīhonti → byantihonti (pts)

Puna caparaṁ, āvuso, bhikkhuno dhammuddhaccaviggahitaṁ mānasaṁ hoti;
hoti → (bj) | dhammuddhaccaviggahitaṁ mānasaṁ hoti → dhammuddhaccāviggahitamānasaṁ (sya-all) | mānasaṁ → dhammuddhaccāviggahitamānasaṁ (bj: syā) | dhammuddhaccāviggahitamānasaṁ → dhammuddaccaṁ viggahitamānasaṁ (sya-all note) | mānasaṁ → dhammuddhaccāviggahitamānasaṁ, K.; -viggāhikamānasaṁ, S2.; -viggāhitamānasa, S. (pts note)
hoti so, āvuso, samayo yaṁ taṁ cittaṁ ajjhattameva santiṭṭhati sannisīdati ekodi hoti samādhiyati.
hoti so → so (bj, pts-vp-pli1, csp1ed) | ajjhattameva → ajjhattaññeva (si, sya-all, pts-vp-pli1, mr) | ajjhattameva → ajjhattaṁyeva (bj: ani); ajjhattaññeva (bj: syā, sī.mopa, sī.pævi, PTS) | ajjhattameva → ajjhattaññeva (cck: syā. ka.)
Tassa maggo sañjāyati. So taṁ maggaṁ āsevati bhāveti bahulīkaroti. Tassa taṁ maggaṁ āsevato bhāvayato bahulīkaroto saññojanāni pahīyanti, anusayā byantīhonti.
bahulīkaroto saññojanāni → pahulīkaroto saññojanā (bj) | byantīhonti → byantihonti (pts)

Yo hi koci, āvuso, bhikkhu vā bhikkhunī vā mama santike arahattappattaṁ byākaroti, sabbaso imehi catūhi maggehi, etesaṁ vā aññatarenā”ti.
sabbaso → sabbo so (bj) | arahattappattaṁ → arahattaṁ (sya-all); arahattapattiṁ (pts) | so → sabbaso (bj: machasaṁ, syā, PTS) | aññatarenāti → aṅguttaranikāya (4. 4. 2. 10) catukka > paṭipadāvagga (bj note) | Arahattapattiṁ → arahattaṁ, S. S2. (pts note)

2.1.1. Suttantaniddesa

Kathaṁ samathapubbaṅgamaṁ vipassanaṁ bhāveti? Nekkhammavasena cittassa ekaggatā avikkhepo samādhi. Tattha jāte dhamme aniccato anupassanaṭṭhena vipassanā, dukkhato anupassanaṭṭhena vipassanā, anattato anupassanaṭṭhena vipassanā. Iti paṭhamaṁ samatho, pacchā vipassanā. Tena vuccati— “samathapubbaṅgamaṁ vipassanaṁ bhāvetī”ti.
bhāvetīti → bhāveti (bj, sya-all) | bhāvetīti bhāvetīti → bhāveti bhavetīti (pts) | bhāveti → bhāvetīti (bj: machasaṁ)
Bhāvetīti catasso bhāvanā— tattha jātānaṁ dhammānaṁ anativattanaṭṭhena bhāvanā, indriyānaṁ ekarasaṭṭhena bhāvanā, tadupagavīriyavāhanaṭṭhena bhāvanā, āsevanaṭṭhena bhāvanā.

Maggo sañjāyatīti kathaṁ maggo sañjāyati? Dassanaṭṭhena sammādiṭṭhi maggo sañjāyati, abhiniropanaṭṭhena sammāsaṅkappo maggo sañjāyati, pariggahaṭṭhena sammāvācā maggo sañjāyati, samuṭṭhānaṭṭhena sammākammanto maggo sañjāyati, vodānaṭṭhena sammāājīvo maggo sañjāyati, paggahaṭṭhena sammāvāyāmo maggo sañjāyati, upaṭṭhānaṭṭhena sammāsati maggo sañjāyati, avikkhepaṭṭhena sammāsamādhi maggo sañjāyati—
abhiniropanaṭṭhena → abhiropanaṭṭhena (sya-all, pts) | sañjāyati → sañjayāti (pts) | upaṭṭhānaṭṭhena → upaṭṭhanaṭṭhena (pts)
evaṁ maggo sañjāyati.

So taṁ maggaṁ āsevati bhāveti bahulīkaroti āsevatīti kathaṁ āsevati?
bahulīkaroti → bahulīkarotīti (sya-all, pts)
Āvajjanto āsevati, jānanto āsevati, passanto āsevati, paccavekkhanto āsevati, cittaṁ adhiṭṭhahanto āsevati, saddhāya adhimuccanto āsevati, vīriyaṁ paggaṇhanto āsevati, satiṁ upaṭṭhāpento āsevati, cittaṁ samādahanto āsevati, paññāya pajānanto āsevati, abhiññeyyaṁ abhijānanto āsevati, pariññeyyaṁ parijānanto āsevati, pahātabbaṁ pajahanto āsevati, bhāvetabbaṁ bhāvento āsevati, sacchikātabbaṁ sacchikaronto āsevati—
upaṭṭhāpento → upaṭṭhapento (bj, pts) | upaṭṭhapento → uṭṭhapento (bj: machasaṁ)
evaṁ āsevati.

Bhāvetīti kathaṁ bhāveti? Āvajjanto bhāveti, jānanto bhāveti, passanto bhāveti, paccavekkhanto bhāveti, cittaṁ adhiṭṭhahanto bhāveti, saddhāya adhimuccanto bhāveti, vīriyaṁ paggaṇhanto bhāveti, satiṁ upaṭṭhāpento bhāveti, cittaṁ samādahanto bhāveti, paññāya pajānanto bhāveti, abhiññeyyaṁ abhijānanto bhāveti, pariññeyyaṁ parijānanto bhāveti, pahātabbaṁ pajahanto bhāveti, bhāvetabbaṁ bhāvento bhāveti, sacchikātabbaṁ sacchikaronto bhāveti—
upaṭṭhāpento → upaṭṭhapento (bj, pts)
evaṁ bhāveti.

Bahulīkarotīti kathaṁ bahulīkaroti? Āvajjanto bahulīkaroti, jānanto bahulīkaroti, passanto bahulīkaroti, paccavekkhanto bahulīkaroti, cittaṁ adhiṭṭhahanto bahulīkaroti, saddhāya adhimuccanto bahulīkaroti, vīriyaṁ paggaṇhanto bahulīkaroti, satiṁ upaṭṭhāpento bahulīkaroti, cittaṁ samādahanto bahulīkaroti, paññāya pajānanto bahulīkaroti, abhiññeyyaṁ abhijānanto bahulīkaroti, pariññeyyaṁ parijānanto bahulīkaroti, pahātabbaṁ pajahanto bahulīkaroti, bhāvetabbaṁ bhāvento bahulīkaroti, sacchikātabbaṁ sacchikaronto bahulīkaroti—
upaṭṭhāpento → upaṭṭhapento (bj, pts) | pajahanto → pajāhanto (bj)
evaṁ bahulīkaroti.

Tassa taṁ maggaṁ āsevato bhāvayato bahulīkaroto saññojanāni pahīyanti anusayā byantīhontīti kathaṁ saññojanāni pahīyanti, anusayā byantīhonti?
byantīhontīti → byattīhontīti (bj); byantihontīti (pts) | saññojanāni → saṁyojanā (bj) | byantīhonti → byantihonti (pts) | saññojanā → saññojanāni (bj: machasaṁ, syā, PTS)
Sotāpattimaggena, sakkāyadiṭṭhi, vicikicchā, sīlabbataparāmāso— imāni tīṇi saññojanāni pahīyanti; diṭṭhānusayo, vicikicchānusayo— ime dve anusayā byantīhonti.
anusayā → anusāyā (bj) | byantīhonti → byantihonti (pts)
Sakadāgāmimaggena oḷārikaṁ kāmarāgasaññojanaṁ, paṭighasaññojanaṁ— imāni dve saññojanāni pahīyanti; oḷāriko kāmarāgānusayo, paṭighānusayo— ime dve anusayā byantīhonti.
byantīhonti → byantihonti (pts)
Anāgāmimaggena anusahagataṁ kāmarāgasaññojanaṁ, paṭighasaññojanaṁ—
anusahagataṁ → aṇusahagataṁ (bj, sya-all, pts)
imāni dve saññojanāni pahīyanti; anusahagato kāmarāgānusayo, paṭighānusayo—
anusahagato → aṇusahagato (bj, sya-all) | anusahagato kāmarāgānusayo → aṇusahagato kāmarāganusayo (pts)
ime dve anusayā byantīhonti.
byantīhonti → byantihonti (pts)
Arahattamaggena rūparāgo, arūparāgo, māno, uddhaccaṁ, avijjā— imāni pañca saññojanāni pahīyanti; mānānusayo, bhavarāgānusayo, avijjānusayo— ime tayo anusayā byantīhonti.
byantīhonti → byantihonti (pts)
Evaṁ saññojanāni pahīyanti, anusayā byantīhonti.
saññojanāni → saṁyojanā (bj)

Abyāpādavasena cittassa ekaggatā avikkhepo samādhi …pe… ālokasaññāvasena cittassa ekaggatā avikkhepo samādhi …pe…
ālokasaññāvasena → ālokesaññāvasena (bj)
paṭinissaggānupassī assāsavasena paṭinissaggānupassī passāsavasena cittassa ekaggatā avikkhepo samādhi. Tattha jāte dhamme aniccato anupassanaṭṭhena vipassanā, dukkhato anupassanaṭṭhena vipassanā, anattato anupassanaṭṭhena vipassanā. Iti paṭhamaṁ samatho, pacchā vipassanā. Tena vuccati— “samathapubbaṅgamaṁ vipassanaṁ bhāvetī”ti.
samathapubbaṅgamaṁ → samathapumbaṅgamaṁ (bj) | bhāvetīti → bhāveti (bj, sya-all, pts) | bhāveti → bhāvetīti (bj: machasaṁ)
Bhāvetīti catasso bhāvanā— tattha jātānaṁ dhammānaṁ anativattanaṭṭhena bhāvanā, indriyānaṁ ekarasaṭṭhena bhāvanā, tadupagavīriyavāhanaṭṭhena bhāvanā, āsevanaṭṭhena bhāvanā.
anativattanaṭṭhena → anitivattanaṭṭhena (bj)

Maggo sañjāyatīti kathaṁ maggo sañjāyati? Dassanaṭṭhena sammādiṭṭhi maggo sañjāyati, abhiniropanaṭṭhena sammāsaṅkappo maggo sañjāyati …pe…
abhiniropanaṭṭhena → abhiropanaṭṭhena (sya-all, pts)
avikkhepaṭṭhena sammāsamādhi maggo sañjāyati. Evaṁ maggo sañjāyati.

So taṁ maggaṁ āsevati bhāveti bahulīkaroti āsevatīti kathaṁ āsevati?
kathaṁ → kathā (bj) | bahulīkaroti → bahulīkarotīti (sya-all, pts)
Āvajjanto āsevati …pe…
āvajjanto → āvajjanto āsevati jānanto (bj, sya-all, pts)
sacchikātabbaṁ sacchikaronto āsevati, evaṁ āsevati. Bhāvetīti kathaṁ bhāveti? Āvajjanto bhāveti, jānanto bhāveti …pe… sacchikātabbaṁ sacchikaronto bhāveti, evaṁ bhāveti. Bahulīkarotīti kathaṁ bahulīkaroti? Āvajjanto bahulīkaroti, jānanto bahulīkaroti …pe… sacchikātabbaṁ sacchikaronto bahulīkaroti, evaṁ bahulīkaroti.
sacchikātabbaṁ → (bj)

Tassa taṁ maggaṁ āsevato bhāvayato bahulīkaroto saññojanāni pahīyanti, anusayā byantīhontīti kathaṁ saññojanā pahīyanti, anusayā byantīhonti?
byantīhontīti → byattihontīti (bj); byantihontīti (pts) | saññojanā → saññojanāni (sya-all, pts) | byantīhonti sotāpattimaggena → byantihonti sotāpattimagena (pts)
Sotāpattimaggena sakkāyadiṭṭhi vicikicchā sīlabbataparāmāso— imāni tīṇi saññojanāni pahīyanti; diṭṭhānusayo, vicikicchānusayo—
vicikicchānusayo → vicikicchānusaso (bj)
ime dve anusayā byantīhonti.
byantīhonti → byantihonti (pts)
Sakadāgāmimaggena oḷārikaṁ kāmarāgasaññojanaṁ, paṭighasaññojanaṁ— imāni dve saññojanāni pahīyanti; oḷāriko kāmarāgānusayo paṭighānusayo— ime dve anusayā byantīhonti.
byantīhonti → byantihonti (pts)
Anāgāmimaggena anusahagataṁ kāmarāgasaññojanaṁ, paṭighasaññojanaṁ—
anusahagataṁ → aṇusahagataṁ (bj, sya-all, pts)
imāni dve saññojanāni pahīyanti; anusahagato kāmarāgānusayo, paṭighānusayo—
anusahagato → aṇusahagato (bj, sya-all, pts)
ime dve anusayā byantīhonti.
byantīhonti → byantihonti (pts)
Arahattamaggena rūparāgo, arūparāgo, māno, uddhaccaṁ, avijjā— imāni pañca saññojanāni pahīyanti; mānānusayo, bhavarāgānusayo, avijjānusayo— ime tayo anusayā byantīhonti.
byantīhonti → byantihonti (pts)
Evaṁ saññojanāni pahīyanti, anusayā byantīhonti.
byantīhonti → byantihonti (pts)
Evaṁ samathapubbaṅgamaṁ vipassanaṁ bhāveti.

Kathaṁ vipassanāpubbaṅgamaṁ samathaṁ bhāveti? Aniccato anupassanaṭṭhena vipassanā, dukkhato anupassanaṭṭhena vipassanā, anattato anupassanaṭṭhena vipassanā. Tattha jātānaṁ dhammānañca vosaggārammaṇatā cittassa ekaggatā avikkhepo.
vosaggārammaṇatā → vossaggārammaṇatā (bj, sya-all, pts-vp-pli1, mr) | vossaggārammaṇatā → vosaggārammaṇatā (bj: machasaṁ); vavassaggārammaṇatā (bj: a.paṭi) | vosaggārammaṇatā → vossaggārammaṇatā (cck: syā. ka.)
Samādhi iti paṭhamaṁ vipassanā, pacchā samatho. Tena vuccati— “vipassanāpubbaṅgamaṁ samathaṁ bhāvetī”ti.
bhāvetīti → bhāveti (bj, sya-all, pts) | bhāveti → bhāvetīti (bj: machasaṁ)
Bhāvetīti catasso bhāvanā— āsevanaṭṭhena bhāvanā …pe… maggo sañjāyatīti kathaṁ maggo sañjāyati …pe… evaṁ maggo sañjāyati. Evaṁ saññojanāni pahīyanti, anusayā byantīhonti.
byantīhonti → byantihonti (pts)

Rūpaṁ aniccato anupassanaṭṭhena vipassanā, rūpaṁ dukkhato anupassanaṭṭhena vipassanā, rūpaṁ anattato anupassanaṭṭhena vipassanā. Tattha jātānaṁ dhammānañca vosaggārammaṇatā cittassa ekaggatā avikkhepo samādhi.
vossaggārammaṇatā → vosaggārammaṇatā (bj: machasaṁ); vossakkārammaṇatā (bj: sī.mopa); vavassaggārammaṇatā (bj: a.paṭi) | vossaggārammaṇatā → vosakkārammaṇatā, S. S2.; vavassaggārammaṇatā, M. (pts note)
Iti paṭhamaṁ vipassanā, pacchā samatho. Tena vuccati— “vipassanāpubbaṅgamaṁ samathaṁ bhāvetī”ti.
bhāvetīti → bhāveti (bj, sya-all, pts) | bhāveti → bhāvetīti (bj: machasaṁ)
Bhāvetīti catasso bhāvanā— āsevanaṭṭhena bhāvanā …pe…
āsevanaṭṭhena bhāvanā → (pts)
maggo sañjāyatīti kathaṁ maggo sañjāyati …pe…
kathaṁ maggo sañjāyati → (sya-all)
evaṁ maggo sañjāyati. Evaṁ saññojanāni pahīyanti, anusayā byantīhonti.
saññojanāni → saṁyojanā (bj) | byantīhonti → byantihonti (pts)

Vedanaṁ …pe… saññaṁ … saṅkhāre … viññāṇaṁ … cakkhuṁ …pe… jarāmaraṇaṁ aniccato anupassanaṭṭhena vipassanā, jarāmaraṇaṁ dukkhato …pe… anattato anupassanaṭṭhena vipassanā. Tattha jātānaṁ dhammānañca vosaggārammaṇatā cittassa ekaggatā avikkhepo samādhi. Iti paṭhamaṁ vipassanā, pacchā samatho. Tena vuccati— “vipassanāpubbaṅgamaṁ samathaṁ bhāvetī”ti.
bhāvetīti → bhāveti (bj, sya-all, pts)
Bhāvetīti catasso bhāvanā— āsevanaṭṭhena bhāvanā …pe…
āsevanaṭṭhena bhāvanā → (sya-all, pts)
maggo sañjāyatīti kathaṁ maggo sañjāyati …pe…
maggo → (sya-all)
evaṁ maggo sañjāyati. Evaṁ saññojanāni pahīyanti, anusayā byantīhonti.
saññojanāni → saṁyojanā (bj) | byantīhonti → byantihonti (pts)
Evaṁ vipassanāpubbaṅgamaṁ samathaṁ bhāveti.

Kathaṁ samathavipassanaṁ yuganaddhaṁ bhāveti?
yuganaddhaṁ → yuganandhaṁ (pts) | yuganaddhaṁ → yuganandhaṁ (bj: syā, PTS)
Soḷasahi ākārehi samathavipassanaṁ yuganaddhaṁ bhāveti.
yuganaddhaṁ → yuganandhaṁ (pts)
Ārammaṇaṭṭhena gocaraṭṭhena pahānaṭṭhena pariccāgaṭṭhena vuṭṭhānaṭṭhena vivaṭṭanaṭṭhena santaṭṭhena paṇītaṭṭhena vimuttaṭṭhena anāsavaṭṭhena taraṇaṭṭhena animittaṭṭhena appaṇihitaṭṭhena suññataṭṭhena ekarasaṭṭhena anativattanaṭṭhena yuganaddhaṭṭhena.
yuganaddhaṭṭhena → yuganandhaṭṭhena (pts) | yuganandhaṭṭhena → All MSS. and K. agree in giving seventeen ways instead of sixteen, and in omitting the detailed treatment of the last three. (pts note)

Kathaṁ ārammaṇaṭṭhena samathavipassanaṁ yuganaddhaṁ bhāveti?
yuganaddhaṁ → yuganandhaṁ (pts)
Uddhaccaṁ pajahato cittassa ekaggatā avikkhepo samādhi nirodhārammaṇo, avijjaṁ pajahato anupassanaṭṭhena vipassanā nirodhārammaṇā.
nirodhārammaṇo → nirodhārammaṇā (bj)
Iti ārammaṇaṭṭhena samathavipassanā ekarasā honti, yuganaddhā honti, aññamaññaṁ nātivattantīti.
nātivattantīti → nātivattanti (bj) | yuganaddhā → yuganandhā (pts) | nātivattanti → nātivattantīti (bj: machasaṁ, syā, PTS) | nātivattantīti → nātivattanti, S. S2. (pts note)
Tena vuccati— “ārammaṇaṭṭhena samathavipassanaṁ yuganaddhaṁ bhāvetī”ti.
bhāvetīti → bhāveti (bj, sya-all) | yuganaddhaṁ bhāvetīti → yuganandhaṁ bhāveti (pts) | yuganaddhaṁ → yuganandhaṁ (bj: syā, PTS)
Bhāvetīti catasso bhāvanā— āsevanaṭṭhena bhāvanā …pe…
āsevanaṭṭhena bhāvanā → (pts)
maggo sañjāyatīti kathaṁ maggo sañjāyati …pe… evaṁ maggo sañjāyati. Evaṁ saññojanāni pahīyanti, anusayā byantīhonti.
byantīhonti → byantihonti (pts)
Evaṁ ārammaṇaṭṭhena samathavipassanaṁ yuganaddhaṁ bhāveti.
yuganaddhaṁ → yuganandhaṁ (pts)

Kathaṁ gocaraṭṭhena samathavipassanaṁ yuganaddhaṁ bhāveti?
yuganaddhaṁ → yuganandhaṁ (pts)
Uddhaccaṁ pajahato cittassa ekaggatā avikkhepo samādhi nirodhagocaro, avijjaṁ pajahato anupassanaṭṭhena vipassanā nirodhagocarā.
nirodhagocarā → nirodhagocaro (bj)
Iti gocaraṭṭhena samathavipassanā ekarasā honti, yuganaddhā honti, aññamaññaṁ nātivattantīti.
nātivattantīti → nātivattanti (bj) | yuganaddhā → yuganandhā (pts)
Tena vuccati— “gocaraṭṭhena samathavipassanaṁ yuganaddhaṁ bhāvetī”ti.
yuganaddhaṁ → yuganaddhaṁ bhāveti (bj) | bhāvetīti → bhāveti (sya-all)

Kathaṁ pahānaṭṭhena samathavipassanaṁ yuganaddhaṁ bhāveti?
yuganaddhaṁ → yuganandhaṁ (pts)
Uddhaccasahagatakilese ca khandhe ca pajahato cittassa ekaggatā avikkhepo samādhi nirodhagocaro, avijjāsahagatakilese ca khandhe ca pajahato anupassanaṭṭhena vipassanā nirodhagocarā. Iti pahānaṭṭhena samathavipassanā ekarasā honti, yuganaddhā honti, aññamaññaṁ nātivattantīti.
nātivattantīti → nātivattanti (bj) | yuganaddhā → yuganandhā (pts)
Tena vuccati— “pahānaṭṭhena samathavipassanaṁ yuganaddhaṁ bhāvetī”ti.
bhāvetīti → bhāveti (sya-all) | yuganaddhaṁ bhāvetīti → yuganandhaṁ bhāveti (pts)

Kathaṁ pariccāgaṭṭhena samathavipassanaṁ yuganaddhaṁ bhāveti?
yuganaddhaṁ → yuganandhaṁ (pts)
Uddhaccasahagatakilese ca khandhe ca pariccajato cittassa ekaggatā avikkhepo samādhi nirodhagocaro, avijjāsahagatakilese ca khandhe ca pariccajato anupassanaṭṭhena vipassanā nirodhagocarā. Iti pariccāgaṭṭhena samathavipassanā ekarasā honti, yuganaddhā honti, aññamaññaṁ nātivattantīti.
nātivattantīti → nātivattanti (bj) | yuganaddhā → yuganandhā (pts)
Tena vuccati— “pariccāgaṭṭhena samathavipassanaṁ yuganaddhaṁ bhāvetī”ti.
bhāvetīti → bhāveti (sya-all) | yuganaddhaṁ bhāvetīti → yuganandhaṁ bhāveti (pts)

Kathaṁ vuṭṭhānaṭṭhena samathavipassanaṁ yuganaddhaṁ bhāveti?
yuganaddhaṁ → yuganandhaṁ (pts)
Uddhaccasahagatakilesehi ca khandhehi ca vuṭṭhahato cittassa ekaggatā avikkhepo samādhi nirodhagocaro, avijjāsahagatakilesehi ca khandhehi ca vuṭṭhahato anupassanaṭṭhena vipassanā nirodhagocarā.
avijjāsahagatakilesehi → avijjāsahagakilesehi (bj)
Iti vuṭṭhānaṭṭhena samathavipassanā ekarasā honti, yuganaddhā honti, aññamaññaṁ nātivattantīti.
nātivattantīti → nātivattanti (bj) | yuganaddhā → yuganandhā (pts)
Tena vuccati— “vuṭṭhānaṭṭhena samathavipassanaṁ yuganaddhaṁ bhāvetī”ti.
bhāvetīti → bhāveti (sya-all) | yuganaddhaṁ bhāvetīti → yuganandhaṁ bhāveti (pts)

Kathaṁ vivaṭṭanaṭṭhena samathavipassanaṁ yuganaddhaṁ bhāveti?
yuganaddhaṁ → yuganandhaṁ (pts) | vivaṭṭanaṭṭhena → vivattanaṭṭhena (bj: sī.mopa, sī.pævi)
Uddhaccasahagatakilesehi ca khandhehi ca vivaṭṭato cittassa ekaggatā avikkhepo samādhi nirodhagocaro, avijjāsahagatakilesehi ca khandhehi ca vivaṭṭato anupassanaṭṭhena vipassanā nirodhagocarā.
avijjāsahagatakilesehi → avijjāsahagakilesehi (bj) | vivaṭṭato → vivantato (bj: sī.mopa, sī.pævi)
Iti vivaṭṭanaṭṭhena samathavipassanā ekarasā honti, yuganaddhā honti, aññamaññaṁ nātivattantīti.
nātivattantīti → nātivattanti (bj) | yuganaddhā → yuganandhā (pts)
Tena vuccati— “vivaṭṭanaṭṭhena samathavipassanaṁ yuganaddhaṁ bhāvetī”ti.
bhāvetīti → bhāveti (sya-all)

Kathaṁ santaṭṭhena samathavipassanaṁ yuganaddhaṁ bhāveti?
yuganaddhaṁ → yuganandhaṁ (pts)
Uddhaccaṁ pajahato cittassa ekaggatā avikkhepo samādhi santo honti nirodhagocaro, avijjaṁ pajahato anupassanaṭṭhena vipassanā santā hoti nirodhagocarā.
honti → hoti (bj, sya-all, pts)
Iti santaṭṭhena samathavipassanā ekarasā honti, yuganaddhā honti, aññamaññaṁ nātivattantīti.
nātivattantīti → nātivattanti (bj) | yuganaddhā → yuganandhā (pts)
Tena vuccati— “santaṭṭhena samathavipassanaṁ yuganaddhaṁ bhāvetī”ti.
bhāvetīti → bhāveti (sya-all) | yuganaddhaṁ bhāvetīti → yuganandhaṁ bhāveti (pts)

Kathaṁ paṇītaṭṭhena samathavipassanaṁ yuganaddhaṁ bhāveti?
yuganaddhaṁ → yuganandhaṁ (pts)
Uddhaccaṁ pajahato cittassa ekaggatā avikkhepo samādhi paṇīto hoti nirodhagocaro, avijjaṁ pajahato anupassanaṭṭhena vipassanā paṇītā hoti nirodhagocarā. Iti paṇītaṭṭhena samathavipassanā ekarasā honti, yuganaddhā honti, aññamaññaṁ nātivattantīti.
nātivattantīti → nātivattanti (bj) | yuganaddhā → yuganandhā (pts)
Tena vuccati— “paṇītaṭṭhena samathavipassanaṁ yuganaddhaṁ bhāvetī”ti.
bhāvetīti → bhāveti (sya-all) | yuganaddhaṁ bhāvetīti → yuganandhaṁ bhāveti (pts)

Kathaṁ vimuttaṭṭhena samathavipassanaṁ yuganaddhaṁ bhāveti?
yuganaddhaṁ → yuganandhaṁ (pts)
Uddhaccaṁ pajahato cittassa ekaggatā avikkhepo samādhi kāmāsavā vimutto hoti nirodhagocaro, avijjaṁ pajahato anupassanaṭṭhena vipassanā avijjāsavā vimuttā hoti nirodhagocarā.
kāmāsavā → (sya-all, pts) | avijjāsavā → (sya-all, pts) | nirodhagocaro → nirodhagacaro (pts)
Iti rāgavirāgā cetovimutti avijjāvirāgā paññāvimutti vimuttaṭṭhena samathavipassanā ekarasā honti, yuganaddhā honti, aññamaññaṁ nātivattantīti.
vimuttaṭṭhena → iti vimuttiṭṭhena (bj) | nātivattantīti → nātivattanti (bj) | yuganaddhā → yuganandhā (pts)
Tena vuccati— “vimuttaṭṭhena samathavipassanaṁ yuganaddhaṁ bhāvetī”ti.
bhāvetīti → bhāveti (sya-all)

Kathaṁ anāsavaṭṭhena samathavipassanaṁ yuganaddhaṁ bhāveti?
yuganaddhaṁ → yuganandhaṁ (pts)
Uddhaccaṁ pajahato cittassa ekaggatā avikkhepo samādhi kāmāsavena anāsavo hoti nirodhagocaro, avijjaṁ pajahato anupassanaṭṭhena vipassanā avijjāsavena anāsavā hoti nirodhagocarā.
anāsavo → anāvāso (bj)
Iti anāsavaṭṭhena samathavipassanā ekarasā honti, yuganaddhā honti, aññamaññaṁ nātivattantīti.
nātivattantīti → nātivattanti (bj) | yuganaddhā → yuganandhā (pts)
Tena vuccati— “anāsavaṭṭhena samathavipassanaṁ yuganaddhaṁ bhāvetī”ti.
bhāvetīti → bhāveti (sya-all) | yuganaddhaṁ bhāvetīti → yuganandhaṁ bhāveti (pts)

Kathaṁ taraṇaṭṭhena samathavipassanaṁ yuganaddhaṁ bhāveti?
yuganaddhaṁ → yuganandhaṁ (pts)
Uddhaccasahagatakilese ca khandhe ca tarato cittassa ekaggatā avikkhepo samādhi nirodhagocaro, avijjāsahagatakilese ca khandhe ca tarato anupassanaṭṭhena vipassanā nirodhagocarā.
uddhaccasahagatakilese → uddhaccasahagatakilesehi (sya-all, pts) | khandhe → khandhehi (sya-all, pts) | avijjāsahagatakilese → avijjāsahagatakilesehi (sya-all, pts)
Iti taraṇaṭṭhena samathavipassanā ekarasā honti, yuganaddhā honti, aññamaññaṁ nātivattantīti.
nātivattantīti → nātivattanti (bj) | yuganaddhā → yuganandhā (pts)
Tena vuccati— “taraṇaṭṭhena samathavipassanaṁ yuganaddhaṁ bhāvetī”ti.
bhāvetīti → bhāveti (sya-all) | yuganaddhaṁ bhāvetīti → yuganandhaṁ bhāveti (pts)

Kathaṁ animittaṭṭhena samathavipassanaṁ yuganaddhaṁ bhāveti?
yuganaddhaṁ → yuganandhaṁ (pts)
Uddhaccaṁ pajahato cittassa ekaggatā avikkhepo samādhi sabbanimittehi animitto hoti nirodhagocaro, avijjaṁ pajahato anupassanaṭṭhena vipassanā sabbanimittehi animittā hoti nirodhagocarā. Iti animittaṭṭhena samathavipassanā ekarasā honti, yuganaddhā honti, aññamaññaṁ nātivattantīti.
nātivattantīti → nātivattanti (bj) | yuganaddhā → yuganandhā (pts)
Tena vuccati— “animittaṭṭhena samathavipassanaṁ yuganaddhaṁ bhāvetī”ti.
bhāvetīti → bhāveti (sya-all) | yuganaddhaṁ bhāvetīti → yuganandhaṁ bhāveti (pts)

Kathaṁ appaṇihitaṭṭhena samathavipassanaṁ yuganaddhaṁ bhāveti?
yuganaddhaṁ → yuganandhaṁ (pts)
Uddhaccaṁ pajahato cittassa ekaggatā avikkhepo samādhi sabbapaṇidhīhi appaṇihito hoti nirodhagocaro, avijjaṁ pajahato anupassanaṭṭhena vipassanā sabbapaṇidhīhi appaṇihitā hoti nirodhagocarā.
sabbapaṇidhīhi → sabbapaṇidīhi (pts)
Iti appaṇihitaṭṭhena samathavipassanā ekarasā honti, yuganaddhā honti, aññamaññaṁ nātivattantīti.
nātivattantīti → nātivattanti (bj) | yuganaddhā → yuganandhā (pts)
Tena vuccati— “appaṇihitaṭṭhena samathavipassanaṁ yuganaddhaṁ bhāvetī”ti.
bhāvetīti → bhāveti (sya-all) | yuganaddhaṁ bhāvetīti → yuganandhaṁ bhāveti (pts)

Kathaṁ suññataṭṭhena samathavipassanaṁ yuganaddhaṁ bhāveti?
yuganaddhaṁ → yuganandhaṁ (pts)
Uddhaccaṁ pajahato cittassa ekaggatā avikkhepo samādhi sabbābhinivesehi suñño hoti nirodhagocaro, avijjaṁ pajahato anupassanaṭṭhena vipassanā sabbābhinivesehi suññā hoti nirodhagocarā.
sabbābhinivesehi → sabbābhinevesehi (pts)
Iti suññataṭṭhena samathavipassanā ekarasā honti, yuganaddhā honti, aññamaññaṁ nātivattantīti.
nātivattantīti → nātivattanti (bj) | yuganaddhā → yuganandhā (pts)
Tena vuccati— “suññataṭṭhena samathavipassanaṁ yuganaddhaṁ bhāvetī”ti.
bhāvetīti → bhāveti (bj, sya-all) | yuganaddhaṁ bhāvetīti → yuganandhaṁ bhāveti (pts)
Bhāvetīti catasso bhāvanā— āsevanaṭṭhena bhāvanā …pe… maggo sañjāyatīti kathaṁ maggo sañjāyati …pe… evaṁ maggo sañjāyati. Evaṁ saññojanāni pahīyanti, anusayā byantīhonti.
byantīhonti → byantihonti (pts)
Evaṁ suññataṭṭhena samathavipassanaṁ yuganaddhaṁ bhāveti.
yuganaddhaṁ → yuganandhaṁ (pts)
Imehi soḷasahi ākārehi samathavipassanaṁ yuganaddhaṁ bhāveti, evaṁ samathavipassanaṁ yuganaddhaṁ bhāveti.
soḷasahi → soḷahi (bj) | yuganaddhaṁ → yuganandhaṁ (pts)

Suttantaniddeso.

2. Dhammuddhaccavāraniddesa

Kathaṁ dhammuddhaccaviggahitaṁ mānasaṁ hoti?
dhammuddhaccaviggahitaṁ mānasaṁ → dhammuddhaccāviggahitamānasaṁ (sya-all) | mānasaṁ → - viggahitamānasaṁ (bj: sī.pævi) | mānasaṁ → dhammuddhaccaṁ viggamānasaṁ, S. (pts note)
Aniccato manasikaroto obhāso uppajjati, obhāso dhammoti obhāsaṁ āvajjati, tato vikkhepo uddhaccaṁ.
āvajjati → āpajjati (pts) | āpajjati → apaccatīti, S.; aniccati, S2.; āvajjati, K. (pts note)
Tena uddhaccena viggahitamānaso aniccato upaṭṭhānaṁ yathābhūtaṁ nappajānāti, dukkhato upaṭṭhānaṁ yathābhūtaṁ nappajānāti, anattato upaṭṭhānaṁ yathābhūtaṁ nappajānāti.
aniccato → aniccato uppaṭṭhānaṁ yathābhūtaṁ nappajāyāti dukkhato (bj) | aniccato → avijjato (sya-all: sī) | tena → uddhaccantena, K. (pts note)
Tena vuccati— “dhammuddhaccaviggahitamānaso hoti so samayo, yaṁ taṁ cittaṁ ajjhattameva santiṭṭhati sannisīdati ekodi hoti samādhiyati.
dhammuddhaccaviggahitamānaso → dhammuddhaccāviggahitamānasaṁ (sya-all) | ajjhattameva → ajjhattaññeva (sya-all) | dhammuddhaccaviggahitamānaso → -mānaso, S. S2. M.; -mānasaṁ, K. (pts note) | samayo → So mayo, S. S2. (pts note)
Tassa maggo sañjāyatī”ti kathaṁ maggo sañjāyati …pe… evaṁ maggo sañjāyati, evaṁ saññojanāni pahīyanti, anusayā byantīhonti.
byantīhonti → byantihonti (pts)

Aniccato manasikaroto ñāṇaṁ uppajjati, pīti uppajjati, passaddhi uppajjati, sukhaṁ uppajjati, adhimokkho uppajjati, paggaho uppajjati, upaṭṭhānaṁ uppajjati, upekkhā uppajjati, nikanti uppajjati, “nikanti dhammo”ti nikantiṁ āvajjati.
paggaho → paggāho (sya-all) | āvajjati → āpajjati (pts) | paggaho → paggāho (bj: visu) | paggāho → kesuci potthakesu sabbavāresu paggahoti likhitaṁ (sya-all note) | paggaho → paggāho, K. (pts note) | nikantiṁ → nikanti. S. S2. M. (pts note) | āpajjati → āvajjati, S. S2. K. (pts note)
Tato vikkhepo uddhaccaṁ. Tena uddhaccena viggahitamānaso aniccato upaṭṭhānaṁ yathābhūtaṁ nappajānāti, dukkhato upaṭṭhānaṁ yathābhūtaṁ nappajānāti, anattato upaṭṭhānaṁ yathābhūtaṁ nappajānāti. Tena vuccati— “dhammuddhaccaviggahitamānaso hoti so samayo, yaṁ taṁ cittaṁ ajjhattameva santiṭṭhati sannisīdati ekodi hoti samādhiyati.
dhammuddhaccaviggahitamānaso → dhammuddhaccāviggahitamānasaṁ (sya-all) | ajjhattameva → ajjhattaññeva (sya-all)
Tassa maggo sañjāyatī”ti. Kathaṁ maggo sañjāyati …pe… evaṁ maggo sañjāyati, evaṁ saññojanāni pahīyanti, anusayā byantīhonti.
byantīhonti → byantihonti (pts)

Dukkhato manasikaroto …pe… anattato manasikaroto obhāso uppajjati …pe… ñāṇaṁ uppajjati, pīti uppajjati, passaddhi uppajjati, sukhaṁ uppajjati, adhimokkho uppajjati, paggaho uppajjati, upaṭṭhānaṁ uppajjati, upekkhā uppajjati, nikanti uppajjati, “nikanti dhammo”ti nikantiṁ āvajjati.
paggaho → paggāho (sya-all) | āvajjati → āpajjati (pts)
Tato vikkhepo uddhaccaṁ. Tena uddhaccena viggahitamānaso anattato upaṭṭhānaṁ, aniccato upaṭṭhānaṁ, dukkhato upaṭṭhānaṁ yathābhūtaṁ nappajānāti.
viggahitamānaso → viggāhitamānaso (pts)
Tena vuccati— “dhammuddhaccaviggahitamānaso …pe…
dhammuddhaccaviggahitamānaso → dhammuddhaccāviggahitamānasaṁ (sya-all); dhammuddhaccaviggahitamānaso hoti (pts)
evaṁ saññojanāni pahīyanti, anusayā byantīhonti”.

Rūpaṁ aniccato manasikaroto …pe… rūpaṁ dukkhato manasikaroto … rūpaṁ anattato manasikaroto … vedanaṁ …pe… saññaṁ … saṅkhāre … viññāṇaṁ … cakkhuṁ …pe… jarāmaraṇaṁ aniccato manasikaroto …pe… jarāmaraṇaṁ dukkhato manasikaroto, jarāmaraṇaṁ anattato manasikaroto obhāso uppajjati …pe… ñāṇaṁ uppajjati, pīti uppajjati, passaddhi uppajjati, sukhaṁ uppajjati, adhimokkho uppajjati, paggaho uppajjati, upaṭṭhānaṁ uppajjati, upekkhā uppajjati, nikanti uppajjati, “nikanti dhammo”ti nikantiṁ āvajjati.
paggaho → paggāho (sya-all) | āvajjati → āpajjati (pts)
Tato vikkhepo uddhaccaṁ. Tena uddhaccena viggahitamānaso. Jarāmaraṇaṁ anattato upaṭṭhānaṁ yathābhūtaṁ nappajānāti.
upaṭṭhānaṁ yathābhūtaṁ nappajānāti → uppaṭṭhānaṁ (pts)
Jarāmaraṇaṁ aniccato upaṭṭhānaṁ yathābhūtaṁ nappajānāti, jarāmaraṇaṁ dukkhato upaṭṭhānaṁ yathābhūtaṁ nappajānāti.
yathābhūtaṁ nappajānāti → (pts)
Tena vuccati— “dhammuddhaccaviggahitamānaso hoti.
dhammuddhaccaviggahitamānaso → dhammuddhaccāviggahitamānasaṁ (sya-all)
So samayo, yaṁ taṁ cittaṁ ajjhattameva santiṭṭhati sannisīdati ekodi hoti samādhiyati.
ajjhattameva → aniccato (sya-all)
Tassa maggo sañjāyatī”ti. Kathaṁ maggo sañjāyati …pe… evaṁ maggo sañjāyati. Evaṁ saññojanāni pahīyanti, anusayā byantīhonti.
byantīhonti → byantihonti (pts)
Evaṁ dhammuddhaccaviggahitaṁ mānasaṁ hoti.
dhammuddhaccaviggahitaṁ mānasaṁ → dhammuddhaccāviggahitamānasaṁ (sya-all)

Obhāse ceva ñāṇe ca, pītiyā ca vikampati; Passaddhiyā sukhe ceva, yehi cittaṁ pavedhati.

Adhimokkhe ca paggāhe, upaṭṭhāne ca kampati;
kampati upekkhāvajjanāya → vikampati upekkhāvajjanā (sya-all) | kampati → pakampati, S.; vikampati, K; kampati, S2. (pts note)
Upekkhāvajjanāya ceva, upekkhāya ca nikantiyā.
ceva → upekkhāvajjanā ceva (bj: syā) | upekkhāvajjanāya → upekkhāvajjānā, S. S2. (pts note) upekkhāya → ṭhapekāya, S.; ṭhapekkhāya, S2. (pts note)

Imāni dasa ṭhānāni, paññā yassa pariccitā;
ṭhānāni → dassatāna, S. S2. (pts note) paricitā → pariccitā (bj: machasaṁ, syā); paricitā (bj: a.paṭi)
Dhammuddhaccakusalo hoti, na ca sammoha gacchati.
sammoha → sammohaṁ (bj, pts) | sammoha gacchati vikkhipati → sammohagacchati vikampati (sya-all) | gacchati → vikkhepaṁ gacchati (bj: visu); sammohagacchati (bj: syā) | gacchati → sammohagacchati, K. (pts note)

Vikkhipati ceva kilissati ca, cavati cittabhāvanā;
vikkhipati → vikampati (bj: syā) | Vikkhipati → vikkhippati, S.; vikkhippam eva, S2.; vikampati, K. (pts note) | kilissati → kilīsati, S. S2. (pts note)
Vikkhipati na kilissati, bhāvanā parihāyati.
vikkhipati na → vikampati (sya-all) | na → (pts) | kilissati → vikkhapati kilissati (bj: syā, PTS) | visujjhati → vikkhipati, S. S2. M.; text, K. (pts note) na → S. S2. omit na. (pts note) | parihāyati → pariyāyatīti, S. S2. (pts note)

Vikkhipati na kilissati, bhāvanā na parihāyati;
vikkhipati → visujjhati (sya-all, pts) | vikkhipati → vikkhipate, M. K.; vikkhippavo, S. S2. (pts note)
Na ca vikkhipate cittaṁ na kilissati, na cavati cittabhāvanā.
vikkhipate → vikkhipati (pts) | na → S. S2. omit na. (pts note) cittabhāvanā → bhāvanā (pts) | bhāvanā → cittabhāvanā, S. S2. M. (pts note)

Imehi catūhi ṭhānehi cittassa saṅkhepavikkhepaviggahitaṁ dasa ṭhāne sampajānātīti.
cittassa saṅkhepavikkhepaviggahitaṁ → cittassa saṅkhepaṁ vikkhepaṁ viggahitaṁ (sya-all); cittasaṅkhepavikkhepaṁ avikkhepaṁ viggahitaṁ (pts-vp-pli1) | dasa ṭhāne sampajānātīti → dasaṭṭhāne (mānasaṁ kusalā) sampajānātīti (bj); dasaṭṭhānehi sampajānātīti (sya-all); dasaṭṭhānehi pajānātīti (pts-vp-pli1) | dasa ṭhāne → dasaṭṭhāne mānasaṁ kusalo (bj) | saṅkhepavikkhepaviggahitaṁ dasa ṭhāne → saṁkhepaṁ vikkhepaṁ viggahitaṁ dasaṭṭhānehi (sya-all) | sampajānātī”ti → osānagāthā potthakesu visadisā dissati, aṭṭhakathāya pana saṁsandetavā paṭisaṅkhatā (bj note) | saṅkhepavikkhepaviggahitaṁ → saṅkhepaṁ vikkhepaṁ viggahitaṁ (cck: syā.) | cittasaṅkhepavikkhepaṁ → From here to the end the following are the MS. readings: cittassa saṅkhepavikkhapavigahitaṁ dasa ṭhāne saṁpajānātīti, M.; cittassa saṅkhepaviggahita ānā sampajānātīti, S.; cittassa saṅkhepavikkhepa āvikkhepanā samyojjānātīti, S2 cittassa saṅkhepaṁ vikkhepaṁ viggahitaṁ dasaṭṭhānehi sampajānātīti, K. (pts note)

Yuganaddhakathā niṭṭhitā.

Principles · Rationale · Glossary · 6 Pali editions